Ez 39:17 - Chuj San Sebastian Bible

¹⁷ 'Ix yaln pax Jehová 'ixtic: Ach 'anma', al 'a e no 'usej yet' 'a e no calte'al noc' to chib'j tzchi'a, smolb'tzoc cot cab' sb'a e no 'a lum jolmctac witz yic chon̈b' Israel, to 'oj wac' schi e no jun tzo'n̈ xajmb'al 'oj in b'o ta', 'oj wac' schi e no chib'ej, ax yu'n e no chic'.

Chuj San Mateo Bible

¹⁷ Ix yalanxi Jehová Yajal d'ayin icha tic: Ach anima, al d'a masanil noc' ostoc yed' d'a masanil noc' chium noc': Cotocab' noc' d'a juntzan̈xo nación, smolb'ejocab' sb'a noc' d'a tzalquixtac d'a yol yic Israel, ichato ol in b'o junoc nivan vael d'a noc'. Ol schi chib'ej noc', ol yuc'anpax chic' noc'.

Ez 39:17 ပူးပေါင်းရင်းမြစ်များ

Gn 31:54

Sb'on Jacob jun xajmb'al 'a sjolm jun tzaln cha, xyawtn cot eb' yican wac yet'oc. Xwa eb' smasnil, ax 'a sjolm jun tzaln chi x'ec' 'ac'wl yuj eb'.

Is 18:6

'Oj can sniwnal eb' schi smasnil no noc' 'a lum jolmctac witz cha. 'Oj jawc no 'usej, no xulem yet' smasnil no chiwjum noc' ta', ata 'oj 'ec' cuaresma yuj no 'usj cha, mto no xulem. A 'a n̈ab'lq'uinal, an̈j no calte'al noc' chi 'ayc' ta'.

Is 29:2

'Oj ya'ch Dios eb' 'anma cajn 'a chon̈b' chi 'a b'ilc'ojlal, 'a cusc'ojlal. 'Oj laj c'acljoc eb' yab'n syail. A jun chon̈b' cha, 'icha wal yet'l xajmb'al, 'ixta 'oj 'ajcn 'a sat Dios.

Is 34:6

Chi'ctac 'oj 'aj yespada Jehová, xeputac pax 'oj 'ajoc, 'icha tzyac' q'uen cuchlub' yic tzmilx no quelm calnelu yet' no chiwo xajmb'alil. A 'a lum Bosra 'oj sb'o Jehová junc xajmb'al, caw niwn eb' 'aj Edom 'oj chamoc.

Is 34:7

A eb' syajlil eb', caw wal 'ay smay eb' 'icha no simron wacax, no quelm wacax, yet' no mam wacx caw ow; palta junn̈j 'oj 'aj eb' scham yet' eb' comn 'anma'. Caw 'oj macchjoc 'el sat slum eb' yet' schiq'uil, 'oj 'atcn xepual eb' 'a scal spoccal lum lu'um.

Is 56:9

Tzyaln Dios 'ixtic: E masnil ex chuc chon̈b'al, cotn̈ec milwjoc, wul satc 'el eb' in chon̈b' tic 'icha tzyac' no chiwjum noc', mto no calte'al noc' yet' no calnelu,

Jeremías 12:9

A jun in chon̈b' tic, lajn 'icha junc no c'uc'm chuc yilxi, to tzma'x cham yuj jun tzo'n̈ xo yit c'uc'mal. Cot cab' smasnil no calte'al noc', wul schi cab' no jac yico'.

Jeremías 25:33

A wal eb' 'oj cham yuj Jehová 'a jun c'ul cha, b'ulctac 'oj 'ajcn sniwnal eb' chi 'a smasnil yolyib'n̈q'uinal. May mach 'oj 'oc' yuj eb', may pax mach 'oj molb'tzanc sniwnal eb' yic tzmucx eb', 'oj can tzicn sniwnal eb' chi 'a sat lum 'icha stza no noc'.

Jeremías 46:10

Palta atn jun c'u tic wic an Jehová in, tztac' wuj smasnil. A wal 'a jun c'u tic 'oj in pac in b'a 'a eb' 'ajc'ojl yajch 'ayin. A q'uen espada 'oj 'a'nc lajwc eb' smasnil, masnto 'oj pimb'oc 'el q'uen yet' chic', yujto caw niwn eb' soldado 'oj in mil cham 'a stojlal norte 'a stz'ey a niwn a Éufrates.

Ez 29:5

'Oj in julcn 'at 'a lum cusltac lum yet' e no chay tzq'uet 'a yol a cha, man̈x 'a mach 'oj si'n cha'an̈, may mach 'oj mucnoc. 'Oj wac' schib'joc no calte'al noc' yet' e no 'usej.

Ez 39:16

'Ixta wal 'oj 'aj sb'ox can lum lum cha, xchi Dios 'ayin. (An̈jtona', 'a 'a sla'nil lum pan̈ cha 'ay pax jun chon̈ab', 'oj 'ajxoc can sb'ioc. Lum Yic Eb' Soldado).

Ez 39:4

'Oj lajwc cha, ax ach wa'n 'a yol sc'ab' chaml yet' eb' a soldado yet' pax smasnil eb' yic jun tzo'n̈ xo nacion̈ ajun et'oc. 'Oj a chamcn yet' eb' 'a lum jolmctac witz cha, ax no 'usej yet' smasnil e no calte'al noc' 'oj a chin yet' eb'.

Sofonías 1:7

Sictac tzex 'aj 'a wojltac an Jehová Yajl in tic, yujto jab'xoj sjaw jun c'u yic 'oj wa'nc yowl in c'ojol. Tox 'ix wac' lista jun tzo'n̈ xajmb'al. Tox 'ix in si'l pax eb' 'awtb'il cot wac wet'oc.

Mt 24:28

'Icha pax 'aj tzcheclj sniwnal junc no chamnc noc', yujto ata tzyam sb'a no 'usej, 'ixta 'oj 'ajoc.

A Ch'an̈ B'ab'el Libro Samuel 16:3

Tzlajw cha, tzawtn Isaí yet' eb' yunnal wul schi no xajmb'al chi et'oc. An xo 'oj wal 'ayach tas 'oj a b'o'. A junc mach 'oj in ch'ox 'ayach, a tzac' q'ue aceite 'a sjolom, yic tza si'n can 'och reyal, xchi Dios.

A Ch'an̈ B'ab'el Libro Samuel 17:46

A ticnec a Jehová 'oj a'n 'och 'a yol in c'ab', 'oj ach in mila', 'oj in tzu'l a jolom, ax wa'n a niwnal chi yet' yic eb' a soldado schi no 'usej, yet' e no chiwjum noc'. 'Ixta 'oj yutc yojcan 'el smasnil eb' 'anma 'a yolyib'n̈q'uinl tic, chajtlto 'ay jun qui Diosal an̈ israel on̈ tic on̈.

A Ch'an̈ B'ab'el Libro Samuel 9:13

'Ixquec muc'uc, sec 'oj 'ilchjoc eyu'uj ya' sb'a mantzac 'at wac 'a lum tzaln yic 'emmquilal cha. At yic 'oj c'ochoc, ax yaln swach' paxti 'a yib'n̈ jun xajmb'al cha, 'ixta to b'i'an, ax swa eb' 'anma chi smasnil yet' eb' 'awtb'il 'a jun yamnil cha. 'At sayc eyila', colb'ilto 'oj 'ilchjoc eyu'uj, xchi eb' 'ix.