Ez 41:22 - Chuj San Sebastian Bible

²² 'icha yilx jun yet'l xajmb'al yic incienso; jun metro yaj spac'b'il, nan̈lschab'l metro ste'il; 'ay yisquinyoal, 'ay pax sb'achnub'al yalan̈, te 'aychn̈ej 'a smasnil. Xlajw wiln jun cha, xyaln jun winc chi 'ayn 'ixtic: Atn jun mexa tic 'ayc' 'a yojltac Jehová, xchi 'ayin.

Chuj San Mateo Bible

²² icha junoc altar nab'a te', jun metro schan̈il pac'an̈, nan̈al schab'il metro yajq'ue schaan̈il. A schiquintac, pax yich yed' spatictac, nab'a te'. Ix yalan jun vin̈ chi' d'ayin: Aton jun mexa tic ayoch d'a yichan̈ Jehová, xchi vin̈.

Ez 41:22 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 6:20

A jun Lugar to cojn Dios 'ay yico', b'aln̈e metro x'aj spac'b'il, b'aln̈e metro schiquin, b'aln̈e metro x'aj ste'il. Nab'a oro x'aj yojol, ax 'a yojltac 'elta, ata xyac' Salomón b'o jun yet'l xajmb'al b'ob'il yet' te c'ute', 'aych oro 'a 'a. 'Ix 'och q'uen cadena nab'a oro 'a spuertail.

A Ch'an̈ B'ab'el Libro Yic Yab'ixal Eb' Rey 7:48

Xlajw cha, 'ix ya'n pax b'o smasnil jun tzo'n̈ yamc'ab' 'ayc' 'a yol yatut Jehová: jun yet'l xajmb'al nab'a oro, jun mexa nab'a oro 'aj tz'ejm 'ixm pan 'a yojltac Jehová.

2 Cr 4:19

An̈jtona', xya'n pax rey Salomón b'o jun tzo'n̈ xo yamc'ab' to yic yatut Dios tz'aji: Atn jun yet'l 'aj tz'a incienso to nab'a oro, jun tzo'n̈ mexa 'aj tz'ejm tzoln 'ixm pan 'a yojltac Jehová,

Ex 25:23

'Ix yaln Jehová 'ixtic: Tza'n b'o junc mexa 'a te 'a'nte acacia, 90 centímetro tz'aj spac'b'il, 45 centímetro sat, 65 centímetro tz'aj ste'il.

Ex 30:8

'Oj yac' tz'a pax 'a junjn yemc'ual, atn 'a yorail yoch sc'a'l cantil. 'Oj sb'o eb' jun tic 'a wojltac an Jehová in 'a smasnil tiempo.

Pr 9:2

Xlajw cha, smiln cham 'ix jun tzo'n̈ no noc', sb'on wal 'ix tas wach' tzc'uxx 'a jun sq'uin̈, sb'on pax 'ix yal uva to caw wach', sb'on 'ejm smexa.

Cantares 1:12

Ya' sb'a wocn 'ejm win rey 'a smexa, ax te nardo tzpucl su'mtacl sjab' te 'ayin.

Ez 23:41

Xlajw cha, x'em wocn eb' 'ix 'a sti sch'at, wach'x pax yaj sb'o jun te mexa yet' tas tzc'uxxi. A 'a sat mexa cha, ata xyac' 'ejm eb' 'ix jun incienso yet' jun aceite to wic yaji.

Ez 44:16

'Oj stac' pax yoch eb' 'a yol watut in yac' servil yic tzc'och eb' 'a yojltac yet'l xajmb'al, cojn eb' 'oj stac' ya'w servil ta'.

Lv 24:6

Tzlajw cha, tz'ajx 'ejm 'ixm 'a sat jun mexa 'aych oro 'a 'a, atn jun 'aych 'a wojltac an Jehová in. Chalatz'n̈ tz'aj cha'an̈, waque pan chi 'a junjn latz'an̈.

Malaquías 1:12

Palta ax xo tic, 'in caw may jac wel'ch 'a e sat, 'in tzeyala to may yel'ch jun yet'l xajmb'al cha, yet' jun tzo'n̈ schib'l wal tzeyac' xajmb'al-l 'ayin.

Malaquías 1:7

Ax tic, tzeyij cot 'ixm pan to man̈ smojc sjaw 'a yet'l xajmb'al to wic yaji, tzlajw cha, tzcob' e c'anb'n pax 'ayn 'ixtic: ¿Tas wal 'aj tz'och qui mul 'ayach? xe chi. Ax tic, x'och e mul 'ayin, yujto xe patquilj can 'el jun yet'l xajmb'al cha.

1 Co 10:21

Matz tac' qui comn 'u'lb'anec jun vaso yic Cajlil, toto tzcu'lb'ejec pax jun yic ewin demonio. An̈jtona', matz tac' qui comn wanec jun pan tz'ajx 'ayn̈ec 'a smexa Cajlil, toto tzqui c'uxc jun tzo'n̈ tas tz'ajx 'a smexa ewin demonio cha.

Apoc 3:20

'Ab'ec, 'icha to wan wawj 'och 'a yol smac n̈a. Toto 'ay mach tz'ab'n wawj 'ochi, tzjacn yatut 'ayin, 'oj woch yet'oc, ax in mol wa yet'oc.

Apoc 8:3

Xlajwn̈ej cha, 'ix jaw junx ángel yet' jun tz'ab'c'ac' nab'a oro, yet'l 'aj tz'a incienso. 'Ix c'och lin̈n yet' 'a yojltac jun yet'l xajmb'al. Caw niwn incienso chi 'ix 'ajx 'a 'a, yic tzn̈usn 'a yib'n̈ jun yet'l xajmb'al nab'a oro 'ayc' 'a yojltac jun despacho cha. A yic xc'och su'q'uil sjab' jun incienso cha, 'ix c'och pax slesl eb' yic xo Dios yet'oc.