Ez 42:10 - Chuj San Sebastian Bible

¹⁰ 'a 'aj tz'el'ch jun muro 'a sti 'amc' 'a sti 'el cha. Ax 'a sti 'el jun 'amc' 'ay 'a stojlal sur, jun q'uelc'mb'a yaj yet' jun n̈a 'ay 'a stojlal 'aj tz'em c'u, jun quiln 'och 'a spatquil 'el smuroal yatut Dios, ata 'ay pax jun tzo'n̈ xo cuarto.

Chuj San Mateo Bible

¹⁰ b'aj tz'elul jun muro d'a sti' amac' chi'. Axo d'a stojolal sur, d'a sti' jun amac' d'a spatictac templo yed' jun nivan cuarto, ata' ay pax chab'xo pat.

Ez 42:10 ပူးပေါင်းရင်းမြစ်များ

Ez 40:17

Xlajw cha, in yi'n pax 'el jun winc chi 'a 'aj 'ay jun 'amc' 'a sti 'och cha. A jun 'amc' cha, latz'b'il 'ejm q'uen 'a 'a, ax 'a stitc cha, ata oyn 'och lajn̈schawinc cotc cuarto.

Ez 42:1

Xlajw cha, in yi'n 'el jun winc chi 'a sti 'el jun 'amc' 'ay 'a stojlal norte, in yi'n 'och 'a yojl jun tzo'n̈ cuarto 'ay 'a sti 'amc' 'a yojltac jun n̈a tzcan 'a stojlal norte cha, atn jun quiln 'och 'a spatc 'el yatut Dios cha. A jun tzo'n̈ cuarto chi 'a smasnil, 50 metro spac'b'il, ax 25 metro schiquin.

Ez 42:13

'Ix yaln jun winc chi 'ayn 'ixtic: A jun tzo'n̈ cuarto 'ay 'a sti 'amc' 'a stojlal sur, yet' jun tzo'n̈ xo 'ay 'a stojlal norte, yicn̈ej eb' ya'mal 'och sti eb' 'anma 'a Dios yaji. Atn eb' tz'a'n servil Jehová, ata tzc'ux eb' jun tzo'n̈ xajmb'al tz'ajx 'a Dios. A pax ta tzmol eb' jun tzo'n̈ xajmb'al mto jun tzo'n̈ ofrenda tz'ajx yuj yajx lajwc mul, mto yuj stojloc mul cha. A jun tzo'n̈ cuarto cha, to yic Dios yaji.

Ez 42:7

A spac'b'il jun tzo'n̈ cuarto 'a sti 'el 'amc' cha, 25 metro 'a smasnil. Ax 'a yojltac 'elt jun cuarto cha, ata 'ay pax jun yune muro tzeln cha'an̈, 25 metro yoc. A jun 'amc' chi 'a smasnil, 'ay 50 metro.