Ez 44:11 - Chuj San Sebastian Bible

¹¹ 'Oj 'a'wc servil eb' 'a watut, ax stan̈wni eb' yol sti spuertail watut yet' jun tzo'n̈ xo 'opiso; a eb' 'oj milnoc no noc' tz'ajx xajmb'al 'ayin, atn no tzeyac' ofrendail 'ayin; 'ixta 'oj yutc eb' ex ya'n servil.

Chuj San Mateo Bible

¹¹ Syal smunlaj eb' yic stan̈vej spuertail in templo yed' d'a junocxo munlajel d'a in templo chi'. Syal smilancham noc' silab' eb', aton noc' sn̈usjitz'a silab'il d'ayin yed' juntzan̈xo noc' silab' syac' eb' chon̈ab'. Yovalil b'ecan sc'ol eb' yac'an servil eb' yetchon̈ab' chi'.

Ez 44:11 ပူးပေါင်းရင်းမြစ်များ

2 Cr 29:34

Palta ax eb' ya'mal 'och sti eb' 'anma 'a Dios jaywn̈ej eb', yuj cha, matz tza'wni eb' spatz'n 'el no xajmb'al to tz'a smasnil cha. Yuj cha, 'ix colwj eb' yit levitail eb' yet'oc, masnto xlajw jun munljel chi sb'on eb', 'ix sacb'tzej sb'a jun tzo'n̈ xo eb' ya'mal 'och sti eb' 'anma 'a Dios. A eb' levita, yajn̈j cha schan sc'ojl eb' sacb'tzan sb'a 'a yib'n̈ eb' ya'mal 'och sti eb' 'anma'.

2 Cr 30:17

Yujto til to wal eb' 'anma mantzac sacb'tzej sb'a 'a scal eb' chon̈b' cha, yuj cha, smiln cham eb' levita no quelm calnelu yic q'uin̈ chi yuj eb', sec wach' tz'och yopiso no yuj q'uin̈ cha.

Ez 40:45

Xlajw cha, xyaln jun winc chi 'ayn 'ixtic: A jun cuarto q'ueln 'at 'a stojlal sur, yic eb' ya'mal 'och sti eb' 'anma 'a Dios, atn eb' tz'a'w servil 'a yatut Dios.

Ez 44:14

Comn munljel xoj jac 'oj wac' sb'o eb' 'a watut cha, 'oj sb'o eb' smasnil munljel 'ay ta'.

Ez 46:24

Yuj cha, xyaln jun winc chi 'ayn 'ixtic: A eb' 'oj munljoc 'a yatut Dios, a 'a tic 'oj stz'an̈ eb' no xajmb'al 'oj yac' eb' chon̈ab', xchi.

Nm 16:9

¿Tom may wal yel'ch jun tic 'a e sat, yujto sic'b'ilx 'el yuj Jehová qui Diosal 'a scal eb' quit israelal tic, yic ex yi'n 'och 'a stz'ey, yic tzex munlj 'och 'a scajnub', yic tzeya'n pax servil eb' chon̈b' tic?

Nm 18:2

Ax pax eb' ecan to junn̈j en̈tl yet'oc, wach' cab' tzcolwj eb' et'oc yet' 'a eb' onnal, yic tzex munlj 'a eyopiso 'a yol Mantiado yic trato cha.

Nm 18:6

An Jehová in, an xin pojcn 'el eb' levita 'a scal eb' eyit israelal, yic tzwa'n eb' 'ayex, sec tzmunlj eb' eyet' 'a yol Mantiado cha.

Nm 4:1

'Ix yaln Jehová 'a Moisés yet' 'a Aarón 'ixtic:

Nm 8:26

A yic 'oj q'ue'choc sq'uinl eb' 'icha cha, tztac' tzcolwj eb' yet' eb' tzmunlj 'a jun Mantiado cha, palta man̈xtzac munlj eb' 'a smunljel xon 'icha tzb'o'o. 'Ixta tzotj a'n 'och eb' levita 'a smunljel, xchi Dios.