Ez 46:9 - Chuj San Sebastian Bible

⁹ A yic tz'och eb' chon̈b' wul yac' 'emmquilal 'ayn an Jehová in tic 'a yic q'uin̈al, 'ixtc 'oj 'aj eb' yochi: A eb' 'anma 'oj 'och 'a jun puerta 'ay 'a stojlal norte, ata 'oj 'elx eb' 'a jun puerta 'ay 'a stojlal sur; ax eb' 'oj 'och 'a jun puerta 'ay 'a stojlal sur cha, ata 'oj 'elx eb' 'a jun puerta 'ay 'a stojlal norte. Matz tac' smeltzj eb' 'a spatic, palta to 'ixtc tz'elx eb' 'a yojltac.

Chuj San Mateo Bible

⁹ Ayic tzul och eb' chon̈ab' ejmelal d'ayin d'a junjun q'uin̈, yovalil a tic sc'ulej eb': A mach tz'och d'a b'ab'el amac' d'a spuertail, d'a stojolal norte, a d'a puerta d'a stojolal sur tz'elxi. Axo mach tz'och d'a puerta d'a stojolal sur chi', a d'a puerta d'a stojolal norte chi' tz'elxi. Malaj junoc mach smeltzajxiel d'a puerta b'aj ix ochi, palta to tz'el d'a junxo puerta q'uelancot b'aj ix och chi'.

Ez 46:9 ပူးပေါင်းရင်းမြစ်များ

Salmos 84:7

'Oj 'och yip eb' si'mb'il, ax 'a lum tzaln Sión, ata 'oj ach yil eb' ach in Diosal.

Ex 34:23

An Jehová in an tzwala. Yowlal 'ox 'ejm tzjaw smasnil eb' winc 'a wojltac, atn 'a yic tze nan 'oxe q'uin̈ chi 'a junjn ab'il.

Ez 1:12

A yic tzb'ey eb', tojln̈ej sb'ey't eb' 'a yojltac, a 'aj tz'ijx 'at eb' yuj spoder Dios, matz meltzj xon eb' 'a yet'l cha.

Ez 1:17

A yic tzb'ey eb', tzta'n̈j sb'ey eb' 'a schan̈paq'uil, man̈ yowlalc tzmeltzj eb' 'a yet'l cha.

Ez 36:38

A jun tzo'n̈ chon̈b' lajwnac can 'ejm cha, 'oj b'ut'joc pax 'ejm 'anma 'a 'a, lajn wal yilx 'oj 'aj 'ejm eb' 'anma chi 'a 'icha tz'aj sb'ut'j c'och no calnelu 'a Jerusalén yic tz'ajx no xajmb'al-l 'a q'uin̈. Atta 'oj in eyojcoc 'eli, to an Jehová in, xchi Dios.

Ez 40:24

Xlajw cha, in yi'n 'at jun winc chi 'a stojlal sur. A pax ta 'ay junx puerta. 'Ix yechtan smarcoal yet' jolm puerta cha, lajn yechl yet' jun tzo'n̈ b'ab'l puerta.

Ez 44:24

An̈jtona', toto 'ay mach 'ay yowal, a eb' 'oj b'onc yaj jun owl cha, 'icha wal yaln sleyl 'aycn wu'uj. 'Oj syiclc eb' smasnil in checnb'il yic jun tzo'n̈ q'uin̈ wic yaji, yet' pax sleyl sc'ul 'iljelal.

Ez 8:14

In yi'n 'at pax 'a jun puerta yic 'amc' tzcan 'a stojlal norte, ax in c'och ta', 'ix wilni, 'ay jun tzo'n̈ eb' 'ix 'ix wocn 'ejmi, wan yoc' eb' yuj schamlil jun yechl comn dios tzcuch Tamuz.

Miqueas 6:6

Tzlaj sc'anb'n eb' wit israelal chi 'ixtic: ¿Tas 'oj ca'c 'a Jehová yic tzon̈ 'ochc 'emmquilal 'a 'a, atn jun Dios Cojxn̈ej Niwn Yel'chi? ¿'Oj qui c'ochc 'a yojltac am yet' junc no quelm wacx jun ab'il sq'uinal, yic tzca'nec tz'a no xajmb'al-l 'a 'a?

Malaquías 4:4

Nac cot in checnb'il wa'jnac can 'a in checb' Moisés yic 'ayc' 'a sjolm lum witz Sinaí. A jun tzo'n̈ ley yet' jun tzo'n̈ checnb'il cha, smoj wal to tzeyiclj e masnil ax israel ex tic.

Dt 16:16

Smasnil eb' winac, yowlal 'ox'ejm tz'och eb' 'a yojltac Jehová Dios 'a junjn ab'il, atn 'a jun lugar 'oj si'l yico'oc cha. A jun tzo'n̈ q'uin̈ 'aj 'oj 'och eb' cha, atn tic: Q'uin̈ yic 'ixm pan may yich, q'uin̈ yic tzlajw spolx trigo, yet' q'uin̈ Chinama. May cab' junc mach tzsat sc'ojl yi'n 'at yofrenda 'a yojltac Jehová.

A Ch'an̈ Carta D'a Eb' Hebreo 10:38

Ax eb' tojl snab'en 'a in sat, pitzn eb', yujto tzin ya'ch eb' 'a sc'ojol. Palta toto tzmeltzj eb' 'a spatic, man̈x 'oj in tzalj yet' eb', xchi Dios 'a Ch'an̈.