Ez 45:1 - Chuj San Sebastian Bible

¹ A yic 'oj 'och suerte 'a yib'n̈ lum lum cha, yic tzpojx 'ec' lum 'a eb' yin̈tl Israel, yowlal tze pojcn 'el jun c'ajoc lum wico'oc an Jehová in. A jun lum cha, nan̈lyoxlajn̈il kilómetro yoc lu'um, lajn̈e kilómetro pax sat; wic tz'ajcn jun cha.

Chuj San Mateo Bible

^1-3 Ayic tz'och suerte yic spucchajec' lum luum d'a junjun in̈tilal, yovalil ch'oc tz'ic'chajcanel jab'oc luum vic tz'ajcan a in Jehová in tic, 12 kilómetro yed' nan̈alxo steel luum, oye' kilómetro sat luum. Masanil jun lum chi', vic tz'ajcan luum. A d'a snan̈al lum chi', ata' tz'ic'jicanel junoc macan̈ lum b'aj scan templo, 250 metro tz'aj lum d'a schan̈il pac'an̈. A d'a spatictac lum chi' scan pax jab'oc lum colan tz'ajcani, 25 metro sat.

Ez 45:1 ပူးပေါင်းရင်းမြစ်များ

Pr 3:9

'Ac' yofrendail smasnil tas 'ay 'ayach, yuj e'n chan̈ sb'i Jehová. Tza'n pax yofrendail sat awb'en tzb'ab'l 'el-li.

Ez 42:16

Xyechtan pax schan̈paq'uil spatquil 'el yatut Dios cha, 250 metro 'a junjn spac'b'il cha.

Ez 48:29

An Jehová in, an tzwala, to a jun lum tic tzpojx 'ec' 'a eb' yin̈tl Israel, c'ajquixtac tz'aj lum spojx 'eq'ui.

Lv 25:23

A lum lum cha, matz tac' e chon̈n lum 'a jun 'ejmn̈ej, yujto wic lu'um, ax tic ton̈j 'e'lb'a eyec' 'a sat lum wu'uj.

Nm 34:13

Yuj cha, 'ix yaln Moisés jun tzo'n̈ checnb'il tic 'ixtc 'a eb' israel: A jun lum cha, to 'oj e mol pojc 'ec' 'a e cal, a tzyal e suerte junjn c'aj ex, atn jun lum chi xyal Jehová to tzpojx 'ec' 'a snan̈l slajn̈il to 'in̈tal eb' quit israelal to mant 'a slu'um.

Josué 13:6

Ax eb' cajn 'a lum jolmctac witz 'a yol yic Líbano, masnto 'a Misrefot-maim, yet' smasnil eb' sidonio. An 'oj wi'l smasnil jun tzo'n̈ 'anma chi 'a eyojltac ax israel ex tic. Ach 'oj a po'jc lu'um, ax a'n lum yico'oc eb' et chon̈b' tic, yic tz'ochcn lum smacl lumoc eb', 'icha wal yaj waln can 'ayach.

Josué 13:7

A ticnec, pojcn 'ec' lum lum tic 'a eb' b'aln̈e 'in̈tal yet' 'a spacl xo eb' yin̈tl Manasés, xchi Dios 'a Josué.

Josué 14:1

A nan̈l slajn̈c'ajil eb' yin̈tl Israel mantzac schaj slu'um, 'ix schaj eb' slum chi 'a lum Canaán, lum xpojx can 'ec' yuj win Eleazar ya'mal 'och sti eb' 'anma 'a Dios, yet' Josué yunnal Nun, yet' eb' yajl yaj 'a junjn c'aj eb' yin̈tl Israel. Ton̈j xya'ch eb' suerte 'a yib'n̈ lu'um yic xpojx 'ec' can lum 'a eb', 'icha wal yaj yaln can Jehová 'a Moisés.

Josué 14:3

A 'a yic yaln̈taxi, 'ix ya'n can Moisés lum 'ay 'a sc'axpil 'ec' a Jordán 'a nan̈l yoxc'ajil 'in̈tal.