Ez 44:29 - Chuj San Sebastian Bible

²⁹ Smasnil tas tzeyac' ofrendail 'ayin, yic eb' yaji, a eb' 'oj c'uxnoc. 'Icha no xajmb'al tz'ajx yuj mul, no tztojn lajw mul yet' jun tzo'n̈ tas tzc'uxxi.

Chuj San Mateo Bible

²⁹ A svael eb' sacerdote chi', aton tas tz'ac'ji d'ayin yuj eb' eyetchon̈ab' yed' noc' silab' tz'ac'ji d'ayin yuj yac'ji tup mul yed' noc' tz'ac'ji stojoloc mul yed' masanil silab' syac' eb' yetisraelal eb' d'ayin. A juntzan̈ chi', yicn̈ej eb' sacerdote chi' yaji.

Ez 44:29 ပူးပေါင်းရင်းမြစ်များ

Ez 46:20

'Ix yaln 'ayn 'ixtic: A 'a tic 'oj stz'an̈ eb' ya'mal 'och sti eb' 'anma no xajmb'al tz'ajx yuj ya'n lajwc mul yet' no yic stojl mul; ax sb'oln c'anb'c pax eb' 'ixm sat trigo tz'ajx ofrendail, sec wach' matz 'ijx 'el jun tzo'n̈ chi 'a 'aj 'ay jun 'amc' 'a sti 'eli, yujto 'ay smay syamx jun tzo'n̈ chi yuj eb' comn 'anma', xchi 'ayin.

Lv 2:10

Ax jacx jun ofrenda tzcan cha, yic Aarón tz'ajcn yet' eb' yunnal. Caw niwn yel'ch jab'x cha, yujto yitb'eymn̈ej sb'a yet' jun tzo'n̈ ofrenda tz'ajx tz'a 'a wojltac cha.

Lv 2:3

Ax jacx ofrenda tzcan cha, yic Aarón tz'ajcn yet' eb' yunnal. Caw niwn yel'ch jab'x cha, yujto yitb'eymn̈ej sb'a yet' jun ofrenda tz'ajx tz'a 'a wojltac.

Lv 27:21

A yic 'oj colchjoc can 'el lum lum chi 'a jun ab'il yic tz'el junc tas 'a libre, a jun lum cha, wic tz'ajcn an Jehová in, ax ewin ya'mal 'och sti eb' 'anma cha, a ewin tz'ica'an lu'um.

Lv 27:28

A mach tz'a'n junc tas wico'oc 'a jun 'ejmn̈ej an Jehová in, yaln̈ej tas 'ay 'a 'a, toxn̈ej 'anma', mto noc', mto lum tz'ajx yico'oc yuj smam snun, a jun tzo'n̈ chi tz'ajx wico'oc an Jehová in, matz tac' schon̈xi, matz tac' smann can pax 'ec' mach tz'a'n cha.

Lv 6:26

A win ya'mal 'och sti eb' 'anma cha, a tz'a'n jun xajmb'al cha, yuj yajx lajwc mul, tztac' schin win jac no', palta ata tzchi win no 'a jun lugar to wicn̈ej yaji, atn 'a yamq'uil Mantiado 'aj tzin chaj in b'a eyet'oc.

Lv 6:29

A jun xajmb'al tic wicn̈ej yaji. Tzann̈j ewin yin̈tl eb' ya'mal 'och sti eb' 'anma', tzta'n̈j schin eb' no xajmb'al cha.

Lv 7:6

Smasnil ewin yin̈tl eb' ya'mal 'och sti eb' 'anma', tztac' schin eb' no xajmb'al cha, palta cojn 'a yamq'uil Mantiado, yujto a jun xajmb'al cha, niwn yel'chi.

Nm 18:14

Smasnil ofrenda tz'ajx 'ayn yuj eb' israel, ec pax tz'aji.

A Ch'an̈ Carta D'a Eb' Hebreo 13:10

Palta an̈ec xo tic, chuc jun qui xajmb'alec. Ax eb' ya'mal 'och sti eb' quit israelal 'a Dios, eb' 'a'jnac servil 'a jun scajnub', may yaln eb' yic schin jun xajmb'al tic.

Josué 13:14

Palta ax eb' yin̈tl Leví, ma'ix 'ajx smacl lum eb' yuj Moisés, yujto a xajmb'al tz'ajx 'a Jehová a chi smacl eb' yaji, 'icha wal yaj yaln cani.