Ez 37:12 - Chuj San Sebastian Bible

¹² Yuj cha, al yab' eb' in chon̈ab', to an Jehová in, an tzwal 'a eb' 'ixtic: Ex in chon̈ab', 'icha to mucb'ilx 'a scal jun tzo'n̈ xo nacion̈, palta an 'oj ex in col 'elt 'a 'aj 'ayx 'ec' cha. 'Oj lajwc cha, ax ex wi'n pax meltzjoc 'a e chon̈ab'.

Chuj San Mateo Bible

¹² Yuj chi' al yab' eb' etchon̈ab' tic to a in Jehová in sval icha tic: Ex in chon̈ab', ol in jac b'aj mucan ex, ol ex vic'anelta ta', ol ex vac'an meltzaj d'a e chon̈ab'.

Ez 37:12 ပူးပေါင်းရင်းမြစ်များ

Is 11:11

A 'a jun tiempoal cha, ata 'oj sch'oxx Cajlil spoder 'a jun tzo'n̈ nacion̈ cha, ax smolb'tzan paxt eb' schon̈b' sactzicnac yajcn 'ati. 'Oj paxtc eb' 'aycn 'at 'a Asiria, 'a Egipto, 'a Patros, 'a Etiopía, 'a Elam, 'a Sinar, 'a Hamat yet' 'a jun tzo'n̈ xo chon̈b' 'ay 'a sti a mar.

Is 26:19

Palta ax eb' chamnac, eb' to ec yaji, 'oj pitzwc pax eb'. A eb' 'icha ton̈j waynac, 'oj 'el swayn̈ eb' cha, ax sq'ue 'awjoc eb' 'a tzaljc'ojlal. 'Icha wal tz'aj sq'uel junc 'awb'en yuj chicb'chan̈ tz'ejm 'a yib'an̈, 'ixta wal 'oj otc a'n cot a sacq'uinlal 'a yib'n̈ eb' chamnac, yic 'oj q'uex wan eb' 'a 'aj mucan.

Is 66:14

A yic 'oj eyilnc jun cha, caw 'oj e tzalj cha'an̈. 'Oj 'ochx eyip jun 'ejm xo. Caw tz'unnan yilx e niwnal 'icha tzyac' te 'unn c'ultac. Yujto 'oj sch'ox Jehová spoder 'a scal eb' schecab', ax yowl sc'ojol, ata 'oj ya'cn 'at 'a scal eb' 'ajc'ojl yajch 'a 'a.

Ez 28:25

An Jehová in, an tzwal 'ixtic: 'Oj in molb'tzoc cot pax eb' israel sactzicnac yajcn 'at 'a jun tzo'n̈ xo nacion̈, ax in ch'oxn in wach'c'ojlal 'a eb' 'a sat jun tzo'n̈ nacion̈ cha. A eb' israel cha, 'oj scajx eb' slum chi jun 'ejm xo, atn lum wa'jnac 'a win in checb' Jacob.

Ez 36:24

An 'oj ex wi'x 'elt 'a scal jun tzo'n̈ nacion̈ cha; 'oj ex in molb'tzoc, ax ex wi'n pax meltzjoc 'a e chon̈b' jun 'ejm xo.

Ez 37:13

A yic 'oj ex in colnc 'elt cha, ax eyojcan 'el e masnil to an ton Jehová in, to cojn in ton Dios in.

Ez 37:21

Tzlajw cha, tzaln 'a eb' 'ixtic: 'Ixtc wal xyutj Jehová Cajlil yaln 'ayex: Ex israel, an 'oj ex wi'x 'elt 'a scal jun tzo'n̈ nacion̈ 'aj c'ochnc ex; 'oj ex in molb'tzoc, ax ex wi'n 'at 'a e lum jun 'ejm xo.

Ez 37:25

'Oj e cajx lum lum wa'jnac 'a win in checb' Jacob, atn lum 'aj 'e'nc cajn eb' e mam eyicham. A pax lum 'oj e cajx yet' eb' eyunnal yet' eb' eyin̈tl b'aq'uin̈, ax junc yin̈tl in checb' David, a 'oj 'och eyajloc 'a jun 'ejmn̈ej.

Ez 37:4

Xlajw cha, xyaln pax 'ixtic: Al 'a jun tzo'n̈ tacn̈ b'ac tic to tzchaj yab' eb' in paxti'.

Dn 12:2

Til wal eb' chamnc xo 'oj pitzwc paxi. 'Ay eb' 'oj scha sq'uinl 'a jun 'ejmn̈ej. 'Ay pax jun tzo'n̈ xo eb' jun, 'oj 'atcn eb' 'a q'uixwc'ojlal 'a scal yailal 'a jun 'ejmn̈ej.

Os 13:14

¿Tom 'oj ex in colcn 'el 'a yol sc'ab' yet'l chamel? Ma'ay. An 'oj ex wac' xiw 'a chaml cha, ax e satx 'el yu'uj. Man̈x 'oj 'o'ch pax in c'ojl 'ayx ex 'aj Efraín.

Os 6:2

Cojn chab' c'u 'oj 'ec' cujec, ax ya'n pax qui tzatzlec. 'A yoxl c'ual, ax on̈ ya'nec pax pitzwoc, ax qui pitzw can pax 'ec' 'a yojltac.

Jl 3:5

Ax tic, xeyel'j q'uen plata yet' q'uen oro 'ayin, xeyi'n 'at in ricoal 'a yet'l e diosal.

Sofonías 3:20

A yic jun tiempoal cha, 'oj ex in molb'tzoc pax coti, ax wecn eyam e b'a. 'Oj eyil wal yet' e sat yuj tas 'oj wutc in jeln tas 'aych 'a eyib'an̈. 'Oj wac' 'ijxoc chan̈ e b'inab'ilal, sec 'ay eyel'ch 'a scal smasnil eb' 'anma 'a yolyib'n̈q'uinal, xchi Dios.

Dt 32:39

An tic, cojn in ton Dios in, may junc xo dios 'icha 'in tic. An tzwac' cham junc mach, an pax tztac' wa'n sq'uinal. An tzwac' lajwc eb' 'anma', an pax tzwan̈tj eb'. ¡May junc mach tztac' scoln 'el sb'a 'a yol in c'ab'!

1 Ts 4:16

'Oj 'awtxoc jun checnb'il yuj jun sat ángel, ax yoc' pax strompeta Dios. At wal ta 'oj 'emloc Cajlilec 'a satcha'an̈. Ax eb' creyente chamnc xo, 'oj b'ab'l pitzwc pax sniwnal eb'.

Apoc 20:13

Ax a mar, c'uxn xyac' pitzwc eb' chamnc 'ay 'a 'a. 'Ixta pax jun chamel, yet' jun yet'l spixn eb' chamnac, c'uxn xyac' pitzwc pax jantcn̈ej eb' 'ay 'a 'a. Yuj cha, 'ix b'eyc'ojlax eb' smasnil. A tzyala, tastc sb'ojnac junjn eb'.

A Ch'an̈ B'ab'el Libro Samuel 2:6

Mamin Jehová 'aj q'uinl ach, ach tzej 'ec' qui q'uinl on̈, tza'n paxi. Tztac' tzon̈ 'a'cn 'ejm 'a yol sjul-l eb' chamnc 'anma', tzon̈ a coln pax q'ueta.