Ez 44:24 - Chuj San Sebastian Bible

²⁴ An̈jtona', toto 'ay mach 'ay yowal, a eb' 'oj b'onc yaj jun owl cha, 'icha wal yaln sleyl 'aycn wu'uj. 'Oj syiclc eb' smasnil in checnb'il yic jun tzo'n̈ q'uin̈ wic yaji, yet' pax sleyl sc'ul 'iljelal.

Chuj San Mateo Bible

²⁴ An̈eja', tato ay b'aj tz'och oval, a eb' sb'oani icha yalan ley. Yovalil sc'anab'ajej sleyal juntzan̈ in q'uin̈ eb', sc'anab'ajej pax jun sc'ual ic'oj ip eb', aton jun c'u vic yaji.

Ez 44:24 ပူးပေါင်းရင်းမြစ်များ

1 Cr 23:4

A 'a scal eb' tic 'ix si'x 'elt 24 mil eb' tz'och sjucb'tzoc eb' munljum tzb'on yatut Jehová, ax junx waque mil eb' tz'och gobernadoral yet' 'a juezal.

Esdras 2:63

Xyaln win gobernador to matz tac' sc'uxn eb' tas to yic Dios yaji, at junc ya'mal 'och sti eb' 'anma 'a Dios 'oj c'anb'noc 'a q'uen Urim yet' 'a q'uen Tumim toto yel yin̈tl eb' ya'mal 'och sti eb' 'anma chi eb'.

Salmos 119:34

'Ac' in nab'en, sec wach' tzwutj in b'eylb'an jun cuynb'il tic; 'oj in yiclc 'a smasnil in c'ojol.

Ez 20:12

'Ix waln 'a eb' to tzyiclj eb' sc'ul 'iljelal yic tzcheclj 'eli to wic eb', to 'ay in trato yet' eb'. An Jehová in, an si'jnac 'el eb'.

Ez 20:20

Tzeyiclni sc'ul 'iljelal yujto wic yaji, ch'oxnb'il tz'ajcn jun c'u chi 'a in cal eyet'oc, sec tzeyojquej 'eli, to e Diosal in, xin chi 'a eb'.

Ez 22:26

Ax eb' ya'mal 'och sti eb' 'anma 'a scal eb', ma'ix syiclj eb' in ley, may yel'ch xyutj eb' in cajnub', a tas wic yaji, may yel'ch 'a sat eb'; ma'ix schecltej 'el eb' 'aj 'ay tas wach' yet' tas maysch'olnil 'a sat ley, ma'ix syiclj eb' sc'ul 'iljelal wic yaji, may wel'ch xon jac 'a sat eb'.

Ez 46:9

A yic tz'och eb' chon̈b' wul yac' 'emmquilal 'ayn an Jehová in tic 'a yic q'uin̈al, 'ixtc 'oj 'aj eb' yochi: A eb' 'anma 'oj 'och 'a jun puerta 'ay 'a stojlal norte, ata 'oj 'elx eb' 'a jun puerta 'ay 'a stojlal sur; ax eb' 'oj 'och 'a jun puerta 'ay 'a stojlal sur cha, ata 'oj 'elx eb' 'a jun puerta 'ay 'a stojlal norte. Matz tac' smeltzj eb' 'a spatic, palta to 'ixtc tz'elx eb' 'a yojltac.

Dt 19:17

toto 'ixta', a chawn̈ 'anma cha, yowlal tzc'och eb' schawn̈il 'a yojltac Jehová, yet' 'a yojltac eb' ya'mal 'och sti eb' 'anma', yet' pax 'a yojltac eb' juez, eb' to 'aych yopiso sb'onyaj eb' 'anma chi 'a jun tiempoal cha.

Dt 21:5

Tzlajw cha, ax eb' ya'mal 'och sti eb' 'anma 'a Dios, atn eb' yin̈tl can Leví, tzc'och eb' 'a stz'ey no'. Yujto a eb' sic'b'il 'el yuj Jehová qui Diosalec yic tz'ajx servil yuj eb', ax eb' tzc'ann swach'c'ojlal Jehová chi 'a eyib'an̈. Yuj tas tzyalcn eb' cha, tz'ajx can lajwc junc owal, mto junc chacjb'al 'a yol e chon̈ab'.

1 Ti 3:15

Palta lemb'il ma'oj stac' in 'at muc'uc. Yuj cha, tzin tz'ib'n 'at jun in carta tic 'ayach, sec wach' ojtac tas wal tzqui b'eylb'ej an̈ yunnaln̈ xo Dios. Yujto an̈ tic, 'ayn̈ xo 'och stz'acb'oc yiglesia Dios pitzan. 'Ay copiso caln 'el jun cuynb'il caw yel. Cu'uj, caw tz'och yip jun cuynb'il caw yel tic.