Ez 43:7 - Chuj San Sebastian Bible

⁷ xyaln 'ayn 'ixtic: Ach 'anma', atn wal jun lugar tic 'aj 'ay in despacho. Atn 'a tic 'oj in can cajn 'a e cal ax israel ex tic 'a jun 'ejmn̈ej. Man̈x b'a'n̈ 'oj spatquilc can 'el eb' et chon̈b' chi in b'i, man̈x 'oj ya'ch eb' smul sb'on chan̈ munamento 'a yib'n̈ yet'l eb' xi'lb'a 'a stz'ey watut, atn 'aj tzmucx eb' sreyl eb'.

Chuj San Mateo Bible

⁷ Ix yalan icha tic: Ach anima, aton jun lugar tic b'aj ay in despacho, b'aj ol vac' reyal. A tic ol in cajnaj d'a juneln̈ej d'a e cal a ex israel ex tic. A ex tic yed' eb' e reyal, man̈xo ol in e patiquejel-laj yuj eyoch ejmelal d'a comon dios yed' e mucan eb' e reyal d'a slac'anil in templo tic, icha e c'ulejnac d'a pecataxo.

Ez 43:7 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 8:13

Palta an tic, 'ix in b'o jun atut caw man̈x jantcoc swach'il, a 'aj tzach 'aji, jun et'l 'aj 'oj a can cajn 'a smasnil tiempo, xchi.

A Ch'an̈ Schab'il Libro Yic Yab'ixal Eb' Rey 16:4

An̈jtona', 'ix yac' xajmb'al, 'ix sn̈usntz'a incienso 'a jun tzo'n̈ macsej 'ay 'a jolmctac witz, yet' 'a yich eb' te te pim xi'il.

1 Cr 28:2

Xlajw cha, 'ix q'ue lin̈n rey David, 'ix yaln 'ixtic: 'Ab'c e masnil ex wit chon̈ab': 'Aych wal 'a in c'ojl in b'on chan̈ yatutal 'aj 'oj 'aj te scaxail strato Jehová, sec ata tzcan te 'a jun 'ejmn̈ej, sec wach' ata 'oj 'aj qui Diosal. Tox 'ix syam sb'a smasnil syamc'ab'il 'oj c'anxoc 'a 'a.

Salmos 132:14

Atn wal 'a jun lugar chi 'aj 'oj in can cajan, 'oj in cann̈j ta 'a smasnil tiempo.

Salmos 46:5

A Dios 'ayc'n̈ej 'a jun chon̈b' cha, a tz'a'n yip; a tz'och yet'oc yic tzsacb' pax 'eli.

Salmos 47:8

A Dios 'aych yajlil 'a yib'n̈ junjn nacion̈. Wocn 'ec' 'a sdespacho to cojn 'ay yico'.

Salmos 68:17

A Dios smiyon̈al xo sb'isl scaruaje yic owal; ata xcot 'a yol scaruaje 'a Sinaí, 'ix jaw 'a scajnub'.

Salmos 68:18

A Dios 'ix q'uecn 'a satcha'an̈, xyi'n 'at eb' 'icha preso yaji. Schan siylab' eb' 'anma', an̈jtona eb' tenmtac, xya' pax eb' yico'. A Jehová Dios 'oj can cajn ta'.

Salmos 99:1

Mamin Jehová Reych ton b'i'an. A 'a despacho, ata c'ojn 'ejm 'a yib'n̈ eb' querubín. Tzlaj 'ib'xoc chan̈ eb' lum niwc nacion̈ yuj a may, tzlaj 'ib'x chan̈ lum lum tic o'oj.

Salmos 99:5

Ex wit chon̈ab', ¡Calc wach' paxti 'a Jehová qui Diosalec, qui'c chan̈ sb'i! 'Em coyc cumn 'a yojltac, yujto Dios Cojxn̈ej Toni.

Ex 25:8

Tze b'on junc in cajnub', sec wach' tzin can cajn 'a e cal.

Ex 29:45

An tic, 'oj in can cajn 'a e cal yujto e Diosal in.

Is 6:1

A 'a jun ab'il 'aj chamnc win rey Uzías, ata sch'ox sb'a Cajlil 'ayin. Wocn 'ejm 'a sdespacho 'a caw cha'an̈, ax yol yatut b'ut'jnac 'el yuj sti spichul.

Is 66:1

'Ix yaln pax Jehová 'ixtic: A satcha'an̈, a chi in despacho yaji, ax lum lu'um, a chi sb'achnub' woc yaji. Ax xo tic, ¿'aj wach' tze b'o junc watut yic tzin 'ilj 'a 'a?

Jeremías 14:21

Yuj cab' yijx chan̈ a b'i, man̈ on̈ a patquilc can 'eli. Man̈ a patquilc can 'el jun chon̈b' tic, atn jun 'aj 'ay 'a despacho to caw b'inab'il. Na cot a trato a b'ojnac quet' on̈, toc wal ma'oj ac' 'el'choc.

Jeremías 16:18

'Oj wac' spac 'a eb' yuj smaysch'olnilal, yujto 'ix yixtj 'el eb' in lum tic yet' jun tzo'n̈ scomn diosal to chamnac, caw yajb'entac 'icha sniwnal chamnc 'anma'. A wal tas to matz chaj in c'ojol, a chi sb'o eb', xchi Dios.

Jeremías 17:12

A scajnub' Dios b'ob'il 'a yictax pecti', lajn 'icha junc despacho caw wach' yilxi, a 'aj caw cha'an̈, ata b'ob'il cani.

Jeremías 3:17

A 'a yic jun tiempoal cha, a Jerusalén 'oj 'ajxoc can sb'ic in despachooc an Jehová in tic. 'Oj syam sb'a smasnil nacion̈ 'a 'a, ax ya'n eb' 'emmquilal 'ayin. Man̈x 'oj yac' eb' 'ijxoc 'at sb'a yuj stu nab'enal.

Ez 1:26

A 'a yib'n̈ jun jen̈n 'ec' cha, ata b'achn q'ue jun despacho caw wach' yilx 'icha q'uen zafiro, ax 'a jun despacho cha, ata wocn 'ejm jun 'icha yilx junc winac.

Ez 10:1

Ax xwilni, a 'a yib'n̈ jun 'icha samq'uen pachn q'ue 'a yib'n̈ sjolm eb' querubín cha, ata 'ix checlj chan̈ jun 'icha yilx junc despacho, lajn wal yilx 'icha q'uen zafiro.

Ez 20:39

Ex israel, an tzwal 'ayx 'ixtic: Toto caw pit tzeyutj e b'a 'ayin, 'ixquec, 'at alc e b'a 'a jun tzo'n̈ e diosal cha. Palta 'ojquejec 'eli to 'oj c'och stiempoal ax eyaln pax e b'a 'ayin. Man̈x 'oj eyixtc 'el in b'i, yuj eya'n tz'a e xajmb'al 'a jun tzo'n̈ comn dios cha.

Ez 39:7

'Ixta 'oj wutc in ch'oxn in poder 'a eb' in chon̈ab', sec man̈x b'a'n̈ 'oj b'uchxoc eb'. Ax jun tzo'n̈ xo nacion̈, 'oj yojcoc 'el eb', to an Jehová in, to cojn in ton Dios in, sDiosal in Israel.

Ez 43:9

Ax ticnec, toto tzyactj can eb' jun stenmtacl cha, ax yactn eb' smucn eb' sreyl chi 'a stz'ey watut, toto 'ixta', 'oj waj cajn 'a scal eb' 'a jun 'ejmn̈ej.

Ez 48:35

A yechl jun muro chi 'a smasnil, jun oyn 'och 'a spatc 'el jun chon̈b' cha, b'aln̈e mil metro. Ax sb'i jun chon̈b' cha: Scajnub' Jehová, 'ixta 'oj sb'ioc, xchi Dios 'ayin, xchi Ezequiel.

Ez 6:13

A yic 'oj yilnc eb', t'occtac yaj eb' 'anma chi scham 'a scal jun tzo'n̈ yechl comn dios cha, 'a stz'ey yet'l xajmb'al eb', 'a lum tzalctac, 'a lum jolmctac witz, 'a yich eb' te ma'ach', atn 'aj tzlaj sn̈us eb' incienso 'a sdiosal cha, ata 'oj yojcoc 'el eb' to an Jehová in tic, to cojn in ton Dios in.

Ez 6:5

Ax israel ex 'oj e cham cha, t'occtac 'oj wutc can e niwnal chi 'a yojltac jun tzo'n̈ yechl 'aj tzeyal e b'a, ax e b'aquil, sactzicnac 'oj 'ajcn 'a stz'ey jun tzo'n̈ yet'l e xajmb'al cha.

Os 14:8

Ex 'aj Efraín, toc 'ay jac yopiso jun tzo'n̈ e comn diosal cha. An 'oj in ta'w 'ayex, ax ex in tan̈wni paxi. 'Icha jun c'uyc te te pim xi'il, 'ixta waj 'ayex. Wu'uj tzex niwtj pax cha'an̈, xchi Dios.

Jl 3:17

Ax tic 'oj eyojcoc 'eli, to an tic, Jehová e Diosal in, 'ayn 'ec' 'a tzaln Sión 'a 'aj tz'och 'emmquilal 'ayin. A Jerusalén tic, in chon̈b' 'oj 'ajcni. Man̈x 'a b'a'n̈ 'oj 'ejmc jun 'ejm xo yuj eb' chuc chon̈b'al.

Lv 26:30

'Oj laj in mac' poj jun tzo'n̈ yet'l e diosal 'aj tzeyal e b'a, ax in ma'n poj yet'l 'aj tz'a incienso. 'Oj in molb'tzoc 'och b'uln e niwnal chamnc chi 'a yib'n̈ jun tzo'n̈ e diosal may spixn cha. 'Ixta wal 'oj wutc in ch'oxn 'eli, to man̈xtzac ex in nib'j wila'.

Zacarías 13:2

An Jehová in, an tzwala, to a 'a smasnil yol smacb'en jun nacion̈ tic, c'uxn 'oj wac' lajwc smasnil jun tzo'n̈ yechl tzalx 'och diosal, sec wach' man̈x 'oj naxc cot sb'i eb'. Ax wi'n pax 'el smasnil eb' tzcob' yalch sb'a in checb'oc, yet' smasnil eb' 'aych snab'en 'a ewin demonio.

Zacarías 13:3

Yuj cha, toto 'ay junc mach 'oj stz'ac yal-l in paxti', ax smam yet' snun 'oj alnc 'a 'ixtic: Ach tic 'oj a chami, yujto xa te'wtzej a b'a 'a'n 'es aln 'eli, chajtlto yic Jehová jun tzal-l cha, 'oj schic eb' 'a 'a. A wal smam yet' snun chi 'oj tecn chamoc, yujto cob' tzyalch sb'a in checb'oc.

Mt 28:20

Tz'ec' laj e cuy eb', sec wach' jantcn̈ej tas waljnac can 'ayex, 'oj laj syiclc eb'. An tic 'ayn 'ec' eyet' 'a smasnil tiempo, masnto 'oj lajwc 'ec' yolyib'n̈q'uinl tic, xchi Jesús 'a eb'. [B'o cab' 'ixta']

Jn 1:14

A jun Spaxti Dios sb'i cha, 'ochnc 'anma'il. Wulnc 'ec' 'a qui calc jun tiempoal. A jun cha, caw yel. Niwn swach'c'ojlal Dios xwul sch'ox 'ayn̈ec. 'Ix quil on̈ caw niwn yel'chi, yujto cojxn jun chi Yunnal Dios, checb'il cot yuj Smam.

Jn 14:23

Yuj cha, 'ix yaln pax 'a 'ixtic: —A eb' 'ay schamc'ojlal 'ayin, tzyiclni eb' tas tzwala. Yuj cha, ax in Mam, tzchamc'ojlan pax eb', ax woch cajn yet' in Mam chi 'a eb'.

2 Co 6:16

A jun tzo'n̈ tzalx 'och diosal, caw may yaln eb' yic 'a yatut Dios. Yujto an̈ec tic, yatut on̈ec Dios pitzan, 'icha yaj yaln can 'ixtic: 'Oj in can cajn 'a scal eb', ax in b'eyc' yet' eb'. 'Oj woch sDiosalc eb', ax yoch eb' in chon̈b'oc, xchi.

Apoc 22:3

May junc tas, may junc mach catb'tzab'il yuj Dios 'oj c'och ta'. A 'a jun chon̈b' cha, ata 'ayc' sdespacho Dios yet' yic jun tzcuch Calnelu. Ax eb' ya'mal servil, 'oj yal sb'a eb' 'a 'a.