Ez 41:26 - Chuj San Sebastian Bible

²⁶ A 'a spac'b'il jun corredor cha, ata 'ay jun tzo'n̈ wentnu cotc sat, ax 'a smarcoal jun tzo'n̈ wentnu cha, ata b'ob'il 'och yechl te palma.*f6*

Chuj San Mateo Bible

²⁶ A d'a junjun pac'an̈ scorredoral chi', ay sventenail cotac sat. Aypaxoch yechel te' palma d'a sattac yichtac chi'. A sventenail juntzan̈ cotac cuarto oyanoch d'a spatic templo chi', ayoch smacul d'a spatic, xayayi yajochi.

Ez 41:26 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 7:4

'Oxtzol swentnual 'a junjn spac'b'il, q'uelc'mb'a x'aj junjn wentnu cha.

A Ch'an̈ B'ab'el Libro Yic Yab'ixal Eb' Rey 7:6

An̈jtona', xya'n b'o junx n̈a to 'oyn̈j yoyal, nan̈l yoxlschawinc metro x'aj spac'b'il, nan̈l schan̈lajn̈il metro x'aj schiquin. A 'a yojltac jun tic, 'ay junx n̈a jen̈n 'el yib'n̈ 'a yojltac.

Ez 40:16

A jun tzo'n̈ cuarto 'a yojl 'och cha, 'ay swentnual junjn eb', 'ay 'a yojltac 'elta, 'ay pax 'a schiquin, atn jun tzo'n̈ oyn 'och 'a jun 'amc' 'a yojl cha, tzolmtac pax yajch smacl snan̈al, axta 'aych yechl te palma.

Ez 40:48

In yi'n 'at jun winc chi 'a yol sti scorredoral yatut Dios, xyechtan jun tzo'n̈ yib'n̈ yol sti puerta cha, nan̈lyoxl metro sat, nan̈lschab'l metro spiml pax junjn smarcoal cha, uque metro slewnal sat spuertail.

Ez 41:16

A chab' cuarto 'ay 'a yol yatut Dios yet' jun corredor 'a sti 'amac', 'a'nten̈ej 'aych 'a yich. Tzchaj 'at 'a yich masnto 'a 'aj 'ay swentnual, 'a'nte pax 'ay 'ejm 'a yojol. 'Ixtan̈ej yaj sb'o jun tzo'n̈ cuarto cha, 'a'nten̈ej 'aych 'a yox paq'uil. A jun tzo'n̈ wentnu cha, 'aych pax 'a'nte chi 'a smarcoal.

Ez 41:5

'Ix yechtan pax jun winc chi spiml smuroal yatut Dios, 'ay 'oxe metro spimal. Ax 'a sat jun muro cha, ata quiln 'och jun tzo'n̈ cotc cuarto, cha'chb' metro spac'b'il jun jun.