Ez 37:28 - Chuj San Sebastian Bible

²⁸ A yic 'oj can jun watut chi 'a e cal 'a jun 'ejmn̈ej, atta 'oj nachjoc 'el yuj jun tzo'n̈ xo nacion̈ to sic'b'ilx 'el wuj wico'oc, xchi Dios.

Chuj San Mateo Bible

²⁸ Ol aj in templo chi' d'a e cal d'a juneln̈ej, axo masanil juntzan̈xo nación ol nachajel yuj eb' to sic'b'il ex el vuuj yic tzex ochcan vicoc, xchi Jehová, xa chi d'a eb'.

Ez 37:28 ပူးပေါင်းရင်းမြစ်များ

Salmos 102:15

Smasnil lum nacion̈ yet' eb' rey 'ay 'a sat lum lum tic, 'oj xiw chan̈ eb', ax yi'n chan̈ eb' a b'i Mamin Jehová.

Salmos 126:2

Xlajw cha, 'ix ca'nec wal qui gana qui tzewji, 'ix 'el wal cawc qui b'itnec yuj tzaljc'ojlal; ax eb' chuc chon̈b'al, xlaj yal eb' 'ixtic: A Jehová, caw niwn swach'c'ojlal xyac' 'a eb', xchi eb'.

Salmos 79:10

Toto ma'ay, 'oj yal eb' chuc chon̈b'al chi 'ixtic: ¿'Ajtil 'ay e Diosal cha? 'oj schic eb'. Comnoc wal tzac' quil on̈ tas wal tzotj a'n spac schamlil eb' a checab'. Ax eb' chuc chon̈b'al cha, 'oj yab' eb' yab'xil jun cha.

Ex 15:17

'Ij on̈ 'at 'a lum jolmctac witz to ecn̈ej yaji, jun lugar to ach si'jnac can 'eli yic tzach 'aj cajn ta.

Ex 25:8

Tze b'on junc in cajnub', sec wach' tzin can cajn 'a e cal.

Ex 31:13

Al 'a smasnil eb' et israelal to yowlal tzyiclj eb' sc'ul 'iljelal, yujto a jun c'u cha, wic yaji. A jun cha, a 'aycn 'och sch'oxnb'ilc in trato eyet' 'a smasnil tiempo, sec wach' tzeyojquej 'eli, to an Jehová in tic, an ex in si'cn 'och wico'oc.

Is 30:19

Ex 'aj Sión, ex to cajn ex 'ec' 'a Jerusalén, man̈ ex 'oc'oc, a Jehová 'oj 'o'ch sc'ojl 'ayex yic tzyab'n yel eyaw, 'oj ta'wc 'ayx muc'uc.

Ez 20:12

'Ix waln 'a eb' to tzyiclj eb' sc'ul 'iljelal yic tzcheclj 'eli to wic eb', to 'ay in trato yet' eb'. An Jehová in, an si'jnac 'el eb'.

Ez 36:23

E mul eyujoc in sb'uchn jun tzo'n̈ nacion̈ cha, palta a yic 'oj in b'onc 'icha tas nab'il wuj 'a eyib'an̈, ata 'oj in ch'ox wal yil eb' nacion̈ cha, to caw niwn wel'chi, ax yojcan 'el eb', to an Jehová in, cojn in ton Dios in.

Ez 36:36

A jun tzo'n̈ nacion̈ cannc can 'a stz'ey eyic cha, 'oj yojcoc 'el eb', to an tzin b'ox chan̈ tas satnc can 'eli, 'icha to tzwawj pax tas toc'b'il cha'an̈. An Jehová in, yowlal 'oj wac' 'el'choc jun tzo'n̈ tzwalcn tic.

Ez 38:1

'Ix yaln pax Jehová 'ayn 'ixtic:

Ez 38:23

'Ixta wal 'oj wutc in ch'oxn in poder yet' in jelnal 'a sat jun tzo'n̈ nacion̈ 'oj 'ilnoc jun cha. 'Ixta to b'i'an, ax yojcan 'el eb' to an Jehová in, to cojn in ton Dios in, xchi Dios.

Ez 39:23

Ax jun tzo'n̈ chuc nacion̈al cha, 'oj yojcoc 'el eb' to yuj stenmtacl eb' israel, 'ix 'ijx 'at eb' 'icha presoal 'a junc xo lugar. Yujto man̈ yiclumoc xyutj sb'a eb' 'ayin, yuj cha, xwi'n 'el in sat 'a eb', xwa'n 'ajxc ganar eb' yuj eb' 'ajc'ojl cha, til wal eb' xcham yuj owal.

Ez 39:7

'Ixta 'oj wutc in ch'oxn in poder 'a eb' in chon̈ab', sec man̈x b'a'n̈ 'oj b'uchxoc eb'. Ax jun tzo'n̈ xo nacion̈, 'oj yojcoc 'el eb', to an Jehová in, to cojn in ton Dios in, sDiosal in Israel.

Ez 43:7

xyaln 'ayn 'ixtic: Ach 'anma', atn wal jun lugar tic 'aj 'ay in despacho. Atn 'a tic 'oj in can cajn 'a e cal ax israel ex tic 'a jun 'ejmn̈ej. Man̈x b'a'n̈ 'oj spatquilc can 'el eb' et chon̈b' chi in b'i, man̈x 'oj ya'ch eb' smul sb'on chan̈ munamento 'a yib'n̈ yet'l eb' xi'lb'a 'a stz'ey watut, atn 'aj tzmucx eb' sreyl eb'.

Ez 48:35

A yechl jun muro chi 'a smasnil, jun oyn 'och 'a spatc 'el jun chon̈b' cha, b'aln̈e mil metro. Ax sb'i jun chon̈b' cha: Scajnub' Jehová, 'ixta 'oj sb'ioc, xchi Dios 'ayin, xchi Ezequiel.

Lv 20:8

A wal in ley tze b'eylb'ej, tzeyiclni paxi, yujto an Jehová in tic, an tzex wij 'och wico'oc.

Lv 21:8

'Ay cab' sjelpal eb' 'a e sat, yujto a eb' tz'a'n 'och 'ixm pan ofrendail 'a wojltac. Yuj cha, chuc cab' yel eb' 'a e sat, yujto an Jehová in tic, caw wach'nn̈ej, an xin si'cn 'el eb' sec caw wach' tz'ajcn eb'.

Lv 26:11

'Oj in cann̈j eyet'oc, ma'oj ex in patquilc can 'eli.

Sofonías 3:15

A Jehová, tox 'ix yij 'el yowl sc'ojl 'aych 'a eyib'an̈, tox 'ix spatquilj can 'el eb' 'ajc'ojl yajch 'ayex. A Jehová qui Reyal, a 'ayc' eyet'oc. Man̈x 'a 'aj 'oj e xiwi.

Mt 23:17

Ax tic caw may e nab'en, 'icha to matz uj eyiln jab'oc. ¿'Aja jun yel xo 'ay yel'ch tze na'a? ¿Tom a jun oro chi sch'ocoj, mto a jun yatut Dios cha? A jun oro cha, yujn̈ej to a 'a yatut Dios 'aychi, yuj cha, yic Dios yaji.

Ro 11:15

A eb' israel cha, patcab'il can 'el eb' yuj Dios jun tiempoal. Yuj wal cha, smasnil jun tzo'n̈ xo 'anma', tztac' junc'ojlal tz'aj eb' yet' Dios. Ax 'a yic 'oj chaxoc pax 'och eb' israel chi jun 'ejm xo, man̈ jantcoc am wal swach'l 'oj scha eb' 'anma smasnil. 'Icha to 'oj pitzwc pax eb' 'a scal eb' chamnac, yujto caw niwn swach'l 'oj scha eb'.

1 Co 1:30

Yujto a on̈ 'i'nec 'och yico'oc Cristo Jesús. Atn sjelnal Cristo tzyac' 'ayn̈ec. Yuj Cristo, tzyalni to wach'n̈ec 'a sat, tzon̈ yi'nec pax 'och Cristo yico'oc. An̈jtona' yujto colchjnacn̈ec xo 'el yu'uj.

Ef 5:26

yic on̈ yi'nec 'och yico'oc. A yic on̈ 'emc 'a yol a', 'ix 'ijx 'el qui mulc yuj spaxti'.

1 Ts 5:23

A Dios 'a'm junc'ojlal. Tzqui nib'j on̈, a tzex wach' 'i'n 'och yico'oc si'mb'il. Tzqui nib'j pax on̈, a tz'a'n cuenta e pixan, e nab'en, yet' pax e niwnal, sec may jac e mul ax sjaw Cajlil Jesucristo.