Ez 46:16 - Chuj San Sebastian Bible

¹⁶ An Jehová Yajl in, an tzwala: Toto a win yajl cha, tzsiyj win jac smacl lum chi 'a junc yunnal, toto 'ixta', a jun lum cha, tz'ochcn yico'oc eb' yin̈tl jun yunnal cha.

Chuj San Mateo Bible

¹⁶ A in Jehová Yajal in svala': Tato a vin̈ yajal chi' siej jab'oc lum smacb'en d'a junoc yuninal, a jun lum chi' tz'ochcan smacb'enoc yuninal chi'.

Ez 46:16 ပူးပေါင်းရင်းမြစ်များ

2 Cr 21:3

A smam eb' cha, til wal q'uen oro, yet' q'uen plata 'ix siyj 'a eb', yet' jun tzo'n̈ xo tas to chan̈ stojol. 'Ix ya'n pax jun tzo'n̈ chon̈b' caw wach' yajch smuroal 'a yol yic Judá 'a eb', palta a jun 'opiso yic reyal, 'ix yac' 'a Joram, yujto a b'ab'l 'unnab'il yaji.

Salmos 37:18

A Jehová a 'ojtnac jantc sq'uinl eb' tojl sb'eyb'al, ax tas smacl eb' yaji, 'ayc'n̈ej 'a jun 'ejmn̈ej.

Ez 45:7

A 'a spac'b'il lum wicn̈ej cha yet' lum yic eb' israel cha, ata 'ay chac'aj lum lum yic win syajlil chon̈b' chi 'oj 'ajoc. Junc'aj lum tzcan 'a stojlal 'aj tz'em c'u tzc'och 'a sti a Mar Mediterráneo, junc'aj xo lum 'a stojlal 'aj tzq'uel c'u tzjaw 'a sti a Jordán. A jun lum cha lajn yechl yet' yic junjn c'aj eb' yin̈tl israel tzcha'aj. A lum slum win yajl cha, 'oj b'eyn̈j lum 'a eb' yunnal yic wach' man̈x 'oj yi'cc eb' slum eb' yit chon̈ab', sec wach' tzcan junjn 'in̈tal eb' yet' slum 'a tzaljc'ojlal.

Mt 25:34

An Rey in tic, 'oj wal 'ixtc 'a eb' 'ayc' 'a in wach' c'ab': Ax tic, ya'jnac in Mam swach'c'ojlal 'ayex, 'ochn̈ec wet' 'a 'aj tzwac' Yajlil, yictax sb'on Dios yolyib'n̈q'uinl tic, sb'on can jun tic eyico'oc.

Lc 10:42

Palta junn̈j tas caw 'ay sc'a'l sb'o'i. Atn jun chi tznib'j María tic. Yuj cha, may junc mach 'oj 'i'nc 'ec' 'a 'a, xchi Jesús 'a 'ix.

Gl 4:7

Yuj cha, man̈xtoc 'ayn̈ec 'och mosoal ticnec, yujto yunnaln̈ec xo Dios. Yuj Cristo, ax ya'n jun yic 'ayon̈, yujto yunnaln̈ec xo.