Ez 43:22 - Chuj San Sebastian Bible

²² Ax 'a junx c'u, tza'n 'ajxoc tz'a junc no quelm chiwo yuj ya'n lajwc mul, junc no may spaltail. 'Ixta 'oj 'aj sacb'tzan eb' ya'mal 'och sti eb' 'anma jun yet'l xajmb'al chi yet' no noc' cha, 'icha tz'aj no quelm wacx tzb'ab'lj cha.

Chuj San Mateo Bible

²² Axo d'a junxo c'u, sn̈usantz'a junoc noc' chiva eb', junoc noc' malaj jab'oc spaltail yuj yac'ji tup mul. Icha chi' tz'aj sacb'itan jun altar chi' eb' sacerdote chi', icha syutej eb' yed' noc' vacax.

Ez 43:22 ပူးပေါင်းရင်းမြစ်များ

Is 53:10

A Jehová a 'ix 'a'n yab' syail, 'icha wal yaj snani. 'Ix ya'n sb'a xajmb'al-l 'a yol sc'ab' chamel, sec tz'ajx lajwc smul smasnil 'anma yu'uj. Yuj cha, pitzn 'a jun 'ejmn̈ej. A jun cha, til wal 'oj 'aj yin̈til, ax ya'n 'el'choc Jehová tas nab'il yuj 'a yib'an̈.

Is 53:6

On̈ sactzic qui masnil 'icha no calnelu, mun xoj xqui na junjn on̈ 'aja b'el 'aj tzon̈ laj 'atcni, palta ax Jehová, 'ix ya'ch jun tzo'n̈ qui mulc chi 'a yib'n̈ jun schecb' cha.

Ez 43:20

Tzlajw cha, tze'n cot jac chic' cha, tza tzicn 'och 'a sch'ac jun yet'l xajmb'al chi 'a junjn yisquinyoal, atn jun 'ay 'a snan̈l cha. Tza tzicn 'och pax 'a jun 'icha smuroal cha, atn jun b'echn chan̈ 'a stitc cha. 'Ixta wal 'oj otc a sacb'tzan can yuj mul.

Ez 45:18

An Jehová Yajl in, an tzwal 'ixtic: A 'a b'ab'l c'u yic jun b'ab'l 'uj, yowlal tzeyac' junc no quelm wacx xajmb'alil, junc no may spaltail, yic tzsacb'tzax can watut yuj maysch'olnil b'onc 'a 'a.

Lv 1:10

Toto calnelu mto chiwo no tz'ajx xajmb'al-l cha, yowlal a junc no smam tzyac' junc mach cha, no may spaltail.

Lv 16:18

Tzlajw cha, tz'elt sacb'tzoc jun yet'l xajmb'al 'ayc' 'a wojltac an Jehová in. Tzyi'n cot jac schic'l no quelm wacx cha, yet' yic no chiwo, tzsucn 'och 'a sch'ac jun yet'l xajmb'al cha, tzicn 'och pax 'a spac'b'il smasnil.

Lv 4:23

A yic tznachj 'el yu'uj chajtlto x'och smul, yowlal tzyij cot junc no mam chiwo xajmb'alil, junc no may spaltail.

Lv 4:26

Tz'ajx tz'a smasnil xepual no 'a yib'n̈ yet'l xajmb'al, 'icha wal tz'aj no yic junc'ojlal. 'Ixta tzyutj win ya'mal 'och sti eb' 'anma sb'on no xajmb'al chi yuj smul win yajl cha, ax smul win cha, 'oj 'ajxoc can lajwoc.

A Sb'ab'el Carta San Pedro 1:19

Palta a schic'l Cristo x'a'n ganar smanni, yujto caw niwn yel'chi. 'Ix milx cham Cristo xajmb'alil, 'icha junc calnelu may spaltail, may tas tu yilx 'a 'a, 'ixta Cristo.