Ez 40:5 - Chuj San Sebastian Bible

⁵ A 'a spatc 'el yatut Dios, ata oyn 'och smuroal. Ax te 'aj yet' jun winc cha, 'oxe metro yoc te'. Xlajw cha, xyechtan win jun muro cha, 'oxe metro spimal, 'oxe pax metro ste'il.

Chuj San Mateo Bible

⁵ A d'a spatictac templo chi' ay jun muro oyanochi. A jun te' aj yed'nac jun vin̈ vinac chi', oxe' metro steel te'. Ix yechtan jun muro chi' vin̈. A jun chi' oxe' metro spimal, oxe' pax metro schaan̈il yajq'uei.

Ez 40:5 ပူးပေါင်းရင်းမြစ်များ

Salmos 125:2

'Icha wal yajch oyn eb' lum witz 'a stz'ey Jerusalén, 'ixta wal yajch Jehová 'a stz'ey eb' schon̈ab', ticnec yet' 'a smasnil tiempo.

Is 26:1

A 'a yic jun c'ul cha, 'oj b'itnaxc jun b'it tic 'a yol smacb'en Judá 'ixtic: 'Ay wal jun qui chon̈b'ec caw 'ay yip 'aj caw wach' qui colnec qui b'a, caw a Jehová tzon̈ colni, yujto a 'icha muro yaji.

Is 60:18

Man̈x b'a'n̈ 'oj 'ab'xoc speclal smilx cham 'anma 'a e lum cha, man̈x 'a mach 'oj satxoc 'el 'a yol e macb'en. A e colnb'il xwac'a, a chi 'icha muro yajch oyn 'ayex, ax e b'inab'ilal, a chi 'icha spuertail e chon̈b' yaji.

Ez 41:8

'Ix wiln jun yipnub'al yich 'aj b'achn q'ue jun tzo'n̈ cuarto 'a sat smuroal yatut Dios, a jun cha, 'oxe metro ste'il.

Ez 42:15

Ax yic xlajw yechtan jun winc chi yojl yatut Dios, in yi'n pax 'el 'a junx puerta 'ay 'a stojlal 'aj tzq'uel c'u, syamn 'och yechtan smasnil spatc 'el yatut Dios cha.

Ez 42:20

'Ix yechtej jun winc chi schan̈paq'uil sti slumal yatut Dios. Ax 'a sti 'el cha, ata oyn 'och smuroal, 250 metro jun muro chi 'a junjn pac'. Atn jun chi 'aych smacloc snan̈l jun lugar to yic Dios yaji yet' jun tzo'n̈ xo tas comn yaji.

Ez 43:13

A yechl jun yet'l xajmb'al 'ay 'a yatut Dios, 'ix 'echtax yet' jun 'echtab' xc'anx 'a b'ab'el. A 'a spatc 'el cha, ata b'ob'il jun zanja, nan̈l metro xab'l yich, nan̈l metro pax sat, ax 'a yojltac 'el cha, ata tzeln chan̈ jun yune muro, 25 centímetro 'ay cha'an̈.

Zacarías 2:5

Palta an Jehová in, an 'oj in tan̈wj chon̈b Jerusalén, 'icha to 'oj woch oyn 'a spatquil 'icha junc c'ac' yic tzin satn 'el eb' 'ajc'ojol, ax 'a snan̈l chon̈b' chi 'oj in ch'ox in tzictznial, xchi Dios, xchi jun ángel cha.

Dt 3:11

(Cojxn win Og chi yin̈tl eb' 'anma niwc stel 'aycn 'a jun lugar cha. A scaxail b'ob'il, q'uenn̈ej smasnil, chan̈e metro yoc, jab'xoj man̈toc chab' metro sat, checl to yaj jun chi 'a chon̈b' Rabá 'a yol slugar eb' amonita.)

Apoc 21:12

Ax 'a stitc jun chon̈b' cha, oyn 'och smuroal caw pim, chan̈ yaj'ti, lajchwe smac 'ay 'a 'a. 'Ayc' junjn ángel 'a junjn smac. 'Ax 'a junjn smac cha, tz'ib'b'il 'och sb'i lajchw macn̈ eb' yin̈tl Israel.