Ez 37:25 - Chuj San Sebastian Bible

²⁵ 'Oj e cajx lum lum wa'jnac 'a win in checb' Jacob, atn lum 'aj 'e'nc cajn eb' e mam eyicham. A pax lum 'oj e cajx yet' eb' eyunnal yet' eb' eyin̈tl b'aq'uin̈, ax junc yin̈tl in checb' David, a 'oj 'och eyajloc 'a jun 'ejmn̈ej.

Chuj San Mateo Bible

²⁵ Ol ex cajnajxoc d'a jun luum vac'nac d'a vin̈ in checab' aj Jacob, aton lum b'aj ec'nac eb' e mam eyicham. Ata' ol cajnaj eb' eyuninal yed' masanil eb' eyin̈tilal d'a masanil tiempo. Axo vin̈ in checab' yin̈tilal vin̈aj David ol ochn̈ej e reyaloc.

Ez 37:25 ပူးပေါင်းရင်းမြစ်များ

Gn 48:4

Xyaln jun tzo'n̈ paxti 'ayn 'ixtic: Til wal sb'isl onnal 'oj wac'a', ax eb' en̈tl 'oj 'eloc, til wal nacion̈ 'oj 'aj 'el'ch eb', ax wa'n pax jun lum tic 'a eb' en̈til. A jun lum tic, yicn̈ej eb' 'a jun 'ejmn̈ej, xchi 'ayin.

A Ch'an̈ Schab'l Libro Samuel 7:13

A 'oj b'onc chan̈ junc watut yic 'emmquilal cha, ax eb' yin̈tl 'oj ya'n̈j yajlil 'a sdespacho 'a smasnil tiempo.

A Ch'an̈ Schab'l Libro Samuel 7:16

An 'oj wa'xcan 'och en̈tl a jelc reyl 'a yib'n̈ in chon̈b' 'a smasnil tiempo, xchi, xa chi 'a 'a, xchi Dios 'a win Natán.

Is 11:1

'Icha junc te yib'te tzwolni, 'ixta 'oj 'aj spitzw chan̈ jun yin̈tl Isaí.

Is 30:19

Ex 'aj Sión, ex to cajn ex 'ec' 'a Jerusalén, man̈ ex 'oc'oc, a Jehová 'oj 'o'ch sc'ojl 'ayex yic tzyab'n yel eyaw, 'oj ta'wc 'ayx muc'uc.

Is 55:4

An wa'jnac 'och David chi testigoal 'a sat jun tzo'n̈ nacion̈, yic tzjucb'tzani mto yic tzya'n yajlil 'a jun tzo'n̈ xo chon̈ab'.

Is 60:21

A smasnil eb' eyit chon̈b' 'a jun tiempoal cha, caw wach'n̈j 'oj 'aj snab'en eb'. 'Oj yico'oc pax eb' lum e lum chi 'a jun 'ejmn̈ej. Lajn wal eb' 'icha swol junc 'awb'ente', sec tzin b'inax yuj eb'.

Is 66:22

Yujto 'icha wal yilx jun 'ac' satcha'an̈ yet' jun 'ac' yolyib'n̈q'uinl 'oj in b'o', to 'oj cann̈j 'a jun 'ejmn̈ej, 'ixta 'oj 'aj e b'inax yet' eyin̈tl 'a smasnil tiempo.

Jeremías 30:3

Yujto 'ay jun c'u 'oj jawoc, 'oj in jel tas 'aych 'a yib'n̈ in chon̈b' Israel yet' 'a Judá. An Jehová in, an tzwala to 'oj wi'x meltzjoc eb' chon̈b' 'a lum lum wa'jnac yico'oc eb' e mam e yicham, xchi Dios.

Jeremías 30:9

An Jehová in, an 'oj in yac' servil eb', yujto sDiosal in eb', ax ya'w pax servil eb' 'a jun yin̈tl can David, atn jun 'oj wa'ch reyal.

Jeremías 31:24

A eb' 'anma cajn 'a jun tzo'n̈ chon̈b' 'a yol yic Judá, eb' munljum 'a tas tz'awxi, yet' eb' 'ilm calnelu, junxn̈ej 'oj 'aj eb' ta'.

Jeremías 32:39

Junxn̈ej 'oj 'aj snab'en eb' wu'uj, jun lajnxoj 'oj yutc eb' in ya'n servil 'a smasnil tiempo, yic tz'och swach'loc eb', yet' swach'loc yin̈tl eb'.

Jeremías 32:41

Yet' wal in tzaljc'ojlal, ax in b'on tas wach' 'a eb'. Yet' smasnil in c'ojol, 'a caw syelal, ax wa'n 'aj cajn eb' 'a jun nacion̈ tic, xchi Dios.

Ez 28:25

An Jehová in, an tzwal 'ixtic: 'Oj in molb'tzoc cot pax eb' israel sactzicnac yajcn 'at 'a jun tzo'n̈ xo nacion̈, ax in ch'oxn in wach'c'ojlal 'a eb' 'a sat jun tzo'n̈ nacion̈ cha. A eb' israel cha, 'oj scajx eb' slum chi jun 'ejm xo, atn lum wa'jnac 'a win in checb' Jacob.

Ez 34:24

An Jehová in, an tzin 'och sDiosalc eb'; ax junc yin̈tl in checb' David, a 'oj 'och Yajlil 'a scal eb'.

Ez 36:28

Ax e canx cajn 'a sat slum e mam eyicham, atn lum wa'jnac 'a eb'. 'Oj eyoch in chon̈b'oc, ax wochx e Diosaloc.

Ez 37:21

Tzlajw cha, tzaln 'a eb' 'ixtic: 'Ixtc wal xyutj Jehová Cajlil yaln 'ayex: Ex israel, an 'oj ex wi'x 'elt 'a scal jun tzo'n̈ nacion̈ 'aj c'ochnc ex; 'oj ex in molb'tzoc, ax ex wi'n 'at 'a e lum jun 'ejm xo.

Ez 37:24

Ax jun yin̈tl in checb' David, a 'oj 'och e reyloc. A 'oj e tan̈wni e masnil, sec wach' 'oj eyutc eyiclni in checnb'il yet' in ley.

Ez 37:26

'Oj in b'o in trato eyet' 'a jun 'ejmn̈ej, ax e can 'a tzaljc'ojlal 'a jun lugar cha. 'Oj wac' q'uib' e b'isl 'a smasnil tiempo, ax wa'n b'ox watut 'aj 'oj waj cajn 'a e cal.

Ez 44:3

Cojn win syajlil chon̈ab', cojn win tztac' sjaw 'a wojltac, yic tzc'uxn jun tzo'n̈ xajmb'al to wic yaj an Jehová in. Ata tz'och win 'a corredor 'a sti 'amac'. A pax ta tz'elx winac, xchi.

Jl 3:20

An 'oj in pactzoc xchamlil eb'. Man̈x 'oj wac' niwnc'ojlal 'a eb' x'och smul cha. Palta ax eb' 'aj Judá yet' eb' 'aj Jerusalén, 'oj canx cajn eb' 'a schon̈ab'. An xo an Jehová in tic, 'oj in cann̈j cajn 'a tzaln Sión, xchi Dios.

Am 9:15

An Jehová Dios in, an tzwala, to 'oj wac' scajx eb' slu'um. A slum eb' 'oj wac' cha, man̈x 'a b'a'n̈ 'oj 'ijxoc 'el eb' 'a sat jun 'ejm xo, xchi Dios.

Zacarías 10:7

A eb' 'aj Israel, caw te'n 'oj 'aj eb' 'icha soldado, 'oj tzaljoc chan̈ eb' 'icha eb' tzalj yu'n yal uva jawnc sti'. A yic 'oj yilnc yunnal eb' jun tic, 'oj tzaljc pax eb'. Caw 'oj tzaljc sc'ojl eb' yuj in colwal.

Zacarías 14:11

'Oj 'ajx cajn 'anma 'a Jerusalén jun 'ejm xo, man̈x 'a tas 'oj sna eb' ta', yujto man̈x 'oj ma'xoc 'ejmi.

Zacarías 8:8

Ax wi'n cot eb' 'a Jerusalén tic yic tzcajn pax eb' jun 'ejm xo. 'Oj 'och eb' in chon̈b'oc, an xo 'oj wochx sDiosalc eb'. 'Oj wac' yajlil 'a yib'n̈ eb' 'a stojlal, 'icha yaj waln cani, xchi Dios.

Jn 12:34

Ax eb' 'anma', 'ix yaln eb' 'ixtc 'a 'a: —A 'a ch'an̈ ley 'aycn 'ayn̈ec, ata xcab' on̈, chajtlto a Cristo 'ayc'n̈ej 'a smasnil tiempo. Yuj cha, ¿tas yuj tzala, to a jun 'Ochnc 'Anma'il, yowlal 'oj 'ajxc q'ue'i? ¿Mach jun 'Ochnc 'Anmal tzal cha? xchi eb' 'a 'a.

A Ch'an̈ Carta D'a Eb' Hebreo 7:2

Ax Abraham cha, jantcn̈ej tas xit' yac' ganar 'a jun owl cha, c'uxn xya'cn sdiesmoal 'a winac. A Melquisedec, tzyal 'el'chi, rey caw tojol. An̈jtona', sreyl pax chon̈b' Salem. A Salem, tzyal 'el'chi, junc'ojlal. Yuj cha, tzcuchn pax win Melquisedec cha, rey yic junc'ojlal.

A Ch'an̈ Carta D'a Eb' Hebreo 7:21

A eb' ya'mal 'och sti eb' quit chon̈b'ec 'a Dios, yic yoch yopiso eb', ma'ix sloc Dios sb'i. Palta a yic ya'n yopiso Jesús, yic tzya'n 'och qui tic 'a 'a, atta sloc sb'i. Yujto tz'ib'b'il can 'ixtc 'a Ch'an̈ U'un̈: A Cajlil mun slocjnac sb'i yic yalni, yuj cha, may wal b'a'n̈ 'oj sjel snab'en, alb'il can yuj 'ixtic: Ach tic, tzach 'ochcn ya'malc 'och sti eb' 'anma 'ayn 'a smasnil tiempo, 'icha ya'jnac Melquisedec 'a pecti', xchi Dios 'a Ch'an̈ U'un̈.