Ez 40:1 - Chuj San Sebastian Bible

^1-2 A 'a yic 25 ab'il xo quijx cot 'icha presoal 'a Babilonia, 'a lajn̈e yoch b'ab'l 'uj, 'a yic schan̈lajn̈il xo ab'il yajx ganar chon̈b' Jerusalén, 'ix 'ochx spoder Jehová 'ayin. Ax Yespíritu 'ix 'a'n wila', 'icha to in yij 'at 'a Jerusalén cha. Axta in c'och yuj 'a sjolm jun tzalan. Ax xwilni, ata 'ay jun chon̈b' 'a stojlal sur, til wal n̈a 'a jun chon̈b' cha.

Chuj San Mateo Bible

¹ Ayic 25 ab'ilxo quic'jicot d'a Babilonia tic, ayic slajun̈il c'ual yoch b'ab'el uj, ayic 14 ab'ilxo yac'ji ganar Jerusalén, ata' ix yaq'uem spoder Jehová d'a vib'an̈. Ix vilani, ichato ix in ic'jib'at d'a smacb'en Israel.

Ez 40:1 ပူးပေါင်းရင်းမြစ်များ

Ex 12:3

Alc 'a smasnil eb' eyit israelal yuj jun checnb'il tic. To a yic lajn̈e yoch jun 'uj tic, junjn mamb'il 'oj yi' cot junjnoc squelm calnelu mto chiwo, junjn no 'a junjn n̈ail yic tzchix no'.

Ex 12:41

A 'a jun c'u 'aj 'ix tz'acw 430 ab'il sc'och eb' 'a jun lugar cha, ata 'ix 'elt eb' schon̈b' Jehová 'a yol yic Egipto.

Ex 40:2

A wal 'a b'ab'l c'u yic b'ab'l 'uj, ata tzac' b'o chan̈ in cajnub', atn jun Mantiado 'aj tzin chaj in b'a eyet'oc.

Ez 11:24

Xlajw cha, in yi'n pax chan̈ Yespíritu Dios, in yi'n pax cot 'a scal eb' wit israelal 'icha preso yaj 'a Babilonia. A jun tic, 'icha wal waychil xwutj wiln yuj Yespíritu Dios, cojxn tic, man̈x 'a tas xwila.

Ez 29:17

A yic b'ab'l c'u yic b'ab'l 'uj yic uqueschawinc ab'il quijx cot 'icha presoal 'a Babilonia, ata 'ix yal Jehová 'ayn 'ixtic:

Ez 3:14

In yi'n chan̈ Yespíritu Dios cha, in yi'n 'ati, palta caw wal tu tzwab'i, ya' sb'a ax spoder Dios cha, a tzin 'i'nb'eyoc.

Ez 3:22

'Ix ya'n cot Jehová sc'ab' 'a wib'an̈, 'ix yaln 'ayn 'ixtic: Q'uen̈ wa'an, 'ixc 'a lum 'a'lic cha, axta 'oj in paxtin et'oc, xchi 'ayin.

Ez 32:1

A 'a b'ab'l c'u yoch slajchwil 'uj yic slajchwil ab'il xo qui jaw 'icha presoal, ata xyal Jehová 'ayn 'ixtic:

Ez 32:17

A yic olajn̈e xo c'u yoch slajchwil 'uj yic slajchwil ab'il quijx cot 'icha presoal, 'ix yaln Jehová 'ayn 'ixtic:

Ez 33:21

A 'a yic o'e yoch slajn̈il 'uj yic slajchwil ab'il quijx cot 'icha presoal, ata xjaw jun winc 'ayin, xyalni to ata tzcot 'elc 'a Jerusalén, yujto satl jun chon̈b' chi yuj eb' 'ajc'ojol.

Ez 37:1

'Ix 'ochx spoder Jehová 'ayin, ax Yespíritu 'ix 'a'n wila', 'icha to in yij 'at 'a jun pan̈n 'a'lic 'a 'aj tzicn 'at jun tzo'n̈ tacn̈ b'ac.

Ez 8:1

A 'a o'e yoch swacl 'uj yic swacl ab'il, wocn in 'ejm 'a sti watut, oyn 'och eb' yichm wincal chon̈b' Judá 'a wojltac. A yic cha, 'ix japx spoder Jehová Cajlil 'ayin,

Apoc 1:10

Ax 'a jun c'u yic Cajlilec, caw xjaw wal spoder Yespíritu 'ayin. Ax xwab'ni, 'ay jun mach caw 'ip x'awj 'a in patic, 'icha yoc' junc trompeta.