Ez 46:20 - Chuj San Sebastian Bible

²⁰ 'Ix yaln 'ayn 'ixtic: A 'a tic 'oj stz'an̈ eb' ya'mal 'och sti eb' 'anma no xajmb'al tz'ajx yuj ya'n lajwc mul yet' no yic stojl mul; ax sb'oln c'anb'c pax eb' 'ixm sat trigo tz'ajx ofrendail, sec wach' matz 'ijx 'el jun tzo'n̈ chi 'a 'aj 'ay jun 'amc' 'a sti 'eli, yujto 'ay smay syamx jun tzo'n̈ chi yuj eb' comn 'anma', xchi 'ayin.

Chuj San Mateo Bible

²⁰ Ix yalan vin̈ d'ayin icha tic: Aton d'a tic yovalil ol stz'an̈ noc' silab' eb' sacerdote tz'ac'ji silab'il yuj yac'ji tup mul, ma yuj stojoloc mul. A d'a tic ol b'ochaj pax ixim harina tz'ac'ji ofrendail. Icha chi', max ic'chajel juntzan̈ tastac chi' d'a b'ab'el amac', yic vach' max ochcan stziquiquial juntzan̈ tas yic Dios yaj d'a eb' anima, xchi vin̈ d'ayin.

Ez 46:20 ပူးပေါင်းရင်းမြစ်များ

2 Cr 35:13

Xlajw cha, sb'oln eb' no xajmb'al yic q'uin̈, 'icha yaj stz'ib'xcani; ax jun tzo'n̈ xo no xajmb'al, 'ix tz'an̈x no 'a yol chen, 'a yol cotc chen, yet' 'a yol xalten. Yajn̈ej 'ix spojn 'ec' eb' mu'c 'a smasnil eb' chon̈ab'.

Ex 29:31

Tzlajw cha, tze'n cot no mam calnelu cha, no tzc'anx yuj si'nb'ilc 'och junc mach 'a yopiso, ax schib'jal no', ata tza tz'an̈ 'a junc lugar sic'b'il 'el wico'oc.

Ez 44:19

Ax yic mantzac 'elt eb' 'a junx 'amc' 'ay 'a sti 'elt 'aj 'ayc' eb' chon̈ab', yowlal tzyijcan 'el eb' spichl tzc'anlb'ej 'a yopiso cha. Ata tzyactj can eb' 'a yojl jun tzo'n̈ cuarto 'ay 'a yojl 'och watut cha. Chucx cab' spichl eb' tzya'chi, sec wach' matz 'och smay te pichl chi 'a eb' comn 'anma 'ayc' 'a sti cha.

Ez 44:29

Smasnil tas tzeyac' ofrendail 'ayin, yic eb' yaji, a eb' 'oj c'uxnoc. 'Icha no xajmb'al tz'ajx yuj mul, no tztojn lajw mul yet' jun tzo'n̈ tas tzc'uxxi.

Ez 46:21

In yi'n pax 'elt jun winc chi 'a 'aj 'ay jun 'amc' 'a sti 'elt cha, in ya'n b'eyc'oc 'a chan̈e yisquinyoal jun 'amc' cha, ax 'a junjn yisquinyoal cha, a paxta 'ay junjn cotc 'amac'.

Ez 46:24

Yuj cha, xyaln jun winc chi 'ayn 'ixtic: A eb' 'oj munljoc 'a yatut Dios, a 'a tic 'oj stz'an̈ eb' no xajmb'al 'oj yac' eb' chon̈ab', xchi.

Lv 2:1

Toto 'ay junc mach tz'i'n cot 'ixm harina ofrendail 'ayn an Jehová in, a cab' 'ixm caw wach' tzyij coti, ax 'a yib'an̈, ata tz'ajx 'ejm aceite yet' incienso.

Lv 2:10

Ax jacx jun ofrenda tzcan cha, yic Aarón tz'ajcn yet' eb' yunnal. Caw niwn yel'ch jab'x cha, yujto yitb'eymn̈ej sb'a yet' jun tzo'n̈ ofrenda tz'ajx tz'a 'a wojltac cha.

Lv 2:3

Ax jacx ofrenda tzcan cha, yic Aarón tz'ajcn yet' eb' yunnal. Caw niwn yel'ch jab'x cha, yujto yitb'eymn̈ej sb'a yet' jun ofrenda tz'ajx tz'a 'a wojltac.

Zacarías 14:20

A wal 'a yic jun c'ul cha, a 'a q'uen cotc campana 'aych 'a sjaj e no chej, 'oj tz'ib'xoc 'och 'a q'uen 'ixtic: Yic xo Jehová yaji, 'oj xchioc. Yet' smasnil chen 'oj c'anxoc 'a yatut Jehová 'a 'aj tztaj no chib'ej, yic pax 'oj 'ajoc, 'icha jun tzo'n̈ niwc vaso tzc'anlb'ax 'a yet'l xajmb'al.