Ez 41:7 - Chuj San Sebastian Bible

⁷ A jun tzo'n̈ cuarto oyn 'och 'a sat muro cha, 'ay jun sc'ochal 'a yojl 'a b'ab'l piso; tz'ec' 'a schab'l piso masnto tzq'ue'ch 'a yoxl piso cha. A jun tzo'n̈ cuarto 'a schab'l piso, lewnto yojl eb' 'a jun tzo'n̈ b'ab'l cha, ax jun tzo'n̈ 'ay 'a yoxl piso cha, lewnto eb' jab'x 'a yib'n̈ jun tzo'n̈ 'ay 'a schab'l piso cha.

Chuj San Mateo Bible

⁷ A juntzan̈ cuarto ay d'a schab'il piso ayoch d'a spatictac templo chi', levan yol d'a yichan̈ juntzan̈ ay d'a b'ab'el piso. Axo juntzan̈xo d'a yoxil piso, nivan yol d'a yichan̈ juntzan̈ d'a schab'il piso chi'. Ay jun c'ooch b'e sq'ue d'a b'ab'el piso, sq'ue d'a schab'il, masanto sq'uec'och d'a yoxil piso.

Ez 41:7 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 6:5

'Ix ya'n 'ajxoc 'och yoyl jun tzo'n̈ cuarto 'a schapaq'uil 'a spatquil, yet' 'a schicn 'a spatquil yatut Dios cha.

A Ch'an̈ B'ab'el Libro Yic Yab'ixal Eb' Rey 6:8

A spuertail jun tzo'n̈ cuarto cha, a 'a stojlal sur tzcani, yic tzon̈ 'och 'a yojl jun yatut Dios cha, ax yic tzon̈ q'ue 'a schab'l piso, yet' a yoxl piso, 'ay sc'ochal.

Mt 13:32

Yujto a jun 'in̈t cha, yel xo yune 'a yib'n̈ smasnil jun tzo'n̈ xo 'in̈at. Palta a yic tzq'uib'i, yel xo niwquil tz'aj 'a yib'n̈ jun tzo'n̈ xo te te tz'awx 'a junjn ab'il. Lajn tz'aj 'icha jun tzo'n̈ niwc te', ax no ch'ic, tzc'och no 'a sc'ab' te', tzway no ta', xchi Jesús.

A Ch'an̈ Carta D'a Eb' Hebreo 6:1

Ax ticnec, coyc 'a cojltac, sec 'oj wach' te'nb'oc qui nab'enec. Can cab' jun tzo'n̈ b'ab'l cuynb'il tzyal yuj Cristo tic. Man̈x cab' qui cuyc jun tzo'n̈ b'ab'l cuynb'il 'oj wal tic. Tzyala, to tzqui na qui b'a yuj jun tzo'n̈ tas tz'i'n cot chaml 'a quib'n̈ec. Tzyalni, tas tzcutj ca'nec 'och qui c'ojl 'a Dios.