Ez 41:15 - Chuj San Sebastian Bible

¹⁵ 'Ix yechtan pax spac'b'il junx n̈a quiln 'och 'a spatquil smuroal yatut Dios, jun 'ay 'a yojltac junx 'amc' cha, yet' pax smuroal 'a junjn pac', 'ay 50 metro 'a smasnil.

Chuj San Mateo Bible

¹⁵ Ix lajvi chi', ix yechtan sc'atul jun nivan cuarto vin̈, jun ay d'a spatic templo q'uelancot d'a amac' yed' yichtac, 50 metro smasanil. A chab' cuarto d'a yol templo yed' scorredoral q'uelanb'at d'a amac',

Ez 41:15 ပူးပေါင်းရင်းမြစ်များ

Cantares 1:17

A spatzb'il catut, caw wal nab'a c'ute', ax yib'an̈, a te q'uisis latz'b'il q'ue 'a yib'n̈ cha, xchi winac.

Cantares 7:5

A 'a jolom, chan̈ yaj cha'an̈, lajn 'icha lum jolm witz Carmelo; a xil a jolom, lajn yilx 'icha te ch'al púrpura. Caw nib'jub'tac yilx yaj 'ejm tzicn xil a jolm chi tzyil win rey.

Ez 41:12

A 'a stojlal 'aj tz'em c'u, ata 'ay junx n̈a 'a sti 'el jun 'amc' cha. A jun n̈a cha, 35 metro schiquin, 45 metro spac'b'il, nan̈lyoxl metro spiml smuroal.

Ez 41:13

Xlajw cha, xyechtan jun winc chi spac'b'il yatut Dios chi 'a smasnil; a spac'b'il cha, 50 metro. Ax jun 'amc' 'a spatc yatut Dios yet' junx n̈a 'ay 'a stojlal 'aj tz'em c'u, yet' pax smuroal, 50 metro jun tzo'n̈ chi 'a smasnil.

Ez 41:14

Ax 'a sat 'elt yatut Dios, yet' yamq'uil sti 'ay 'a stojlal 'aj tzq'uel c'u, 50 metro pax jun chi 'a smasnil.

Ez 41:16

A chab' cuarto 'ay 'a yol yatut Dios yet' jun corredor 'a sti 'amac', 'a'nten̈ej 'aych 'a yich. Tzchaj 'at 'a yich masnto 'a 'aj 'ay swentnual, 'a'nte pax 'ay 'ejm 'a yojol. 'Ixtan̈ej yaj sb'o jun tzo'n̈ cuarto cha, 'a'nten̈ej 'aych 'a yox paq'uil. A jun tzo'n̈ wentnu cha, 'aych pax 'a'nte chi 'a smarcoal.

Ez 41:17

A 'oxe cuarto cha, 'a'nten̈ej 'aych 'a yojl eb' yet' 'a smarcoal swentnual. Ax 'a eb' te 'a'nte cha, ata b'ob'il 'och yechl eb' querubín yet' yechl te palma. Stzol-l yajch eb' yechl chi 'a eb' te 'a'nte cha. A junjn querubín cha, cha'chb' sat eb',

Ez 42:1

Xlajw cha, in yi'n 'el jun winc chi 'a sti 'el jun 'amc' 'ay 'a stojlal norte, in yi'n 'och 'a yojl jun tzo'n̈ cuarto 'ay 'a sti 'amc' 'a yojltac jun n̈a tzcan 'a stojlal norte cha, atn jun quiln 'och 'a spatc 'el yatut Dios cha. A jun tzo'n̈ cuarto chi 'a smasnil, 50 metro spac'b'il, ax 25 metro schiquin.

Ez 42:10

'a 'aj tz'el'ch jun muro 'a sti 'amc' 'a sti 'el cha. Ax 'a sti 'el jun 'amc' 'ay 'a stojlal sur, jun q'uelc'mb'a yaj yet' jun n̈a 'ay 'a stojlal 'aj tz'em c'u, jun quiln 'och 'a spatquil 'el smuroal yatut Dios, ata 'ay pax jun tzo'n̈ xo cuarto.

Ez 42:15

Ax yic xlajw yechtan jun winc chi yojl yatut Dios, in yi'n pax 'el 'a junx puerta 'ay 'a stojlal 'aj tzq'uel c'u, syamn 'och yechtan smasnil spatc 'el yatut Dios cha.

Ez 42:3

A 'a jun spac'b'il cha, ata tzcan jun 'amc' yic yojl 'ochi, lajn̈e metro sat. Ax 'a jun pac' xo, ata 'ay pax junx 'amc' latz'b'il 'ejm q'uen 'a 'a, atn jun 'ay 'a sti 'elta. A 'a jun 'amc' cha, ata oyn 'och jun tzo'n̈ cuarto q'uelc'mb'a yaj yet' pax jun tzo'n̈ xo 'oxe piso yaj sb'o cha.

Ez 42:5

A jun tzo'n̈ cuarto 'ay 'a yoxl piso cha, cotc yojl eb' 'a yib'n̈ junx piso 'aycn 'a yaln̈ cha, yujto may spatzb'il yaln̈ eb'.

Zacarías 3:7

A Jehová tztac' yuj smasnil, a 'ix aln 'ixtic: B'eylb'ejn̈ej in b'eyb'al, tza yiclni smasnil tas xwac' a b'o'. Toto 'oj a b'o smasnil jun tzo'n̈ cha, to 'ixta', 'oj ach wa'ch yilmalc watut, ax a tan̈wni yet' yamq'uil. An 'oj wac' opiso och a wojltac, 'icha eb' in checb' 'aych 'a wojltac tic.