Ez 37:10 - Chuj San Sebastian Bible

¹⁰ A yic xwaln 'a 'ic' 'icha xyutj Dios yaln 'ayn cha, 'ix 'och yic' eb' tacn̈ b'ac cha, 'ix pitzw pax eb', cojn cha, 'ix q'ue lin̈n eb' smasnil. Caw wal man̈x b'ischjb'enoc eb'.

Chuj San Mateo Bible

¹⁰ Ix valan icha ix yutej yalan Jehová chi' d'ayin, ix och yic' juntzan̈ nivanil chi', ix pitzvixi eb', ix q'ue lin̈an eb'. Man̈xo b'ischajb'enoc eb' icha junoc nivan n̈ilan̈ eb' soldado.

Ez 37:10 ပူးပေါင်းရင်းမြစ်များ

Salmos 104:30

Palta ach tzac' sq'uinl e no', tza'n niwtjoc sb'isl e no'. 'Ixta tz'aj sb'o pax yilx sat lum lum tic jun 'ejm xo.

Jeremías 30:19

Ata 'oj q'ue eyaw e b'itni, 'oj e tzewj 'a tzaljc'ojlal. Man̈x 'oj 'emtoc e b'isul, an 'oj wac' niwtjoc e b'isl cha. Man̈x 'oj e patquilx 'eli, palta to caw niwn 'oj eyaj 'el'ch wu'uj.

Jeremías 33:22

A eb' yin̈tl in checb' David, yet' jun tzo'n̈ eb' yin̈tl Leví 'aych ya'malc 'och sti eb' 'anma 'ayin, caw 'oj wac' niwtjoc sb'isl eb' 'icha wal c'anal 'ay 'a satcha'an̈, mto 'icha wal yarenail sti a mar, may junc mach tztac' sb'isni, xchi.

Ez 12:7

Xin b'on in pa 'a c'ul 'icha x'aj yalx 'ayin. Ax 'a yemc'ual, xin b'on jun oln 'a sat yich watut cha. A yic wan sq'uic'b'i, 'ix wa'n q'ue in pa chi 'a in quelab', q'ueln 'och eb' 'anma chi 'ayin yic in 'elt 'a jun oln cha.

Ez 37:5

Al 'a eb' to an Jehová Yajl in, an tzwal 'ixtc 'a eb': A ticnec, 'oj wa'x 'och eyic', ax e pitzw paxi.

Apoc 11:11

Palta ax 'a yic 'oj lajw nan̈l schan̈l c'u xcham eb', ax Dios 'oj 'a'nc pitzwc pax eb', 'oj sq'uex wan eb'. Ax jantcn̈ej eb' 'oj 'ilnc eb', caw 'oj xiw eb' si'mb'il.