Ez 37:5 - Chuj San Sebastian Bible

⁵ Al 'a eb' to an Jehová Yajl in, an tzwal 'ixtc 'a eb': A ticnec, 'oj wa'x 'och eyic', ax e pitzw paxi.

Chuj San Mateo Bible

⁵ Al d'a eb' to a in Jehová Yajal in sval icha tic: Ol vac'xioch eyic' yic tzex pitzvixi.

Ez 37:5 ပူးပေါင်းရင်းမြစ်များ

Gn 2:7

'Ix sb'on Dios jun 'anma'. A yet' spoccal lum lum 'ix b'o'i. 'Ix yutz'n 'och Dios yic' 'a sn̈i', 'ixta wal x'aj yel yich spitzw 'el 'anma'.

Is 26:19

Palta ax eb' chamnac, eb' to ec yaji, 'oj pitzwc pax eb'. A eb' 'icha ton̈j waynac, 'oj 'el swayn̈ eb' cha, ax sq'ue 'awjoc eb' 'a tzaljc'ojlal. 'Icha wal tz'aj sq'uel junc 'awb'en yuj chicb'chan̈ tz'ejm 'a yib'an̈, 'ixta wal 'oj otc a'n cot a sacq'uinlal 'a yib'n̈ eb' chamnac, yic 'oj q'uex wan eb' 'a 'aj mucan.

Ez 37:14

An tzwala, to 'oj wa'x 'och Wespíritu 'ayex, 'icha to 'oj e pitzw paxi; ax wa'n e cajx e lum chi jun 'ejm xo. 'Ixta to b'i'an, ax eyojcan 'eli to a tas 'aj tzwa'cn in ti an Jehová in, yowlal tzwac' 'el'choc, xchi Dios.

Jn 20:22

Xlajw yaln jun tzo'n̈ tic, 'ix yutz'n 'at yic' 'a yib'n̈ eb'. 'Ix yaln 'ixtic: —Chajec can Yespíritu Dios.

Ro 8:2

A Yespíritu Dios a tz'a'n qui q'uinlec 'a jun 'ejmn̈ej, yujto junxn̈ej cajc yet' Cristo Jesús. Yuj spoder Yespíritu, on̈ colchjec 'elt 'a yol sc'ab' maysch'olnil, yet' 'a yol sc'ab' chamel.

Ef 2:5

Yuj cha, wach'xam chamnc on̈c 'a sat yuj qui maysch'olnilal, palta xyac' qui q'uinlec yet' Cristo. Yuj wal swach'c'ojlal Dios tzon̈ colchjec.

Apoc 11:11

Palta ax 'a yic 'oj lajw nan̈l schan̈l c'u xcham eb', ax Dios 'oj 'a'nc pitzwc pax eb', 'oj sq'uex wan eb'. Ax jantcn̈ej eb' 'oj 'ilnc eb', caw 'oj xiw eb' si'mb'il.