Ez 39:21 - Chuj San Sebastian Bible

²¹ 'Ixta wal 'oj wutc in ch'oxn in jelnal 'a sat jun tzo'n̈ xo nacion̈. 'Oj yil wal jun tzo'n̈ chuc nacion̈al cha, tas 'oj wutc in b'eyc'ojlwi.

Chuj San Mateo Bible

²¹ Icha tic ol aj in ch'oxan in poder d'a yichan̈ juntzan̈xo ch'oc nacional. Masanil nación ol ojtacaneloc tas tz'aj in ch'olb'itani yed' vac'anoch yaelal d'a yib'an̈ eb'.

Ez 39:21 ပူးပေါင်းရင်းမြစ်များ

Salmos 32:4

Ach in Diosal, sc'ual, yac'wlil scot yowl a c'ojl 'a wib'an̈. 'Icha wal tz'aj stacj te nichte yuj cuaresma, 'ixta 'in 'aji.

Salmos 94:10

¿Am wal e nani, to ma'oj ya'ch yailal 'a eyib'an̈? ¿Tom man̈ yojcoc Dios tze na'a? 'In to a tzon̈ cuynec yic tzcojcanec 'el jelnal, tzya'n pax cuenta eb' lum niwc nacion̈.

Ex 14:4

An xo 'oj wa'x pitb'oc 'el snab'en win chi jun 'ejm xo, sec 'oj 'ochx tza'n win eyu'uj; 'ixta wal 'oj wutc in ch'oxn in poder yuj tas 'oj in b'o 'a 'a, yet' 'a eb' soldado. Ax eb' 'anma 'aj Egipto cha, 'oj yojcoc 'el eb', to an Jehová in cojn in ton Dios in, xchi Dios. Yuj cha, 'ix meltzj eb' israel jab'x 'a spatic.

Ex 7:4

A win rey cha, ma'oj scha win yab' tas 'oj eyala', palta 'oj in ch'ox in poder yil win rey cha, yic tzwa'n cot yailal 'a yib'n̈ eb' 'aj Egipto tic, 'ixta 'oj wutc ex wi'n 'elta.

Ex 8:19

Xlajw cha, 'ix yaln eb' tzyal jelnal sb'a chi 'a win rey chi 'ixtic: —A jun tic, smunljel Dios, xchi ewinac. Palta an̈j 'ijnoc 'ix pitb' 'el snab'en win rey, 'icha wal yutjnac Jehová yalni. Ma'ix chaj win yab' tas 'ix yal Moisés yet' Aarón.

Ex 9:16

Palta mantzac ach in satli, sec wach' 'oj checljoc 'el in poder yuj tas 'oj ach wutoc. Ax eb' 'anma 'a yolyib'n̈q'uinl tic, c'uxn 'oj laj yab' eb', to caw niwn wel'chi.

Is 26:11

Mamin Jehová, caw wach'x yaj yailal o'oj, palta matz nachj 'el yuj eb' 'anma'. A yic 'oj yilnc eb' a niwquil chamc'ojlal 'a eb' a chon̈ab', caw 'oj q'uixwc can 'el eb' 'ajc'ojl yajch 'ayach, satl cab' eb' yuj yowl a c'ojl tzn̈ilchj 'icha te c'ac'.

Is 37:20

Ax ticnec jun Mamin Jehová qui Diosal on̈, coln̈ 'el 'a yol sc'ab' jun rey cha, sec tzyojquej 'el smasnil nacion̈ 'a yolyib'n̈q'uinl tic, to cojxn̈ej ach Jehová Dios ach, xchi Ezequías 'a slesal.

Ez 36:23

E mul eyujoc in sb'uchn jun tzo'n̈ nacion̈ cha, palta a yic 'oj in b'onc 'icha tas nab'il wuj 'a eyib'an̈, ata 'oj in ch'ox wal yil eb' nacion̈ cha, to caw niwn wel'chi, ax yojcan 'el eb', to an Jehová in, cojn in ton Dios in.

Ez 38:16

'Oj cob' ac' owl yet'oc, caw 'oj och oyn 'a in chon̈ab', 'icha tzyac' 'asn tz'och oyn 'a lum jolmctac witz. A 'a jun tiempoal cha, 'oj ach wi' cot 'a sat in lum cha, sec 'oj yil jun tzo'n̈ xo nacion̈ tas 'oj ach wutc ach in satn 'eli, ax yojcan 'el eb' to cojn in ton Dios in.

Ez 38:23

'Ixta wal 'oj wutc in ch'oxn in poder yet' in jelnal 'a sat jun tzo'n̈ nacion̈ 'oj 'ilnoc jun cha. 'Ixta to b'i'an, ax yojcan 'el eb' to an Jehová in, to cojn in ton Dios in, xchi Dios.

Ez 39:13

Smasnil israel 'oj colwjoc eb' smucn eb' chamnc 'anma cha. An Jehová in an tzwala. To caw wal 'oj naxoc cot jun c'u chi yuj in chon̈ab', yujto ata 'oj in ch'ox 'ilxoc in poder 'a scal eb'.

Miqueas 2:9

Tze pech 'elt eb' 'ix 'ix 'a yol yatut to 'aych yipc sc'ojol, a smacl eb' 'unn wa'jnac, 'in tzeyij 'ec' 'a jun 'ejmn̈ej.

Malaquías 1:11

An tzwala to niwn wel'ch 'a sat smasnil nacion̈ 'a yolyib'n̈q'uinal. A wal tas caw wach' a chi tzyac' tz'a eb' xajmb'alil, yet' ya'n eb' yofrendaoc 'ayin, yujto caw niwn wel'ch 'a sat eb'.

Malaquías 1:5

Ax israel ex tic, caw 'oj eyil wal si'mb'il, ax eyaln 'ixtic: A Jehová tic, yel xo niwn yel'ch 'a smasnil yolyib'n̈q'uinal, man̈ cojnoc 'aj tzlajw c'och qui mon̈jonec tic 'aj tzb'inaxi, 'oj e chioc, xchi Dios.

A Ch'an̈ B'ab'el Libro Samuel 5:11

'Ix ya'n 'at eb' schecb' 'a eb' syajlil eb' filisteo cha, 'ix yaln eb' 'a eb' 'ixtic: 'Ijec 'el te scaxail strato sDiosal Israel tic 'a qui calec, tz'at eya'nc can pax 'a yet'l 'aj 'ay, sec ma'oj qui chamc qui masnil yu'uj, xchi eb'. Yujto xniwtj jun yab'il chi 'a scal eb' yuj Dios, yuj cha, 'ix xiw chan̈ eb'.

A Ch'an̈ B'ab'el Libro Samuel 5:7

Ax yic xyiln eb' 'anma 'a chon̈b' Asdod cha, to wan laj scham eb', yuj cha, xyaln eb' 'ixtic: A te scaxail strato sDiosal Israel, ma'oj stac' scan te quet'ec, yujto caw wal niwquil qui yailal tzya'chi, tz'ixtx pax 'el qui diosalec yu'uj, xchi eb' 'anma cha.

A Ch'an̈ B'ab'el Libro Samuel 6:9

Si'mb'il wal tzeyila: Toto tojln̈ej s'at e no yet' te caruaje chi 'a sb'el Bet-semes yic tzpax te 'a slu'um, toto 'ixta', a Jehová a 'ixtc tzon̈ 'utnec yet' jun tzo'n̈ yailal tic. Toto ma'ay, tecn man̈oc tz'a'n 'och yailal tic 'a quib'n̈ec, comn yab'il tzon̈ 'ixtnec ama, xchi eb'.