Ez 43:20 - Chuj San Sebastian Bible

²⁰ Tzlajw cha, tze'n cot jac chic' cha, tza tzicn 'och 'a sch'ac jun yet'l xajmb'al chi 'a junjn yisquinyoal, atn jun 'ay 'a snan̈l cha. Tza tzicn 'och pax 'a jun 'icha smuroal cha, atn jun b'echn chan̈ 'a stitc cha. 'Ixta wal 'oj otc a sacb'tzan can yuj mul.

Chuj San Mateo Bible

²⁰ Slajvi chi', syic'anq'ue jab'oc schiq'uil noc' eb', stzicanoch eb' d'a schiquintac altar chi' schan̈il yed' d'a schiquintac yic schab'il b'achan̈ yich yed' d'a spatictac yich altar chi' smasanil. Icha chi' tz'aj sacb'ican jun altar chi' yic tz'ochcan vicoc.

Ez 43:20 ပူးပေါင်းရင်းမြစ်များ

Ex 29:12

Tza b'on̈n yune a c'ab' 'a jac schic'l no', tza sucn 'och 'a sch'ac jun yet'l xajmb'al chi 'a junjn yisquinyoal. Ax smasnil schic'l no cha, tza sec 'ejm 'a yaln̈ yoctc yet'l xajmb'al.

Ex 29:36

'A junjn c'u tza'n tz'a junjn no quelm wacx xajmb'al-l 'ayin, sec wach' tzlajw can smul eb' cha. Tza sacb'tzej pax yet'l xajmb'al, tza'n tz'a junc no xajmb'al 'a yib'an̈, atn no tz'a'n lajwc mul. Tza secnq'ue pax aceite 'a yib'an̈, sec 'ixta tz'aj yochcn wico'oc.

Ex 29:37

A 'a uque c'u cha, tza'n̈j tz'a no xajmb'al 'a yib'n̈ yet'l xajmb'al cha, yuj ya'n lajwc mul. 'Ixta wal tz'ajcn yoch jun yet'l xajmb'al chi wico'oc. Tzann̈j junc tas tztench sb'a 'a 'a, tz'ochcn pax junc chi wico'oc.

Ez 43:14

A jun yet'l xajmb'al cha, b'achn q'ue 'a yib'n̈ jun sb'achnub'al yalan̈, 'oxc'aj yaj sb'o'i, lajn yaj spac'b'il chi 'a schan̈il. A jun b'ab'l 'a yaln̈ cha, wajxque metro junjn spac'b'il, jun metro pax ste'il. Ax jun schab'il, uque metro junjn spac'b'il, chab' metro ste'il. Oyn 'och pax jun stitac 25 centímetros 'ay cha'an̈. An̈jtona jun yox c'ajil cha, waque metro junjn spac'b'il, chab' metro pax ste'il. Ax 'a junjn schiquin, ata 'aych junjn tas 'icha yilx sch'ac wacax. A 'a yib'n̈ jun yox c'ajil cha, ata tz'ajx tz'a no xajmb'al. Ax sc'ochal 'aj tzon̈ q'ue'i, ata scan a stojlal 'aj tzq'uel c'u.

Ez 43:22

Ax 'a junx c'u, tza'n 'ajxoc tz'a junc no quelm chiwo yuj ya'n lajwc mul, junc no may spaltail. 'Ixta 'oj 'aj sacb'tzan eb' ya'mal 'och sti eb' 'anma jun yet'l xajmb'al chi yet' no noc' cha, 'icha tz'aj no quelm wacx tzb'ab'lj cha.

Ez 43:26

A 'a yol uque c'u cha, 'oj ya'n̈j tz'a eb' no xajmb'al tz'ajx tz'a yuj ya'nc lajwc mul, sec 'ixta 'oj 'aj yochcn jun yet'l xajmb'al chi 'a yopiso.

Ez 45:18

An Jehová Yajl in, an tzwal 'ixtic: A 'a b'ab'l c'u yic jun b'ab'l 'uj, yowlal tzeyac' junc no quelm wacx xajmb'alil, junc no may spaltail, yic tzsacb'tzax can watut yuj maysch'olnil b'onc 'a 'a.

Ez 45:19

Ax win ya'mal 'och sti eb' 'anma 'ayin, tzyij cot win jac schic'l no xajmb'al tz'ajx stojloc mul, tzsucn 'och win jun chic' chi 'a smarcoal yol sti spuertail watut, tzya'n pax 'och win 'a chan̈e schicn yet'l xajmb'al, yet' 'a smarcoal puerta 'a sti 'amc' 'a yojl 'ochi.

Lv 16:18

Tzlajw cha, tz'elt sacb'tzoc jun yet'l xajmb'al 'ayc' 'a wojltac an Jehová in. Tzyi'n cot jac schic'l no quelm wacx cha, yet' yic no chiwo, tzsucn 'och 'a sch'ac jun yet'l xajmb'al cha, tzicn 'och pax 'a spac'b'il smasnil.

Lv 16:19

A yet' yune sc'ab' tzicch jun chic' chi uc 'ejm 'a yib'n̈ jun yet'l xajmb'al cha. 'Ixta wal tzyutj sacb'tzan jun yet'l xajmb'al chi yuj e maysch'olnilal ax israel ex tic, yujto wicn̈ej yaj jun cha.

Lv 4:25

Tzlajw cha, ax junc win ya'mal 'och sti eb' 'anma chi tz'i'n cot jac schic'l no yet' yune sc'ab', tzb'on̈n 'och 'a sch'ac jun yet'l xajmb'al 'a 'aj tz'a xon no cha. A jantc to schic'l no tzcani, tzsecx can 'ejm 'a yich jun yet'l xajmb'al cha.

Lv 4:30

Ax junc win ya'mal 'och sti eb' 'anma', a tz'i'n cot jac schic'l no yet' yune sc'ab', tzb'on̈n 'och 'a sch'ac jun yet'l xajmb'al 'a 'aj tz'a xon no xajmb'al cha, ax jantc to schic'l no tzcani, tzsecx can 'ejm 'a yich jun yet'l xajmb'al cha.

Lv 4:34

Ax junc win ya'mal 'och sti eb' 'anma chi tz'i'n cot jac schic'l no yet' yune sc'ab', tzb'on̈n 'och 'a sch'ac jun yet'l xajmb'al 'aj tz'a xon no xajmb'al cha. A jantc to schic'l no tzcani, ata tzsecx can 'ejm 'a yich jun yet'l xajmb'al cha.

Lv 8:14

Xlajw cha, xya'n Moisés 'ijxoc cot no quelm wacx tz'och xajmb'al-l yuj yajx lajwc mul, ax Aarón yet' eb' yunnal, x'a'n q'ue sc'ab' 'a sjolm no'.

Lv 8:15

Smiln cham Moisés no', 'ix yi'n 'at jab' schic'l no yet' yune sc'ab', sb'on̈n 'och 'a sch'ac jun yet'l xajmb'al 'aych 'a schicn schan̈il, sec wach' chab'il yuj Dios. Ax jantc to chic' xcani, 'ix seccn 'ejm 'a yich yet'l xajmb'al cha. 'Ixta x'ajcn jun chi yochcn yico'oc Dios, sec wach' tz'ajx can lajwc mul.

Lv 9:9

Xlajw cha, xyi'n cot eb' yunnal Aarón no schic'l no xajmb'al cha, xya'n 'och eb' 'a stz'ey. Xya'n 'ejm Aarón yune sc'ab' 'a scal schic'l no noc' cha, sb'on̈n 'och 'a sch'ac yet'l xajmb'al, ax jantc to schic'l no xcani, ata seccn 'ejm 'a yich yet'l xajmb'al cha.