Ez 40:22 - Chuj San Sebastian Bible

²² A sjolm wentnu yet' jun tzo'n̈ wentnu cha, lajn yaj sb'o eb', ax 'a smarcoal, ata 'aych yechl te palma, lajnn̈ej pax yechl yet' yic te puerta 'ay 'a stojlal 'aj tzq'uel c'u. An̈jtona', 'ay pax sc'ochal 'aj tzon̈ q'ue'i, uque yaj sb'achquixtaquil.

Chuj San Mateo Bible

²² A jun scorredoral chi' yed' sventenail yed' yechel te' palma, lajann̈ej yed' juntzan̈ ay d'a stojolal b'aj sjavi c'u. Uque' sb'achquiltaquil sq'uec'och b'aj ay puerta chi', axo scalleal chi' scan d'a yool.

Ez 40:22 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 6:29

'Ix ya'n 'ajxoc 'och yechl querubín, yet' yechl te palma, yet' pax yechl te nichte' yelwnub'loc sat smasnil yich n̈a cha, 'a yojol yet' 'a spatquil.

A Ch'an̈ B'ab'el Libro Yic Yab'ixal Eb' Rey 6:32

Olivo chab' spuertail cha, 'ix ya'n 'och yechl querubín, yet' yechl te palma, yet' pax yechl te nichte 'a te', 'ix ya'n 'ajxoc 'och q'uen oro 'a jun tzo'n̈ yixtal cha.

A Ch'an̈ B'ab'el Libro Yic Yab'ixal Eb' Rey 6:35

'Ix ya'n 'ajxoc 'och yechl querubín, yelwnub'loc te puerta cha, yet' yechl te palma, yet' pax yechl te nichte'. Xlajw cha, xya'n pax 'ajxoc 'och oro 'a jun tzo'n̈ yechl cha.

A Ch'an̈ B'ab'el Libro Yic Yab'ixal Eb' Rey 7:36

'Ix ya'ch Hiram yechl eb' querubín, yechl e no león yet' yechl te palma 'a smarcoal, yet' 'a sat smacl snan̈l yojl marco cha. May jac 'aj ma'ix 'och jun tzo'n̈ yechl cha, 'aych yelwnub'l 'a spatquil jun jun.

A Ch'an̈ B'ab'el Libro Yic Yab'ixal Eb' Rey 7:4

'Oxtzol swentnual 'a junjn spac'b'il, q'uelc'mb'a x'aj junjn wentnu cha.

2 Cr 3:5

'Ix ya'n 'ajxoc 'och te 'a'nte q'uisis 'a sat 'a yojol, xlajw cha, xya'n 'ajxoc 'och oro caw wal wach' 'a 'a, xya'n pax 'ajxoc 'och yechl te palma yet' yechl q'uen cadena 'a 'a.

Ez 40:16

A jun tzo'n̈ cuarto 'a yojl 'och cha, 'ay swentnual junjn eb', 'ay 'a yojltac 'elta, 'ay pax 'a schiquin, atn jun tzo'n̈ oyn 'och 'a jun 'amc' 'a yojl cha, tzolmtac pax yajch smacl snan̈al, axta 'aych yechl te palma.

Ez 40:25

A 'a yojl 'och cha, 'ay swentnual yet' smarcoal, 'ichan̈ej wal yic jun tzo'n̈ b'ab'l cha, a snajtil scal, 25 metro, nan̈lyoxlajn̈il metro sat.

Ez 40:26

An̈jtona', 'ay pax jun sc'ochal, uque sb'achquixtaquil, ax smarcoal, ata 'ay 'a yojl 'och cha, 'aych pax yechl te palma 'a junjn spac'b'il.

Ez 40:29

A jun tzo'n̈ cuarto cha, sjolm wentnu, yet' smacl snan̈al, lajnn̈ej yechl yet' yic jun tzo'n̈ b'ab'l cha. A jun n̈a cha, 'ay swentnul 'a yojl 'och 'aj 'ay yamq'uil yol sti cha, a snajtil scal, 25 metro, nan̈lyoxlajn̈il metro sat.

Ez 40:31

A 'a yojl 'el sti puerta cha, ata 'aych pax jun tzo'n̈ niwc marco, 'aych pax yechl te palma 'a 'a. A jun puerta cha, 'ay pax jun sc'ochal 'aj tzon̈ q'ue'i, wajxque sb'achquixtaquil.

Ez 40:34

A jun tzo'n̈ niwc marco 'a yol 'el sti puerta cha, 'aych yechl te palma 'a junjn spac'b'il eb'. A jun puerta cha, 'ay jun sc'ochal 'aj tzon̈ q'ue'i, wajxque sb'achquixtaquil.

Ez 40:37

A jun corredor 'a yol 'el sti puerta cha, 'ay pax smarcoal. A 'a sat jun tzo'n̈ marco cha, ata 'aych yechl te palma 'a junjn spac'b'il. A jun puerta cha, 'ay pax sc'ochal, wajxque sb'achquixtacl 'aj tzon̈ q'ue'i.

Ez 40:49

A jun yol sti puerta cha, lajn̈e metro yajch 'a yojl cha, waque metro sat, ax jun sc'ochal sti 'elt 'a stz'ey junjn marco yic yol sti cha, a pax ta 'aych junjn q'uen yipnub'oc, junjn 'a junjn pac'.

Ez 40:6

Xlajw cha, xc'och 'a yol sti jun puerta 'ay 'a stojlal 'aj tzq'uel c'u, xq'ue 'a sc'ochal yol sti puerta, 'ix yechtan jun yojl 'och cha, 'ay oxe metro yajchi.

A Ch'an̈ Carta D'a Eb' Hebreo 6:1

Ax ticnec, coyc 'a cojltac, sec 'oj wach' te'nb'oc qui nab'enec. Can cab' jun tzo'n̈ b'ab'l cuynb'il tzyal yuj Cristo tic. Man̈x cab' qui cuyc jun tzo'n̈ b'ab'l cuynb'il 'oj wal tic. Tzyala, to tzqui na qui b'a yuj jun tzo'n̈ tas tz'i'n cot chaml 'a quib'n̈ec. Tzyalni, tas tzcutj ca'nec 'och qui c'ojl 'a Dios.

Apoc 7:9

Xlajw cha, xwilni. Caw niwn 'anma 'ayc' 'a yojltac jun despacho cha, yet' 'a yojltac jun tzcuch Calnelu. A eb' cha, 'ay eb' 'a junjn nacion̈, 'a junjn 'in̈tal, 'a junjn ti'al, yet' 'a junjn chon̈b'al. Man̈x yalnb'ilc jantc sb'isl eb'. Caw sac spichl junjn eb'. Yamb'il xil te q'uib' yuj junjn eb'.