Ez 40:6 - Chuj San Sebastian Bible

⁶ Xlajw cha, xc'och 'a yol sti jun puerta 'ay 'a stojlal 'aj tzq'uel c'u, xq'ue 'a sc'ochal yol sti puerta, 'ix yechtan jun yojl 'och cha, 'ay oxe metro yajchi.

Chuj San Mateo Bible

⁶ Ix lajvi chi', ix b'at vin̈ d'a jun puerta d'a stojolal b'aj sjavi c'u, ix q'ue vin̈ b'aj b'achquiltac sq'uei, ix yechtan jolom puerta vin̈. A jun chi' oxe' metro yajoch d'a yoloch puerta chi'.

Ez 40:6 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 6:8

A spuertail jun tzo'n̈ cuarto cha, a 'a stojlal sur tzcani, yic tzon̈ 'och 'a yojl jun yatut Dios cha, ax yic tzon̈ q'ue 'a schab'l piso, yet' a yoxl piso, 'ay sc'ochal.

1 Cr 9:18

Tztan̈wxn̈ej spuerta eb' rey yuj eb' levita 'a stojlal 'aj tzq'uel c'u. A jun tzo'n̈ eb' tic 'aych 'a yib'n̈ eb' stan̈wni spuertail camplamento 'a scal eb' yit levitail.

1 Cr 9:24

'Aychn̈ej stan̈mal spuertail 'a schan̈ paq'uil; 'a stojlal 'aj tzq'uel c'u, 'a stojlal 'aj tz'em c'u, 'a stojlal norte yet' 'a stojlal sur.

Nehemías 3:29

Ax Sadoc yunnal Imer, a 'ix b'on nan̈l xo muro 'a stojlal yatut; 'ix sb'on pax Semaías yunnal Secanías nan̈l xo yic 'a yojltac yatut, a jun winc chi tztan̈wnin̈ej puerta 'a stojlal 'aj tzq'uel c'u.

Salmos 84:10

Yel xo wach' 'ayn 'ec' junc c'u 'a yamq'uil atut, 'a yib'n̈ junc mil ab'il 'ayn 'ec' 'a junc xo lugar. Yel xo wach' tzin c'och 'a spuertail atut yic tzin 'och 'emmquilal 'aych ach in Diosal, 'a yib'n̈ to a 'a yatut eb' maysch'olnil sb'eyb'al 'aj tzin 'aj cajan.

Jeremías 19:2

Tzlajw cha, tzach 'at yet' eb' 'a span̈nil lum Ben-hinom, 'a jun puerta 'aj tz'elt eb' julm 'el c'alem, axta 'oj al-l jun tzo'n̈ paxti 'oj wal 'aych tic.

Ez 10:18

Xlajw cha, 'ix 'elx stzictznil Jehová 'a yib'n̈ sjolm puerta, 'ix c'ochx can 'a yib'n̈ sjolm eb' querubín cha.

Ez 11:1

Ax Yespíritu Dios in 'i'n 'at 'a spuertail yatut Jehová, jun 'ay 'a stojlal 'aj tzq'uel c'u. A 'a yol sti puerta cha, ata 'ayc' 25 eb' winac, ax 'a scal eb', ata 'ayc' Jaazanías yunnal Azur yet' win Pelatías yunnal Benaías, atn eb' tic yajl yaj 'a scal eb' 'anma cha.

Ez 40:20

A jun puerta 'ay 'a stojlal norte 'a sti 'elt jun 'amc' 'ay 'a spatc 'elt yatut Dios cha, xyechtej pax jun winc cha, xyechtej spac'b'il, schiquin yet' jun scorredoral yol sti cha.

Ez 40:22

A sjolm wentnu yet' jun tzo'n̈ wentnu cha, lajn yaj sb'o eb', ax 'a smarcoal, ata 'aych yechl te palma, lajnn̈ej pax yechl yet' yic te puerta 'ay 'a stojlal 'aj tzq'uel c'u. An̈jtona', 'ay pax sc'ochal 'aj tzon̈ q'ue'i, uque yaj sb'achquixtaquil.

Ez 40:24

Xlajw cha, in yi'n 'at jun winc chi 'a stojlal sur. A pax ta 'ay junx puerta. 'Ix yechtan smarcoal yet' jolm puerta cha, lajn yechl yet' jun tzo'n̈ b'ab'l puerta.

Ez 40:26

An̈jtona', 'ay pax jun sc'ochal, uque sb'achquixtaquil, ax smarcoal, ata 'ay 'a yojl 'och cha, 'aych pax yechl te palma 'a junjn spac'b'il.

Ez 40:5

A 'a spatc 'el yatut Dios, ata oyn 'och smuroal. Ax te 'aj yet' jun winc cha, 'oxe metro yoc te'. Xlajw cha, xyechtan win jun muro cha, 'oxe metro spimal, 'oxe pax metro ste'il.

Ez 40:7

A 'a yojl 'och sti puerta cha, ata 'ay jun niwquil 'amac', ax 'a stitc jun 'amc' cha, ata tzoln 'och jun tzo'n̈ cotc cuarto yic eb' tan̈m puerta. A junjn cuarto cha, 'oxx metro spac'b'il, 'oxx metro pax schiquin, nan̈l yoxxil metro scal jun jun. Ax 'a yojl 'och cha, ata 'ay junx puerta, q'uelc'mb'a yaj yet' yatut Dios cha, 'oxe metro sat.

Ez 41:16

A chab' cuarto 'ay 'a yol yatut Dios yet' jun corredor 'a sti 'amac', 'a'nten̈ej 'aych 'a yich. Tzchaj 'at 'a yich masnto 'a 'aj 'ay swentnual, 'a'nte pax 'ay 'ejm 'a yojol. 'Ixtan̈ej yaj sb'o jun tzo'n̈ cuarto cha, 'a'nten̈ej 'aych 'a yox paq'uil. A jun tzo'n̈ wentnu cha, 'aych pax 'a'nte chi 'a smarcoal.

Ez 42:15

Ax yic xlajw yechtan jun winc chi yojl yatut Dios, in yi'n pax 'el 'a junx puerta 'ay 'a stojlal 'aj tzq'uel c'u, syamn 'och yechtan smasnil spatc 'el yatut Dios cha.

Ez 43:1

Xlajw cha, in yi'n pax 'at jun winc chi 'a jun puerta 'ay 'a stojlal 'aj tzq'uel c'u;

Ez 43:8

Man̈x 'oj sb'o eb' sreyl israel chi sdespacho chi 'a stz'ey watut, yujto 'a a yic yalan̈, cojn jun muro 'aycn 'a snan̈l watut yet' sdespacho eb'. 'Ixta pax yaj spuertail watut yet' spuertail yic eb' cha. Caw man̈x 'a yel'ch xyutj can eb' in b'i, yujto til wal tas yajb'entac sb'ojnac eb'; yuj wal cha, scot wowl 'a eb', 'ix wa'n cham eb'.

Ez 44:1

Xlajw cha, in yi'n pax 'at jun winc chi 'a sti jun spuertail yatut Dios 'ay 'a stojlal 'aj tzq'uel c'u, ax xwilni macn jun puerta cha.

Ez 46:12

A yic tz'el 'a sc'ojl win yajl chi ya'n junc xajmb'al 'ayn an Jehová in, no xajmb'al tz'a'i, mto no xajmb'al yic junc'ojlal, tztac' sjacx jun puerta 'ay 'a stojlal 'aj tzq'uel c'u chi 'a winac, yic tzya'n win xajmb'al 'icha tzyac' 'a sc'ul 'iljelal. A yic tzlajw ya'n win xajmb'al cha, ata tz'el paxt 'a 'aj tz'och cha, tzlajw cha, tzmacx can pax jun puerta cha.

Ez 47:1

Xlajw cha, in yi'n pax 'och jun winc chi 'a yol sti yatut Dios. Ax xwilni, a 'a yaln̈ smarcoal sti puerta q'ueln 'at 'a 'aj tzq'uel c'u, ata tzpac' q'uet jun a', ax 'a stojlal 'aj tzq'uel c'u cha, ata tz'atcn a', tz'ec' a 'a snan̈l yamq'uil yatut Dios, tz'ec' a 'a stojlal sur yic yet'l xajmb'al.

Ez 8:16

In yi'n 'at 'a yol sti yamq'uil yatut Dios, ax 'a yol 'och sti puerta cha, 'a sla'nil 'aj 'ay yet'l xajmb'al, ata 'ay 25 eb' winac. A yichspatquil eb' 'aycn cot 'a stojlal yatut Dios, axta q'ueln 'at eb' 'a stojlal 'aj tzq'uel c'u, cumn 'ejm eb' yal sb'a 'a c'u.