Ez 37:11 - Chuj San Sebastian Bible

¹¹ Xlajw cha, xyaln 'ayn 'ixtic: Ach 'anma', a jun tzo'n̈ tacn̈ b'ac 'ix 'el cha, tzyal cot yuj eb' et israelal, yujto tzlaj yal eb' 'ixtic: An̈ec tic, 'icha to tacjnacx qui b'aquil, man̈x 'a tas 'aych yipc qui c'ojol, lajwnacn̈ xo 'eli, xchi eb'.

Chuj San Mateo Bible

¹¹ Ix yalanxi Jehová d'ayin icha tic: Ach anima, a ex chon̈ab' Israel ex tic, lajan ex icha juntzan̈ b'ac tic. Tzeyal icha tic: Taquin̈xo co b'aquil, man̈xa tas ayoch yipoc co c'ool, toxo ix on̈ sateli, xe chi.

Ez 37:11 ပူးပေါင်းရင်းမြစ်များ

Job 17:15

¿'Ajtil 'ay tas tzcob' wa'ch yipc in c'ojl cha? A tas yipc'ojlal yaj wu'uj, ¿'ajtil 'ay chinec?

Salmos 141:7

A sb'acl eb', sactzicnac 'oj 'ajcn 'a stz'ey sti sjul-l eb' chamnc 'anma', b'ulctac xoj tz'ajcn 'icha lum lu'um.

Salmos 31:23

E masnil ex to yic ex xo Jehová wet'oc, qui chamc'ojloquec qui Diosal. A tztan̈wni eb' to wach' tzyutj sb'a. Palta ax 'a eb' tzyij chan̈ sb'a yet' stu nab'enal, caw tz'acn tzyutj ya'n spac 'a eb', atn syailal eb'.

Salmos 88:16

A yowl a c'ojl 'ix 'ec' 'a wib'an̈, 'ac'b'iln xo ganar yu'uj.

Salmos 88:5

A wal tzwab'i to 'ayn xo can 'at 'a scal eb' chamnac. 'Icha eb' tzchamcn yuj owal, tzmucx can 'aj tzchami, 'ixta waj tzwab'i. 'Icha pax tz'aj eb' satnc xo a c'ojl 'a 'a, man̈xtzac ach colwj yet'oc, 'ixta waj tzwab'i.

Is 40:27

Ex israel yin̈tl can Jacob, ¿tas yuj tzex we'lji eyawji? ¿Tas yuj tzeyal 'ixtic: A Jehová caw matz on̈ yilc coti, caw matz 'och 'il Dios jac cujec? xe chi.

Is 49:14

Tzyaln eb' 'aj Sión 'ixtic: On̈ 'actxec can yuj Jehová, 'ix sat sc'ojl Dios 'ayn̈ec, xchi eb'.

Jeremías 2:25

¡Ex 'aj Israel, 'ochn̈ec wan eyoyb'x 'ec' e sayn 'ec' e diosal. Nab'an̈ej tze mac' lajwc eyoc, nab'an̈ej tztacj e ti eyeq'ui! Palta ax tic, xeyal 'ixtic: Ma'ay, an̈ tic on̈, tox 'ix ca'ch qui c'ojl 'a jun tzo'n̈ comn dios on̈, yuj cha, 'oj cochn̈j tza'n yuj eb' on̈, xe chi.

Jeremías 31:1

A Jehová, a tzaln 'ixtic: A wal 'a yic jun tiempoal 'oj jawc cha, an wal caw 'oj woch sDiosalc junjn macn̈ eb' yin̈tl Israel, a eb' 'oj 'ochcn in chon̈b'oc.

Jeremías 32:43

A jun chon̈b' tic 'aj 'ix ala to 'oj can 'a cusltac lumal, man̈x 'a 'anma', man̈x 'a pax no noc' 'oj can 'a 'a, 'oj 'ajxoc ganar yuj eb' caldeo, xa chi. Palta 'oj meltzjoc eb' 'anma smann pax slum 'a tic jun 'ejm xo.

Lm 3:18

Yuj cha, xwaln 'ixtic: A ticnec x'el wip, man̈x 'ayc 'och Jehová yipc in c'ojol, xin chi.

Lm 3:54

In 'atcn ch'ub'n 'a scal a', yuj cha, xin nani, to 'oj in lajw 'eli.

Ez 33:10

Xyaln pax 'ayn 'ixtic: Ach 'anma', al yab' eb' et israelal, toto 'ay eb' tzaln 'ixtic: An̈ tic caw wal xniwtj qui mul, yuj cha, caw wal tzon̈ lajw 'el tzquila. ¿Tas wal to 'oj cutc qui b'a? toto xchi eb'.

Ez 36:10

Caw yajn̈ej ax wa'n niwtjoc e b'isl 'a jun tzo'n̈ lugar cha. 'Oj niwtjoc sb'isl 'anma 'a junjn chon̈ab', ax laj e b'onc pax chan̈ jun tzo'n̈ chon̈b' mac'b'il 'ejm cha.

Ez 37:16

Ach 'anma', say chab'oc te te', ax a tz'ib'n eb' te'. A te b'ab'el, 'ixtc tzotj a tz'ib'ni: Te yic eb' yin̈tl Judá yet' eb' israel yitb'eym sb'a yet'oc, xchi. Ax te schab'il, 'ixtc pax tzotj a tz'ib'ni: Te yic yin̈tl Efraín, win yunnal José yet' eb' israel yitb'eym sb'a yet'oc, xchi junx cha.

Ez 37:19

tzaln 'a eb' 'ixtic: A Jehová 'ix aln 'ayin, to tzwij cot te te yic yin̈tl Efraín yet' eb' israel junn̈j yaj yet'oc, tzwa'n scha sb'a te yet' te yic eb' yin̈tl Judá sec junxn̈ej tz'aj te schab'l 'a yol in c'ab', xa chi 'a eb'.

Ez 39:25

Palta ax ticnec, an Jehová Yajl in, an tzwal 'ixtic: Caw wal tz'o'x 'och in c'ojl 'a eb' israel, atn eb' yin̈tl can Jacob. 'Oj wa'x in wach'c'ojlal 'a eb' jun 'ejm xo, yic tz'ijx chan̈ in b'i.

Os 1:11

'Oj lajwc cha, ax syamn sb'a smasnil eb' 'aj Judá, yet' eb' 'aj Israel, junxn̈ej syajlil eb' 'oj ya'chi. Junxn̈ej 'oj 'aj sjapx eb' wul yi'x slum jun 'ejm xo. ¡Caw niwn yel'ch jun c'u yic Jezreel!

Ro 11:26

'Ixta to b'i'an, ax scolchj pax smasnil eb' wit israelal. Yujto tzyal 'ixtc 'a Ch'an̈ U'un̈: A 'a chon̈b' Sión, 'a scal eb' israel, ata 'oj q'ue wan jun Colwjum. A 'oj 'i'nc 'el smul eb' yin̈tl Jacob.

2 Co 5:14

A schamc'ojlal Cristo tz'a'n yajlil 'ayn̈ on̈. Yujto cojc on̈, 'ay jun xcham qui jelc qui masnil. Yuj cha, qui masnil 'icha to chamnc on̈c yet'oc.

Ef 2:1

A ticnec, 'ix yac' Dios qui q'uinlec yet' Cristo. A 'a yic yalan̈, chamnc on̈c 'a sat yuj qui mulec, yuj pax qui maysch'olnilal,