Ez 4:14 - Chuj San Sebastian Bible

¹⁴ 'Ix waln 'ixtc 'a 'a: Mamin Jehová, caw wal may 'aj tzin yam junc tas man̈ wach'c 'a yic 'unnal, may 'aj tzin chi no noc' mun tzchami, mto no noc' tzcham yuj yit noc'al, may xon 'aj tzin chi no chib'j man̈ wach'oc, xin chi 'a 'a.

Chuj San Mateo Bible

¹⁴ Ix in tac'vi d'ay icha tic: Maay Mamin Jehová, malaj b'aj tzin yam junoc tas man̈ vach'oc icha yalan ley. Malaj b'aj tzin chi' schib'ejal noc' noc' to ton̈ej syac'cham sb'a, ma noc' smiljicham yuj noc' chium noc' d'a caltac te', ma junoc macan̈ noc' chib'ej to man̈ vach'oc icha yalan ley, xin chi.

Ez 4:14 ပူးပေါင်းရင်းမြစ်များ

Ex 22:30

'ixta pax sb'ab'l 'une e wacax, mto e calnelu. Tztac' tzcan no uque'oc c'u yet' snun, ax 'a yic swajxq'uejial xo yalj no', tzeya'n no 'ayin.

Ex 22:31

Ax tic caw yel wic eyaji. Man̈ e chi schib'jal junc no noc' tzcham yuj no calte'al noc', a cab' no tz'i tzeyac' chinoc.

Is 65:4

Ata tzlaj 'at 'em wocn eb' 'a scal eb' xi'lb'a 'a campusan, tzlaj sc'ub'n 'el sb'a eb' 'aj c'ultac yaji, ata tz'ec' 'ac'wl yuj eb' yic tzc'umn sb'a eb' yet' eb' chamnc chi snani. Tzchin eb' schib'jal no chitam, caw tzb'ut'j yuc'b' eb' yet' yalil no chib'j cha, atn jun tzo'n̈ tas man̈ wach'c 'a sat ley.

Is 66:17

A Jehová, a tzaln 'ixtic: 'Oj in satl eb' tzya'ch sb'a 'emmquilal 'a jun tzo'n̈ comn dios 'ayc' 'a scal te 'awb'ente'. Tzlaj sb'o eb' 'icha tas tzb'o junc tzjucb'tzan eb' cha. Tzlaj schi eb' schib'jal no chitam, yet' no ch'o'ow. A eb' 'anma tzchin jun tzo'n̈ no noc' man̈ wach'c tic, junn̈j 'oj 'aj satl eb', yujto wojtac tas tzlaj sb'o eb', wojtac tas nab'il yuj junjn eb'. An tic 'oj in jaw in molb'tzoc eb' 'anma 'a junjn nacion̈ yet' 'a junjn chon̈ab'. 'Oj jawc eb' 'a wojltac, ax yiln eb' in poder.

Jeremías 1:6

¡'Oltacn Mamin Jehová, ach Wajlil! ¡Caw wal quelm in to 'unin, mantzac nachj wu'uj, tas tzwutj paxtinc in b'a! xin chi 'a 'a.

Ez 20:49

Xlajw cha, xwaln 'ixtic: ¡'Ay, Mamin Jehová! A eb' wit chon̈b' cha, tzlaj yal eb', to a tas tzwal cha, toxn matz nachj xon 'el ab' jun tzo'n̈ paxti chi yuj eb', xin chi 'a 'a.

Ez 4:15

Xlajw cha, xyaln 'ayn 'ixtic: A ticnec 'an, man̈ a c'a'c stza 'anma cha, a cab' stza no wacx tza c'atztzej yic tza b'on tas tza c'ux cha, xchi 'ayin.

Ez 44:31

Matz tac' scomn chin eb' no ch'ic mto junc no noc' mun tzchami, mto no tzmilx cham yuj yit noc'al.

Ez 9:8

A yic wan smilwj eb' cha, ax xwilni in ch'ocxoj lin̈n in can 'a yojltac Jehová, yuj cha, in 'em n̈ojnjoc 'a sat lu'um, 'ix 'el waw, xwaln 'ixtic: Mamin Jehová, ¿tom 'oj a wach' satc 'el jaywn̈ xo eb' wit israelal tic yuj yowl a c'ojl 'a yib'n̈ Jerusalén tic? xin chi 'a 'a.

Dn 1:8

A win Daniel cha, 'ix sna sb'a winac to man̈ wach'c tzcan win 'a sat Dios toto tzc'ux win tas tzc'ux win rey, yet' yal uva tzyu'j winac. Yuj cha, 'ix tew 'och win 'a win Aspenaz cha, chajtlto matz tz'ajx pural sc'uxn jun tzo'n̈ cha yic matz 'och smul.

Lv 17:15

Tzann̈j israelal mto chuc chon̈b'al tzchin schib'jal junc no noc' mun tzchami, mto a junc no calte'al noc' tzmilni, yowlal tzju'l jun 'anma chi spichul, tz'achn paxi, palta mant wach'oc masnto yic tzq'uic'b' 'ejmi. Tz'e'cn jun cha, 'ixta to b'i'an tzb'ox can paxi.

Lv 19:7

Toto tzc'uxx to jun tzo'n̈ xajmb'al chi 'a schab'jial, caw wal yajb'il xo wu'uj, man̈xtzac in chaj 'ayex.

Lv 22:8

An Jehová in, an tzwala. Matz tac' schin schib'jal no noc' mun tzchami, mto junc no tzmilx cham yuj junc no calte'al noc', sec wach' matz yixtj 'el sb'a yuj no chib'j cha.

A Tas Sc'ulejnac Eb' Schecab' Jesús Hechos 10:14

Palta xyaln Pedro 'ixtic: —May Mamin, yujto mant 'a jun 'ejmoc xin c'ux junc tas comn yaji, mto junc tas 'ay yowlal yuj ley yic Moisés, xchi.

Dt 14:21

Man̈ e chi no noc' mun tzchami, yujto an̈ec tic, sic'b'iln̈ec 'el schon̈b'oc Jehová Dios. A no noc' cha, tztac' eya'n schi eb' chuc chon̈b'al cajn 'a e cal; atn eb' chi tztac' schin no', mto tze chon̈ no 'a eb' chuc chon̈b'al ton̈j tzb'eyc' 'a e cal. Man̈ e tz'an̈ no cotc chiwo 'a scal yal yim no snun.

Dt 14:3

Man̈ e chi no noc' yajb'entac.