Ez 36:8 - Chuj San Sebastian Bible

⁸ A lum jolmctac witz 'a yol e macb'en, til wal te niwc 'awb'ente 'oj yac' sat 'a jun tzo'n̈ lugar cha, sec a te 'oj e lo sat, yujto jab'xoj e meltzji.

Chuj San Mateo Bible

⁸ A d'a lum tzalquixtac d'a yol e macb'en, jantac te' avb'en te' ol yac' sat, yic ol e lo sat te', yujto toxo ol ex meltzajoc.

Ez 36:8 ပူးပေါင်းရင်းမြစ်များ

Salmos 67:6

A lum lu'um xyac' lum sb'a'al, xac' a yaxilal 'a quib'n̈ on̈, yujto qui Diosal ach on̈.

Salmos 85:12

A Jehová a 'oj 'a'noc cot n̈ab', ax ya'n lum qui lumec tic sb'a'al.

Is 27:6

'Ay jun c'ual 'oj yi'x eb' yin̈tl Jacob yip jun 'ejm xo. Yuj eb' ax ya'n cot Dios syaxilal 'a yolyib'n̈q'uinl tic jun 'ejm xo. Lajn eb' 'icha junc snun uva to tz'ejm schan̈l yib', tzwolni, tznichni, caw niwn sat tzyac'a.

Is 30:23

'Oj ya' cot Jehová n̈ab' 'a yib'n̈ eyawb'en 'awb'il eyuj 'a sat lum lu'um, caw 'oj yac' lum sb'a'al, til wal trigo 'oj yac' lu'um, a 'a yic jun tiempoal cha, a 'e no cajb'en noc', til wal slewnal 'aj 'oj laj tan̈wxoc wa e no'.

Is 4:2

A 'a jun tiempoal cha, 'ay jun yin̈tl David 'oj pitzw chan̈ yuj Jehová. A jun cha, lajn 'icha swol junc te te'. A eb' 'oj can to 'a yol schon̈ab' 'oj tzaljoc chan̈ eb' yu'uj, ax stzalj pax eb' yiln yelx wul smasnil sat yawb'en 'ay 'a slu'um.

Is 65:9

'Oj wactc can jaywn̈ocx eb' yin̈tl Jacob, sec wach' 'ay eb' 'anma cajn 'a eb' lum jolmctac witz 'a yol yic Judá. A eb' sic'b'il 'el wu'uj, 'oj can cajn eb' 'a lum lum tzwac' yico'oc cha, 'oj can cajn eb' in checb' chi ta'.

Ez 12:25

A tas 'oj wal an Jehová in tic, 'oj 'el'choc muc'uc. Ax xo caw wal pitx tic, 'oj eyil wal jun tzo'n̈ tzwal tic, yowlal 'oj 'el'choc tas tzwala, xchi Dios 'ayin.

Ez 17:23

Ata 'oj wawc te 'a sjolm lum switzl chon̈b' Israel. 'Oj laj q'uib'l sc'ab' te', ax ya'n te sat, caw niwquil c'ute 'oj 'ajoc. 'Oj jawc smasnil no noc' 'iljoc 'a yich te', ax 'a scal sc'ab' te', ata 'oj 'aj cajn smasnil no ch'ic.

Ez 36:7

Yuj cha, tzwalni to a jun tzo'n̈ nacion̈ cha, an 'oj wac' yac' eb' sq'uixwloc.

Jl 2:22

Tzalj cab' e no noc' 'ay 'a caltcte', man̈ xiw cab' e no', yujto 'oj yaxb'oc pax chan̈ te c'ultac. A eb' te niwc te', 'oj ya'x eb' te sat, caw 'oj satnc te higo yet' te uva.

Jl 2:24

Caw wal wach' 'oj 'ajx 'ixm trigo, niwn yal uva yet' aceite 'oj yac'a.

A Scarta San Pablo D'a Eb' Aj Filipos 4:5

Yowlal caw wach'n̈j tzcutjec qui nab'en yil eb' 'anma smasnil, yujto jab'xoj 'oj jawc Cajlilec.

A Ch'an̈ Carta D'a Eb' Hebreo 10:37

Yujto 'ixtc tzyal 'a Ch'an̈ U'un̈: Jab'xoj wali, ax sjaw jun mach to yowlal 'oj jawoc, ma'oj 'ec' tiempo sjawi.