Ez 44:30 - Chuj San Sebastian Bible

³⁰ A eb' 'oj chanc jun tzo'n̈ ofrenda yic sb'ab'l sat 'awb'en yet' smasnil tas tzyac' eb' eyit israelal 'ayin. Ax yic 'oj e b'onc 'ixm harina panil, a wal 'ixm caw wach' 'oj eyac' 'a eb', sec 'oj wac' in yaxilal 'a eyib'an̈.

Chuj San Mateo Bible

³⁰ A eb' sacerdote chi', a b'ab'el sat avb'en te vach', yovalil scha eb' yed' masanil tas tz'ac'ji d'ayin. Ayic sb'oan ixim pan eb' in chon̈ab', a ixim b'ab'el sb'oi, a ixim syac' eb' d'a eb' sacerdote chi' yic vach' svac' in vach'c'olal d'a yib'an̈ eb'.

Ez 44:30 ပူးပေါင်းရင်းမြစ်များ

2 Cr 31:10

Ax Azarías sat ya'mal 'och sti eb' 'anma 'a Dios yin̈tl Sadoc, 'ix ta'wi, xyaln 'ixtic: Yictax schan 'el eb' yich yi'n cot yofrenda 'a yatut Jehová tic, 'ayn̈j tas tzqui c'uxu, caw wal tzon̈ b'ut'ji, caw niwnto tzyac' sobra scani, atn jun tzo'n̈ ch'ucn 'ec' tic, yujto a Jehová 'ix yac' syaxilal 'a yib'n̈ eb' quit chon̈b'ec, xchi.

Ex 13:12

a yic cha, 'oj qui pojc 'el eb' qui b'ab'l winc 'unin, yet' no sb'ab'l 'une no qui cajb'en noc', atn no smam, yujto yic Jehová yaj eb'.

Ex 13:2

A eb' b'ab'l winc 'unn tz'alj 'a e cal, pojc 'el eb', yujto wic tz'ajcn eb'. An̈jtona no cajb'en noc', a sb'ab'l 'une e no', wic yaj no', xchi.

Ex 22:29

Man̈ e tench wan e b'a eya'n eyofrenda 'ayin: Atn ofrenda yic smasnil sb'ab'l sat eyawb'en. A eb' e b'ab'l winc 'unin, yowlal tzeyac' eb' 'ayin,

Ex 23:19

A wal sb'ab'l sat eyawb'en wach' tz'el-l 'a sat lum lu'um, a tzeyij cot 'a watut an Jehová e Diosal in tic. Man̈ e tz'an̈ no cotc chiwo 'a scal yal yim no snun.

Nm 3:13

A yic xwa'n cham smasnil eb' sb'ab'l winc 'unn eb' 'aj Egipto, 'ix in colcn 'el eb' sb'ab'l winc 'unn eb' et israelal yic tz'och eb' wico'oc. 'Ixta pax smasnil sb'ab'l 'une no scajb'en noc' eb', wic yaj no'. An Jehová in, an tzwala, xchi Dios.

Ro 11:16

A eb' sb'ab'l mam 'ichm eb' israel, cojxn Dios 'ay yic eb'. Yuj cha, 'ixta pax eb' yin̈tl eb', yic Dios pax eb'. 'Icha junc te te', toto yic Dios yaj sch'an̈lyib', an̈jtona sc'ab' te', yicn̈ej paxi, 'ixta yaj eb'.

Dt 18:4

An̈jtona', yic pax eb' tz'aj ofrenda yic sb'ab'l sat 'ixm trigo, yal uva, aceite, yet' pax sb'ab'l slanail no calnelu tzjoxx 'eli.

Santiago 1:18

On̈ laj yac' 'aljoc 'a scha'ejmal yet' spaxti caw yel, yujto 'ixta x'el 'a sc'ojol. 'Ixta tzon̈ yutjec, sec wach' yel xo wal xajn on̈c yuj 'a yib'n̈ smasnil jun tzo'n̈ xo tas b'ob'il yu'uj.