Ez 45:19 - Chuj San Sebastian Bible

¹⁹ Ax win ya'mal 'och sti eb' 'anma 'ayin, tzyij cot win jac schic'l no xajmb'al tz'ajx stojloc mul, tzsucn 'och win jun chic' chi 'a smarcoal yol sti spuertail watut, tzya'n pax 'och win 'a chan̈e schicn yet'l xajmb'al, yet' 'a smarcoal puerta 'a sti 'amc' 'a yojl 'ochi.

Chuj San Mateo Bible

¹⁹ A vin̈ sat sacerdote tz'ic'anq'ue jab'oc schiq'uil noc' vacax chi', aton noc' ix ac'ji silab'il yuj yac'ji tup mul, sucanoch schiq'uil noc' vin̈ d'a smarcoal spuertail in templo, d'a spatictac schiquintac schan̈il yed' d'a yoxmacan̈il yich altar chaan̈ ayq'uei yed' d'a smarcoal spuertail chab'il amac'.

Ez 45:19 ပူးပေါင်းရင်းမြစ်များ

Ez 43:14

A jun yet'l xajmb'al cha, b'achn q'ue 'a yib'n̈ jun sb'achnub'al yalan̈, 'oxc'aj yaj sb'o'i, lajn yaj spac'b'il chi 'a schan̈il. A jun b'ab'l 'a yaln̈ cha, wajxque metro junjn spac'b'il, jun metro pax ste'il. Ax jun schab'il, uque metro junjn spac'b'il, chab' metro ste'il. Oyn 'och pax jun stitac 25 centímetros 'ay cha'an̈. An̈jtona jun yox c'ajil cha, waque metro junjn spac'b'il, chab' metro pax ste'il. Ax 'a junjn schiquin, ata 'aych junjn tas 'icha yilx sch'ac wacax. A 'a yib'n̈ jun yox c'ajil cha, ata tz'ajx tz'a no xajmb'al. Ax sc'ochal 'aj tzon̈ q'ue'i, ata scan a stojlal 'aj tzq'uel c'u.

Ez 43:19

An Jehová in, an tzwal 'ixtic: A eb' ya'mal 'och sti eb' 'anma', atn eb' yin̈tl can win Sadoc, eb' tzin 'a'n servil, a eb' tz'a'n tz'a junc no quelm wacx xajmb'al-l 'ayn yuj ya'n lajwc mul.

Ez 43:20

Tzlajw cha, tze'n cot jac chic' cha, tza tzicn 'och 'a sch'ac jun yet'l xajmb'al chi 'a junjn yisquinyoal, atn jun 'ay 'a snan̈l cha. Tza tzicn 'och pax 'a jun 'icha smuroal cha, atn jun b'echn chan̈ 'a stitc cha. 'Ixta wal 'oj otc a sacb'tzan can yuj mul.

Ez 46:1

An Jehová Yajl in, an tzwala: A jun puerta 'ay 'a sti 'amc' 'a yojl 'ochi, jun 'ay 'a stojlal 'aj tzq'uel c'u, macnn̈ej 'a yic 'ay munljel 'a waque c'ual, at 'a yic sc'ul 'iljelal yet' 'a yic tzpac' 'uj, atta tzjacwi.

Ez 46:2

A win yajl cha, ata tz'och win 'a jun puerta 'ay 'a sti 'el 'amc' cha. A yic tz'ochcn win 'a sti jun puerta 'ay 'a stojlal 'aj tzq'uel c'u, tz'och wan lin̈n win 'a stz'ey jun smarcoal jun puerta cha. Ya' sb'a cha, ax eb' ya'mal 'och sti eb' 'anma', wan ya'n tz'a eb' no xajmb'al tzyac' winac yet' pax no yic junc'ojlal, axn cha, tz'em n̈ojnjoc win yal sb'a 'ayn 'a yol sti puerta cha, tzlajw cha, tz'elx 'a 'aj tz'och cha. Ax jun puerta cha, tzjacw cani, at 'a caw yem c'ul xo tzmacchj can paxi.

Lv 16:16

'Ixta wal 'oj yutc Aarón sacb'tzan jun cuarto wicn̈ej yaj in ch'ocoj, yuj smul mto yuj stenmtacl eb' eyit israelal. An̈jtona', 'ixta pax 'oj yutc sacb'tzan jun Mantiado 'aj tzin chaj in b'a eyet'oc, yujto 'ayc' eyet' 'a scal e maysch'olnilal.