Ez 38:13 - Chuj San Sebastian Bible

¹³ Ax eb' 'anma yic chon̈b' Sabá, eb' yic Dedán yet' eb' chon̈wjum yic chon̈b' Tarsis yet' jun tzo'n̈ xo eb' 'a junc xo chon̈b'al, 'oj sc'anb'nc eb' 'aych 'ixtic: ¿Tom achn̈ej tzwul ec' tas 'ay 'a eb' 'anma tic, yuj cha, xa molb'tzan eb' a soldado tic yet' smasnil 'anma ajun et'oc, yic tzwul elc'noc q'uen plata, q'uen oro, no cajb'en noc' yet' jun tzo'n̈ xo tas yic tzach 'och ricoal yu'uj? 'oj schic eb', xchi Dios, xa chi 'a 'a.

Chuj San Mateo Bible

¹³ A eb' aj Sabá, eb' aj Dedán yed' eb' chon̈vajum scot d'a Tarsis, ol sc'anb'ej eb' d'ayach icha tic: ¿Tom tzach javi elc'al? ¿Tom ix a molb'ej eb' a soldado tic tzach javi yed' eb' yic tzul ic'anec' q'uen plata, q'uen oro, noc' molb'etzal noc'? xcham eb', xchi Jehová, xa chi d'a vin̈.

Ez 38:13 ပူးပေါင်းရင်းမြစ်များ

Salmos 57:4

Oyn 'och eb' 'ajc'ojl 'ayn 'icha no león tzchin eb' 'anma'. Lajn wal ye eb' 'icha q'uen lanza, lajn pax yet' jun tzo'n̈ jul-lab'; a spaxti eb', lajn yet' q'uen espada caw jay ye.

Is 10:6

A win tzin checb't mu'c 'a junc nacion̈ may wel'ch 'a sat, atn 'a eb' chon̈b' tzuntzj cot wowal, tzya'n owl yet' junc nacion̈ cha, tzyi'n can 'ec' tas 'ay 'a eb' 'anma', tzte'n can 'ejm junc nacion̈ chi 'icha ste'x can 'ejm lum b'i'ch 'a yol caye.

Is 33:23

Ax ticnec, a qui chon̈ab' lajn xoj 'icha junc barco matz tac' sto'x n̈ac'wc jun tzo'n̈ smantiadoil 'a yoyal, may 'aj 'oj yic' yip jun tzo'n̈ sch'an̈l cha. Palta 'ay jun c'ual, 'oj qui'c can 'ec' smasnil tas 'ay 'a eb' 'ajc'ojl cha, ax qui pojnec 'eq'ui, 'oj locchjoc c'och to eb' coxo yi'n yico'.

Jeremías 15:13

Yuj smasnil e mul, yuj cha, ax wa'n e ricoal 'a eb' 'ajc'ojl yajch 'ayex. A smasnil tas 'ay 'a sat e lum tic, ton̈j 'oj yi'c eb' 'ayx 'a nab'an̈ej.

Jeremías 50:17

'Ix yaln pax Jehová 'ixtic: 'Icha no calnelu satnc can 'ati, pechb'il no yuj no león, 'ixta yaj eb' israel. B'ab'el 'emnc eb' yuj win sreyl Asiria. Xlajw cha, ax Nabucodonosor sreyl Babilonia, a 'ix wach' satn 'el eb'.

Jeremías 51:38

'Oj 'el yaw eb' 'aj Babilonia 'icha no león, 'oj 'el yaw pax eb' 'icha no cotc león.

Ez 25:13

Yuj cha, an Yajl in tic, an tzwal 'ixtic: 'Oj wi' chan̈ in c'ab', ax wa'n 'och yailal 'a yib'n̈ eb' 'aj Edom. 'Oj in satl smasnil 'anma yet' no noc'. 'Oj 'el yich slajw 'el eb' 'a Temán masnto 'oj c'och 'a Dedán. 'Oj cham eb' 'anma chi yuj owal.

Ez 27:12

Til wal tas 'ay 'ayach, yuj cha, a eb' 'aj Tarsis tzwulc' eb' manwjoc 'ayach, ax q'uen plata, q'uen hierro, q'uen estaño yet' q'uen plomo, a chi tzya'cn eb' stojloc tas tzmana.

Ez 27:15

A eb' 'aj Rodas yet' eb' cajn 'a jun tzo'n̈ xo chon̈b' 'ay 'a sti a mar, tzwulc' eb' manwjoc 'ayach, ax q'uen marfil yet' ébano, a tzya'cn eb' stojloc tas tzman cha.

Ez 27:20

At 'a Debán, atta tzyij cot eb' jun tzo'n̈ posmtac tzq'ue 'a sat no xila tz'u'um.

Ez 27:25

A eb' te niwc barco yic Tarsis, a eb' te tz'i'n cot chon̈, tzyi'n pax 'at eb' te'. Ach chon̈b' Tiro, lajn ach wal 'icha junc te barco caw 'al yaj yet' yicatz, 'ayc' 'a snan̈l a mar.

Ez 32:2

Ach 'anma', a ticnec b'itnej jun b'it yic chaml tic 'ixtc 'a yib'n̈ win sreyl Egipto: Ach faraón, lajn ach 'icha junc no quelm león 'ay 'a scal jun tzo'n̈ xo nacion̈; lajn ach pax 'icha junc no niwquil noc' 'ay 'a yojl a mar; tzach b'alb'n 'ec' 'a yojl eb' a b'eymal a', ax oc tzma'n tatb'oc a'.

Jl 3:8

An Jehová in, an tzwala, to 'oj wa'ch eb' eyunnal yet' eb' eyisl 'a yol sc'ab' eb' 'aj Judá. Ax eb' 'oj chon̈nc can 'at eb' 'a eb' sabeo cajn 'a caw najat.

Zacarías 11:3

Ax xo ex 'ilm calnelu, 'el cab' wec'c'oc eyaw eyoq'ui, yujto tox 'ix lajw 'ejm te c'ultac. Checl yel yaw no león 'a sti a Jordán, yujto tox 'ix lajw 'ejm lum waymtac.