Ez 38:4 - Chuj San Sebastian Bible

⁴ 'Oj wa'ch junc q'uen 'icha ch'oc 'a yaln̈ a ti', ax ach in to'n meltzjoc. 'Oj ach wi' cot 'a tic yet' smasnil eb' a soldado 'ay q'ue 'a yib'n̈ chej, eb' to yet'n̈j syamc'ab' yic owal, eb' soldado yet' yespada, eb' 'et'jnac syamc'ab' tzmacn sat jul-lab', yet' pax smasnil jun tzo'n̈ xo yamc'ab' yic owal.

Chuj San Mateo Bible

⁴ Ichato ol vac'och junoc q'uen gancho d'a yalan̈ a ti', ol ach vic'an meltzajoc. Ol ach vic'ancot d'a tic yed' masanil eb' a soldado ayq'ue d'a yib'an̈ chej, eb' yed'nac yespada, eb' ed'jinac smaclab' jul-lab' yed' masanil juntzan̈xo yamc'ab' yic oval.

Ez 38:4 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 19:28

Yujto a 'ayn ach owx 'ochi, caw ch'an 'ix otj a b'a, yuj cha, 'icha to 'oj wa'ch jun argolla 'a a n̈i', yet' jun freno 'a a ti', ax ach wa'n meltzjc 'a a b'e 'aj ach coti, xchi Dios, xchi Isaías.

1 Cr 12:8

An̈jtona yet' pax jun tzo'n̈ eb' yin̈tl Gad, 'ix ya'ch sb'a eb' yet' David yic 'ayc' 'a q'uen n̈aq'uen 'a lum cusltac lu'um. Caw jeln eb', cuywnac eb' ya'n owal, yet' eb' smaclab' sat jul-lab', yet' pax eb' slanza. Owltac yilx sat eb' 'icha no león, caw jeln sb'ey eb' 'icha no c'ultquil chej 'a jolmctac witz.

2 Cr 25:5

Xya'n Amasías chi syam sb'a smasnil eb' winc yic yin̈tl Judá, yet' eb' yic yin̈tl Benjamín, eb' junc'l ab'il sq'uinal yet' 'a yojltac. 'Ix 'ajx syam sb'a junjn macn̈ eb', a tzyal yin̈til eb'. X'ajx 'och eb' yajl 'a yib'n̈ junjn mil yet' 'a yib'n̈ junjn ciente. A x'aj sb'isl eb', 'ay 'oxe ciente mil eb' soldado lista yaj s'at 'a owal, tztac' sc'anlb'an eb' lanza yet' smacl sat jul-lab'.

Is 37:29

Yujto a 'ayn ach owx 'ochi, caw ch'an 'ix otj a b'a, yuj cha, 'icha to 'oj wa'ch jun argoya 'a a n̈i', yet' jun freno 'a a ti', ax ach wa'n meltzjc 'a a b'e 'aj ach coti, xchi Dios, xchi Isaías.

Is 43:17

'Ix yac' 'eltoc jun b'uln̈ eb' soldado, yet' eb' scaruaje, yet' pax eb' schej, palta 'ix satl eb' yu'uj. 'Ix telw can 'ejm eb', man̈x 'ic stac' sq'uex wan eb', 'ix satl eb' 'icha tz'aj stup sc'a'l junc cantil.

Jeremías 46:9

Ex 'aj Egipto, 'a'c 'ip e 'at yet' e chej, 'ijec 'at jun tzo'n̈ e caruaje. 'At cab' jun tzo'n̈ eb' soldado 'aj Etiopía eyet'oc, yet' eb' 'aj Libia, yi' cab' eb' syamc'ab' tzmacn sat jul-lab'. 'At cab' pax eb' soldado 'aj Lidia, yujto caw jeln eb' sjulwji.

Ez 23:12

An̈jtona', xya'ch sb'a 'ix 'a yol sc'ab' eb' 'aj Asiria cha, caw wach' yilx eb' yet' spichul. 'Ay eb' gobernador, 'ay scapitan̈il eb' soldado, 'a'm owl eb' smasnil, nib'jub'tac pax yilx eb', 'ay q'ue eb' 'a yib'n̈ chej smasnil.

Ez 29:4

An 'oj wa'ch q'uen lucb' 'a yol sti', ax no chay 'a yojl a a 'aj b'aln 'ec' cha, 'oj 'och tzayn e no 'a solcal. Ax in to'n q'uet 'a yojl a a chi yet' e no chay cha.

Ez 38:15

'Oj a cot 'a a lugar caw najat, atn 'a stojlal norte, caw niwn a soldado, til wal eb' 'ay q'ue 'a yib'n̈ chej, man̈x yalnb'ilc 'anma ajun et'oc.

Ez 38:3

Al 'a winac, chajtlto an Jehová in, an tzwal 'ixtic: Ach Gog, sat yajl aj 'a Mesec yet' 'a Tubal, palta an tzwala, to 'ajc'ojl xo wajch 'ayach.

Ez 39:2

'Oj ach wi' cot 'a stojlal norte, c'ojnc'ojnil 'oj aj a coti, ax a jaw wuj 'a eb' lum jolmctac witz 'a yol yic Israel.

Ez 39:20

'Oj lajwc cha, ax wa'n b'o jun niwn wa'el. 'Oj wac' b'o schib'jal e no schej, yet' schib'jal eb' soldado 'ay q'ue 'a yib'n̈ no', yet' pax yic eb' syajlil jun tzo'n̈ xo chon̈ab', sec 'oj wa e no si'mb'il, caw 'oj b'ut'joc e no'. An Jehová in, an tzwala.

Dn 11:40

A yic 'oj c'och jun slajb' tiempoal cha, 'oj 'at win rey 'ay 'a sur yac' owl yet' jun rey 'ay 'a norte. Ax jun rey 'ay 'a norte cha, 'oj 'eltoc yac' owl yet' winac. Yet' wal smasnil yip ax yelt yet' scaruaje yic owal, yet' eb' soldado 'ay q'ue 'a yib'n̈ chej, caw niwn pax te barco 'oj cot yet'oc. 'Oj b'ut'joc 'el jun tzo'n̈ chon̈b' yu'uj, 'icha wal yel 'a 'elmal a', 'ixta 'oj 'aj yeq'ui.

Am 4:2

A Jehová Cajlil, sloc sb'i yic ya'n can sti 'ixtic: 'Ay wal jun c'u 'oj jawoc, 'oj locxoc 'och jun tzo'n̈ q'uen q'uen 'ayex, ax e jucxb'eyoc, ax eb' eyune', 'oj locxoc 'och q'uen niwc luc'b' 'a eb', ax sjucx 'at pax eb' 'a najat.