Ez 44:9 - Chuj San Sebastian Bible

⁹ Yuj cha, an Jehová in, an tzwal 'ixtic: May wal junc chuc chon̈b'al to may yel'ch in trato 'a 'a, may pax yechl in trato 'a sniwnal, tztac' yoch 'a yol watut cha; wach'xam cajn 'ec' 'a e cal, palta may xon yaln yic yoch ta'.

Chuj San Mateo Bible

⁹ Yuj chi' a in Jehová in sval icha tic: Man̈xa b'aq'uin̈ ol och junoc anima ch'oc chon̈ab'il d'a in templo, aton eb' cajan d'a e cal, eb' man̈ ayococh yechel in trato d'a spensar yed' d'a snivanil.

Ez 44:9 ပူးပေါင်းရင်းမြစ်များ

Salmos 24:3

¿Mach eb' tztac' sq'ue'ch 'a jun tzaln to yicn̈ej Jehová yaji? ¿Mach pax eb' tztac' yaj cajn 'a jun lugar to yic 'emmquilal yaji?

Salmos 50:16

Palta ax eb' maysch'olnil sb'eyb'al, tzyal Dios 'a eb' 'ixtic: ¿Tom 'ay eyaln eyic eyaln 'el in cuynb'il, yet' eyaln 'el yab'xil in trato?

Salmos 93:5

Mamin Jehová, a wal jun tzo'n̈ a paxti tic, caw wal 'ay yip 'a jun 'ejmn̈ej. A atut niwn yel'chi yujto ecn̈ej yaj 'a smasnil tiempo.

Ex 12:48

Palta toto 'ay junc win man̈ israeloc 'ayc' 'a e cal, tznib'j tzyiclj q'uin̈, b'ab'el tz'ajx can circuncidar eb' winc 'ay 'a junjn n̈ail, 'ixta to b'i'an, tztac' snan eb' jun q'uin̈ cha, 'icha to eyit chon̈b' tz'aji. A pax junc winc man̈ 'ac'b'ilc circuncidar, matz tac' schin win no xajmb'al cha.

Ez 44:7

Man̈x 'a yel'ch xeyutj watut, comn xoj xe chaj 'och eb' chuc chon̈b'al 'a yojol, eb' may yel'ch in trato 'a 'a, may pax yechl in trato 'a sniwnal eb'. 'Ixta xeyutj eyixtn 'el watut cha, wach'xam cob' to xeyac' e xajmb'al chi 'ayin, atn xepual yet' schic'l no noc' cha, palta xjuw 'el in trato chi eyet'oc.

Jl 3:17

Ax tic 'oj eyojcoc 'eli, to an tic, Jehová e Diosal in, 'ayn 'ec' 'a tzaln Sión 'a 'aj tz'och 'emmquilal 'ayin. A Jerusalén tic, in chon̈b' 'oj 'ajcni. Man̈x 'a b'a'n̈ 'oj 'ejmc jun 'ejm xo yuj eb' chuc chon̈b'al.

Zacarías 14:21

Smasnil chen 'a Jerusalén yet' 'a Judá, yicn̈ej Jehová 'oj 'ajoc, atn jun tztac' yuj smasnil. Smasnil mach tz'at yac' junc xajmb'al ta', tztac' sc'ann jun tzo'n̈ cha, sec ata tz'an̈ eb' schib'jal no xajmb'al cha. A 'a yic jun c'ul cha, man̈x 'a eb' chon̈wjum 'oj chon̈wjoc 'a yatut Jehová tztac' yuj smasnil.

Mr 16:16

A mach tzya'ch 'a sc'ojol, tzya'n 'ajxc bautisar sb'a, 'oj colchjoc. Palta ax eb' matz ya'ch 'a sc'ojol, 'oj 'ochcn yailal 'a yib'n̈ eb'.

Dt 23:4

yujto a yic on̈ 'e't 'a sat slum eb', yic on̈ 'eltec 'a lum Egipto, ma'ix yac' xon eb' cu'c jac ya'al, may xon pax jac tas xyac' eb' qui c'uxu'. A yic eb', to 'ix stoj eb' Balaam win yunnal Beor, win cotnc 'a lum Petor 'a yol yic Mesopotamia, yic tzon̈ wul scatb'tzanec.

Apoc 21:27

May junc maysch'olnil sb'eyb'al 'oj c'och 'a yol jun chon̈b' cha. May junc mach tzb'on jun tzo'n̈ tas yajb'il yuj Dios 'oj c'och ta'. May pax junc 'a'm 'es 'oj c'och ta'. Cojn eb' tz'ib'b'ilx sb'i 'a jun libro yic q'uinl 'a jun 'ejmn̈ej, cojn eb' 'oj c'ochoc. A jun libro cha, yic jun tzcuch Calnelu.