Ez 39:26 - Chuj San Sebastian Bible

^26-27 An 'oj in molb'tzoc cot eb' 'a jun tzo'n̈ nacion̈ 'ajc'ojl yajch 'a eb' cha. Ax scanx cajn eb' 'a sat slum 'a tzaljc'ojlal, man̈x 'a mach 'oj xib'tnoc eb'. 'Ixta wal 'oj wutc in ch'oxni to cojn in ton Dios in. Til wal jun tzo'n̈ xo nacion̈ 'oj 'ilnoc jun cha. 'Ixta to b'i'an, ax yecn q'uixwc sb'a eb' israel yuj stenmtacl x'och 'ayin.

Chuj San Mateo Bible

²⁶ Ayic ol cajnajxoc eb' d'a schon̈ab', man̈xalaj tas ol sna eb', man̈xalaj mach ol xib'tan eb'. Icha chi' ol sat sq'uixvelal eb' d'a sc'ool yuj spitalil yed' chucal sc'ulej eb' d'ayin.

Ez 39:26 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 4:25

A 'a yol stiempoal yic pitzn Salomón, a smasnil yol yic Judá yet' Israel, caw junc'ojlal yaj eb' 'anma smasnil, tzchaj cot 'a Dan 'a stojlal norte masnto 'a Beerseba 'a stojlal sur. Junjn eb', mun 'ay yawb'ente eb' 'awb'il yuj 'a stz'ey yatut.

Salmos 99:8

Mamin Jehová qui Diosal ach on̈, tzach ta'wn̈ej 'a eb' a checb' cha. 'Ix a'n lajwc smul eb' quit chon̈b' on̈, palta 'ix ac' syailal eb' yuj tas maysch'olnil sb'o'o.

Is 17:2

Ax jun tzo'n̈ chon̈b' 'a Aroer, 'oj can eb' 'a cusltacl 'a jun 'ejmn̈ej. 'Oj 'ochcn swalab'oc no cajb'en noc'. 'Oj wa e no noc' chi 'a tzaljc'ojlal ta', man̈x 'a tas 'oj xib'tn eb'.

Jeremías 30:11

An Jehová in, an tzwala: 'Aynn̈ej 'ec' eyet'oc, 'oj in satl smasnil jun tzo'n̈ nacion̈ 'aj ex sactzic can 'at wu'uj. Palta ax xo tic, ma'oj ex in satli. Cojn to 'oj ex in b'eyc'ojloc yet' yailal 'a 'icha wal tas smoj e chani. Ma'oj e cann̈j 'ixta', xchi Dios.

Ez 15:8

An tzwala to 'oj wa'ch can jun nacion̈ chi 'a cusltaquil, man̈x 'a 'anma 'oj can 'a 'a, yujto tenmtac xyutj sb'a eb' 'ayin, xchi Dios.

Ez 16:52

A Jerusalén cha, 'oj yac' techjoc q'uixwc'ojlal, yujto yel xo wal yajb'entac 'ix yutj sb'a, 'a yib'n̈ Sodoma yet' Samaria. A chab' chon̈b' cha, toto tzqui lajb'tzej eb' yet' Jerusalén, wach' to wal eb' jab'x 'a yib'an̈.

Ez 16:63

'Oj wac' niwnc'ojlal 'a yuj tas sb'o cha, palta 'oj sna coti, man̈x 'a wal b'a'n̈ 'oj sb'an̈ sb'a, to an tzwala, xchi Dios, xa chi 'a yib'n̈ Jerusalén, xchi 'ayin.

Ez 20:27

Ach 'anma', al yab' eb' et israelal cha, to an Jehová Yajl in, an tzwal 'ixtc 'a eb': A eb' e mam eyicham, stzuntzjnac cot eb' wowal, yujto caw wal tenmtac eb' 'a jun tzo'n̈ tic.

Ez 20:43

Axta 'oj e na coti, to caw maysch'olnil e b'eyb'al, 'oj eyojcoc 'eli to 'ix 'och e mul. 'Oj syaj sb'a e c'ojl yuj tas xe b'o cha.

Ez 32:25

Teln can 'ec' sniwnal win rey chi 'a scal eb' soldado cha, oyn can 'och sniwnal eb' 'a stz'ey eb' chamnc yuj owl cha. Atn eb' 'a'jnac 'ejm xiwc'ojlal 'a scal eb' 'anma 'a yolyib'n̈q'uinl tic, palta ax ticnec, man̈x 'a yel'ch yaj eb' 'a scal eb' chamnc yuj owl cha, yujto man̈ wico'oc eb'.

Ez 32:30

A pax ta 'ayc' eb' xlaj yac' yajlil 'a stojlal norte yet' pax eb' yic Sidón. Caw jeln xlaj cob' yutc sb'a eb', xlaj xib'tn eb' 'anma', palta ax ticnec, junn̈j yaj eb' yet' eb' chamnc yuj owl cha, yujto man̈ wico'oc eb'. Caw wal tzyac' eb' sq'uixwloc 'a scal eb' chamnc cha, man̈x 'a yel'ch yaj eb' 'a scal eb'.

Ez 34:25

'Oj in b'o jun in trato yet' eb', ax scan eb' 'a junc'ojlal wet'oc, ax wi'n 'el smasnil tas 'ay smay 'a sat lum lum tic, sec tzaljc'ojlal 'oj scajx eb' lu'um, ax sway eb' 'a junc'ojlal.

Ez 36:31

A yic 'oj e nanc cot e tu b'eyb'al cha, mto e mul, ax eyiln cot e b'a, to maysch'olnil tas e b'ojnac, ax eyecn q'uixwc e b'a yuj tas maysch'olnil tze b'o cha.

Ez 38:8

A yic niwn xo tiempo tox x'eq'ui, ax a nan cha'an̈ to 'oj ac' owl yet' chon̈b' Israel, atn jun chon̈b' niwn tiempo cannc can 'a sictacl yuj owal. Palta a 'a jun tiempoal cha, meltzjnacx eb' 'anma sactzicnac yajcn 'at 'a scal jun tzo'n̈ xo nacion̈, cajn xo 'ec' eb' 'a slum chi 'a junc'ojlal.

Ez 44:13

Matz tac' yajx yopiso eb' ya'n 'och e ti 'ayin, matz tac' pax scomn yamn eb' jun tzo'n̈ tas to niwn yel'chi, yet' jun tzo'n̈ tas to cojn in 'ay wico'. Yowlal 'oj yec q'uixwc sb'a eb' yuj tas yajb'entac xlaj sb'o cha.

Dn 9:16

Mamin, cojc wal si'mb'il on̈, to tza b'on̈j tas tzala. Yuj cha, 'el cab' wal 'a a c'ojol, to tzej 'el yailal yet' yowl a c'ojl 'aych 'a yib'n̈ chon̈b' Jerusalén, yujto a chon̈b' yaji, ecn̈ej yaj lum tzaln Sión. Smasnil nacion̈ 'ay 'a stz'ey, caw tzb'uchwj eb' 'a jun chon̈b' tic. Yuj wal qui mul on̈, yet' yuj smul eb' qui mam quichm on̈, 'ixta tz'aji.

Miqueas 4:4

Yuj cha, smasnil 'anma', 'oj can eb' 'a tzaljc'ojlal. Junjn mach 'oj stac' yilj 'a yen̈l yich te uva 'awb'il yu'uj, yet' pax 'a yich te higo. A Jehová tztac' yuj smasnil, a 'ix 'a'n can sti 'a jun tic.