Ez 38:19 - Chuj San Sebastian Bible

¹⁹ Yuj cha, ax wa'n cot jun niwquil quixcab' 'a in chon̈b' cha.

Chuj San Mateo Bible

¹⁹ Yuj val yoval in c'ol chi', ay val nivan quixcab' te ov ol ec' d'a Israel chi'.

Ez 38:19 ပူးပေါင်းရင်းမြစ်များ

Salmos 18:7

Xlajw cha, 'ix 'ec' jun niwquil quixcab' caw ow, c'uxn xlaj 'ib'x smasnil sb'achnub'al yich eb' lum niwc witz, 'ix cham wal stzicb'tan̈x yuj yowl a c'ojol.

Salmos 18:8

'Icha to 'ix 'elt tab' 'a yol a n̈i', ax 'a yol a ti 'ix 'elt c'ac' yic tza satn 'el smasnil tas. 'Ix 'elt jupljoc stzac'ac' 'a yol a ti cha.

Salmos 79:5

Mamin Jehová, ¿b'a'n̈ to wal tz'ec' yowl a c'ojl 'a quib'n̈ on̈? ¿Tom an̈ja caw c'ac' a c'ojl 'a quib'n̈ 'icha te c'ac' an̈ja chac sc'aq'uil?

Is 42:13

'Oj 'eltc Jehová yet' yowl sc'ojol, 'icha junc 'a'm owl tzq'ue yaw ya'n owal, ax yejm eb' 'ajc'ojl chi yu'uj.

Is 42:15

'Oj in satcn 'el eb' lum witz yet' eb' lum tzalan. 'Oj in satl smasnil te te', 'oj wa' tup chan̈ eb' a niwc a tzb'eyi, ax yochcn cusltac lumal. 'Oj wac' tupchan̈ eb' a niwc pama'.

Ez 36:5

Yuj cha, yet' wal yowl in c'ojol, tzwaln 'ixtc 'a yib'n̈ chon̈b' Edom yet' 'a yib'n̈ jun tzo'n̈ xo nacion̈, yujto caw xcob' tzaljoc jun tzo'n̈ nacion̈ chi smacn 'ec' lum in lum tic yico'oc, yuj schichnc'ojlal eb' xyi'n can 'ec' eb' lu'um, xchi Dios.

Ez 36:6

Xlajw cha, xyaln pax Jehová 'ixtic: An tzwal 'ayx ex israel to 'aycn e lum 'a lum jolmctac witz, 'a lum tzalctac, 'a lum stitc a', 'a lum niwc pan̈an. An tzwala to caw 'ay yowl in c'ojl 'a yib'n̈ jun tzo'n̈ nacion̈ chi eyu'uj, yujto tzex yixtj eb', tzex laj sb'uch eb'.

Ez 39:25

Palta ax ticnec, an Jehová Yajl in, an tzwal 'ixtic: Caw wal tz'o'x 'och in c'ojl 'a eb' israel, atn eb' yin̈tl can Jacob. 'Oj wa'x in wach'c'ojlal 'a eb' jun 'ejm xo, yic tz'ijx chan̈ in b'i.

Ez 39:6

'Oj wa' cot c'ac' 'a yib'n̈ a nacion̈, atn Magog yet' 'a yib'n̈ eb' chon̈b' tzaljc'ojlal yajc 'a sti a mar. 'Ixta 'oj 'aj yojcan 'el eb' chon̈b' cha, to an Jehová in, to cojn in ton Dios in.

Ez 5:13

'Ixta wal 'oj wutc wa'n cot yowl in c'ojl 'a yib'n̈ eb'; 'ixta to b'i'an, ax sb'o in c'ojol. 'Oj yojcoc 'el eb', to yet' sc'a'l in c'ojl an Jehová in tic, 'ix waln jun tzo'n̈ paxti tic.

Jl 2:18

'Oj lajwc cha, ax sch'oxn Jehová schamc'ojlal 'ayn̈ec an̈ schon̈b' on̈c tic, caw 'oj 'o'ch pax sc'ojl 'ayn̈ec,

Jl 3:16

'Icha wal sc'an̈ c'u, 'ixta wal 'oj 'ab'xoc in jaj an Jehová in 'a lum tzaln Sión 'a Jerusalén. Ax satcha'an̈ yet' lum lum tic, caw 'oj 'ib'xoc eb'. Palta an 'oj in colcn eb' in chon̈ab', atn eb' israel.

Nahúm 1:2

A Jehová Dios toni, tzyac' spac yet' yowl sc'ojl 'a eb' tz'i'n 'ec' tas to smacl Jehová yaji. Tzpac sb'a pax 'a eb' tz'och 'ajc'ojlal 'a 'a, caw tzcot pax yowl 'a eb'.

Zacarías 1:14

Wal 'a yajn̈ej 'ix yaln jun ángel chi 'ayin, tas jun tzo'n̈ spaxti Jehová tztac' yuj smasnil, a 'ix aln 'ixtic: Caw wal tzin chamc'ojlej Jerusalén simb'il yet' tzaln Sión.

Dt 29:20

A Jehová man̈x 'oj yac' niwnc'ojlal, palta tojl xoj ya'n cot yowl sc'ojl 'a yib'n̈ jun 'anma cha. A smasnil yowl sc'ojl Dios alb'il can 'a yojl ch'an̈ un̈ tic, a 'oj jawc 'a yib'an̈, ax satn 'el yin̈tl jun 'anma chi 'a sat lum lum cha.

Dt 32:22

A wal yowl in c'ojol, 'ix n̈ilchjchan̈ 'icha junc c'ac' tz'at 'a yol lu'um. Smasnil tas 'ay 'a sat lum lum tic, tz'a smasnil yet' lu'um, caw wal tzxexni yilx sn̈ilchj c'ac' 'a yich lum niwc witz.

A Ch'an̈ Carta D'a Eb' Hebreo 12:26

A 'a pecti cha, yic spaxtini, caw 'ib'xnac sat lum tic yuj yol sjaj. Palta ax ticnec, tzyal 'ixtic: A 'a jun 'ejm xo, man̈ cojnoc sat lum 'oj wac' 'ib'xoc. An̈jtona', 'oj wac' 'ib'xoc pax satcha'an̈, xchi.

A Ch'an̈ Carta D'a Eb' Hebreo 12:29

yujto a qui Diosalec, lajn 'icha junc c'ac', caw tzlajw stz'a smasnil tas yu'uj.

Apoc 11:13

At wal cha, ax yec' jun quixcab'. Caw ow 'oj 'ec'oc. Til wal n̈a 'oj laj lan̈chjoc 'ejm 'a jun niwquil chon̈b' cha. A 'a junjn lajlajn̈e n̈ail, junjn 'oj laj lan̈chjoc 'a 'a. Uque mil 'anma 'oj cham yu'uj. Ax jun tzo'n̈ xo eb' 'anma', caw 'oj xiw chan̈ eb'. Ax laj yalnc eb', chajtlto caw niwn yel'ch Dios 'a satcha'an̈.

Apoc 16:18

Yajn̈j wal cha, x'ec' jun tzo'n̈ raya. 'Ix laj c'an̈ c'u. 'Ay pax jun tzo'n̈ xo tas xlaj c'an̈i. 'Ix 'ec' wal jun niwquil quixcab'. Yictax mant 'a 'anma 'a yolyib'n̈q'uinal, mant xon junc quixcab' 'e'nc 'icha jun cha.

Apoc 16:20

Smasnil jun tzo'n̈ lum lum checl 'a snan̈l a mar, yet' smasnil lum witz, c'uxn 'ix sat 'ejmi.