Ez 40:14 - Chuj San Sebastian Bible

¹⁴ 'Ix yechtan pax jun corredor q'ueln 'och 'a yatut Dios, lajn̈e metro junjn spac'b'il cha.

Chuj San Mateo Bible

¹⁴ Ix lajvi chi' ix yechtan jun scorredoral q'uelanb'at d'a templo chi' vin̈, 10 metro yajec' c'atan.

Ez 40:14 ပူးပေါင်းရင်းမြစ်များ

1 Cr 28:6

'Ix yal pax 'ayn 'ixtic: A onnal Salomón, a 'oj b'onc chan̈ watut yet' yamq'uil, yujto an 'ix in si'cn 'eli yic tz'och wunnaloc, an xo 'oj woch mamb'ilal 'a 'a.

Salmos 100:4

'Och coyc 'a spuertail yatut Dios yic tzcalnec yuj diosal 'a 'a. A yic 'ayn̈ec 'ec' 'a yamq'uil yatut cha, qui b'itnoquec b'it yic tzcalnec qui wach' paxti 'a 'a.

Ex 27:9

'Ix yaln pax Jehová 'ixtic: Tza'n b'o pax yamq'uil spatquil in cajnub'. A 'a spac'b'il 'a stojlal sur, ata tz'och te cortina lino ch'umb'il sat, 45 metro tz'aj 'aj tz'och te'.

Ex 35:17

Tzb'on pax eb' te cortina tz'och smacloc yamq'uil scajnub' Dios, tzb'on eb' yoyal yet' sb'achnub'al yalan̈, yet' te cortina tz'och smacloc sti jun 'amc' cha.

Is 62:9

Palta to caw ax 'oj e mol chan̈ sat eyawb'en, ax laj e c'uxni. 'Oj eyal e wach' paxti 'ayn yu'uj. 'Oj e mol chan̈ sat eyuva, ax eyu'n te yalil chi 'a yamq'uil sti in cajnub', xchi Dios.

Ez 40:13

Xyechtan pax jun winc chi spac'b'il jun n̈a cha, schaj cot yechtan 'a yojl jun cuarto 'a yich 'ochi, masnto 'a yich 'och junx cuarto cha, a chab' cuarto cha, q'uelc'mb'a yaj eb', 'ay nan̈lyoxlajn̈il metro scal jun puerta chi yet' junx puerta cha.

Ez 40:15

Ax snajtil scal jun puerta 'a sti 'elta, yet' junx puerta 'a yojl 'och cha, 'ay 25 metro snajtil scal eb'.

Ez 41:21

A smarcoal yol sti puerta 'a yatut Dios cha, lajn eb' schab'il, chan̈ tzeln̈ yaj sb'o'i. Ax 'a yojltac 'elt jun cuarto to cojn Dios 'ay yico', ata 'ay jun tas lajn yilxi,

Ez 42:1

Xlajw cha, in yi'n 'el jun winc chi 'a sti 'el jun 'amc' 'ay 'a stojlal norte, in yi'n 'och 'a yojl jun tzo'n̈ cuarto 'ay 'a sti 'amc' 'a yojltac jun n̈a tzcan 'a stojlal norte cha, atn jun quiln 'och 'a spatc 'el yatut Dios cha. A jun tzo'n̈ cuarto chi 'a smasnil, 50 metro spac'b'il, ax 25 metro schiquin.

Ez 8:7

Xlajw cha, in yi'n 'at 'a yol sti yamq'uil yatut, ax xwilni 'ay jab' oln 'a spac'b'il yich cha.

Lv 6:16

Ax jantc to ofrenda tzcani, 'oj sc'ux Aarón yet' eb' yunnal. A yic tzb'o'i, may yich tz'ejmi. Ata 'oj sc'ux eb' 'a yamq'uil Mantiado 'aj tzin chaj in b'a eyet'oc.