Ez 38:9 - Chuj San Sebastian Bible

⁹ 'Icha wal junc niwquil q'uic' 'asn 'aych yalil, 'aych pax yic'al, 'ixta wal 'oj aj a c'och 'a jun nacion̈ cha, ax oyn jun chon̈b' chi yet' eb' a soldado, yet' pax smasnil 'anma ajun et'oc.

Chuj San Mateo Bible

⁹ Icha val junoc q'uic' asun ol aj a c'och d'a jun chon̈ab' chi' yed' juntzan̈xo nación ayoch ed'oc. Ol ach c'och yed' masanil eb' a soldado man̈xo b'ischajb'enoc, icha val junoc nivan yaxn̈ab'.

Ez 38:9 ပူးပေါင်းရင်းမြစ်များ

Is 25:4

Yujto cojn 'aych 'aj tztac' scoln sb'a eb' meb'a', colwjum aj 'a eb' 'ay scusc'ojlal yuj tas 'ay sc'a'l tz'och yu'uj. A eb' 'anma may sniwnc'ojlal, lajn eb' 'icha yaxn̈ab' 'aych yic'al, lajn pax eb' 'icha yowl sma'wj yoc c'u. Palta ach tzon̈ a col 'a eb' on̈.

Is 28:2

'Ay jun winc sic'b'il 'el yuj Jehová, a jun cha caw wal 'ay yip, caw jeln 'a owal. 'Oj jawc yet' yip 'icha tz'aj sjaw yaxn̈ab' yet' sacb'atil, 'icha pax tz'aj sjaw chacxuxm'ic' yic tzyutz'n telwc smasnil tas, 'icha pax yic tzya'n yowl a b'eymal a sb'eyi. Yuj wal yip cha, ax slan̈chj can 'ejm Samaria smasnil.

Is 5:28

A eb' soldado cha, caw jay yaj sn̈icn eb' ye sjul-lab', jalb'ilx teln sjul-lab' eb' chi yu'uj. A yech no schej eb' cha, lajn wal yilx 'icha q'uen suy q'ue'en, ax scaruaje eb', caw jeln sb'ey 'icha chacxuxm'ic'.

Jeremías 4:13

'Ix yaln pax Jehová 'ixtic: 'Iltec wal scot eb' 'ajc'ojol, lajn wal scot eb' 'icha junc 'asun. A wal scaruaje eb', lajn sb'ey 'icha junc chacxuxm 'ic'. 'Ec'b'al sb'ey schej eb' 'a no salt'iw. Alc 'ixtic: ¡'Oltacn̈ec wal an̈ec tic, caw wal 'oj qui satc 'eli! xe chi.

Ez 30:18

A yic 'oj in satnc 'el Egipto yet' sjelnal, atn b'an̈quintaquil, 'oj 'och q'uic'q'uinl 'a c'u, ax stup yoc c'u 'a chon̈b' Tafnes, 'oj q'uic'b'oc 'el smasnil yol yic Egipto yuj jun 'asn 'oj 'och 'a yib'an̈, ax yijx 'at smasnil 'anma 'icha presoal yuj eb' 'ajc'ojl cha.

Ez 38:16

'Oj cob' ac' owl yet'oc, caw 'oj och oyn 'a in chon̈ab', 'icha tzyac' 'asn tz'och oyn 'a lum jolmctac witz. A 'a jun tiempoal cha, 'oj ach wi' cot 'a sat in lum cha, sec 'oj yil jun tzo'n̈ xo nacion̈ tas 'oj ach wutc ach in satn 'eli, ax yojcan 'el eb' to cojn in ton Dios in.

Dn 11:40

A yic 'oj c'och jun slajb' tiempoal cha, 'oj 'at win rey 'ay 'a sur yac' owl yet' jun rey 'ay 'a norte. Ax jun rey 'ay 'a norte cha, 'oj 'eltoc yac' owl yet' winac. Yet' wal smasnil yip ax yelt yet' scaruaje yic owal, yet' eb' soldado 'ay q'ue 'a yib'n̈ chej, caw niwn pax te barco 'oj cot yet'oc. 'Oj b'ut'joc 'el jun tzo'n̈ chon̈b' yu'uj, 'icha wal yel 'a 'elmal a', 'ixta 'oj 'aj yeq'ui.

Jl 2:2

A 'a jun c'u cha, caw q'uic'q'uinl 'oj 'ajoc. 'Oj 'och q'ui'l 'asun, yuj cha, 'oj 'och wewen. A wal no c'ulub', lajn wal no 'icha eb' soldado caw niwn sb'isul. Caw b'essi sb'ey e no 'icha wal sb'ey b'essoc wewen, masnto tzmacchj 'el lum jolmctac witz yu'uj. Mant 'a 'aj ujnc jun tic jun 'ejmoc 'a yic yaln̈taxi, man̈x 'a pax b'a'n̈ 'oj 'ujc jun 'ejm xo.

Apoc 20:9

A yic 'oj 'at eb' yac' owal, caw 'oj macchjoc 'el sat yolyib'n̈q'uinl yuj eb'. 'Oj c'och oynjoc eb' 'a jun slugar eb' yic xo Dios macb'ilx yu'uj, atn jun chon̈b' chamc'ojlb'ilx yu'uj. Ax Dios 'oj 'anc 'emt c'ac' 'a satcha'an̈, ax yejm 'a yib'n̈ eb' soldado cha. C'uxn 'oj tz'a eb' smasnil.