Ez 36:4 - Chuj San Sebastian Bible

⁴ Yuj cha, an Jehová in, an tzwal 'ayx 'ixtc ex israel, to tze chaj eyab' in paxti tic, jantcn̈ej ex to 'aycn e lum 'a lum jolmctac witz, 'a lum tzalctac, 'a lum stitc a', 'a lum niwc pan̈an, 'a eb' lum chon̈b' mac'b'il 'ejmi, 'a eb' lum chon̈b' cusltac yajcn sch'ocj 'a yol e macb'en cha, eb' chon̈b' to c'uxn 'elc'b'il 'at tas 'ay 'a yuj jun tzo'n̈ xo nacion̈ 'a sla'nil cha, atn eb' tzb'uchwj 'ayex.

Chuj San Mateo Bible

⁴ Yuj chi', a in Jehová Yajal in sval d'ayex israel ex ayex d'a lum tzalquixtac, d'a lum ch'olquixtac, d'a chon̈ab' mac'b'ilem lan̈najoc yed' d'a chon̈ab' cannac tz'inan, aton juntzan̈ chon̈ab' elc'ab'ilb'at tastac ay d'ay yuj juntzan̈ chon̈ab' ay d'a slac'anil.

Ez 36:4 ပူးပေါင်းရင်းမြစ်များ

Salmos 79:4

Til wal qui b'uchx yuj eb' 'anma oyn 'och 'a qui la'nil on̈, tzetzjub'tac quilx 'a sat eb' on̈.

Is 6:11

Yuj cha, xin c'anb'n 'a 'a: ¿Jantc to wal tiempo 'oj wal-l jun tzo'n̈ tic Mamin? xin chi. 'Ix ta'w 'ayn 'ixtic: Masnto 'oj lajwc can 'ejm jun tzo'n̈ chon̈b' tic, yic man̈x 'a mach cajn 'ec' 'a 'a; yic man̈x 'a junc 'anma tzcan 'a yol yatut, yic 'oj can lum lum tic 'a sictaquil.

Jeremías 29:10

Tzwaln pax junx tic: A yic 'oj tz'acwc 70 ab'il e c'och 'a Babilonia cha, ax in colwj pax eyet'oc, 'oj wac' 'el'choc in ti wa'jnac cani, chajtlto 'oj ex wi'x meltzjoc 'a tic jun 'ejm xo.

Ez 34:28

A jun tzo'n̈ nacion̈ cha, man̈x b'a'n̈ 'oj yixtc eb' in chon̈b' tic, man̈x 'a pax no calte'al noc' 'oj chinc eb', junc'ojlal 'oj can eb' 'a sat slu'um, man̈x 'a tas 'oj xib'tn eb'.

Ez 34:8

An Jehová Yajl in, an tzwal 'ixtic: Eyu'uj lajn x'aj eb' in chon̈b' 'icha tzya' no calnelu tz'elc'x 'ati, ax no calte'al noc' tzlaj chinc no', yujto man̈x nanoc no yuj yilmal, mun xoj tztan̈wj sb'a eb' yilmal no chi sch'ocoj.

Ez 36:1

Ach 'anma', al 'a eb' 'et israelal 'ay 'a lum jolmctac witz, to tzchaj eb' yab' in paxti'.

Ez 36:6

Xlajw cha, xyaln pax Jehová 'ixtic: An tzwal 'ayx ex israel to 'aycn e lum 'a lum jolmctac witz, 'a lum tzalctac, 'a lum stitc a', 'a lum niwc pan̈an. An tzwala to caw 'ay yowl in c'ojl 'a yib'n̈ jun tzo'n̈ nacion̈ chi eyu'uj, yujto tzex yixtj eb', tzex laj sb'uch eb'.

Ez 6:14

'Oj wi' chan̈ in c'ab', ax wa'n 'och syailal eb' 'aj cajn cha. Tzann̈j 'aj cajn eb' 'anma cha, 'oj can yet'l eb' chi 'a cusltaquil, 'oj 'el yich 'a lum cusltac lum 'a stojlal sur, masnto 'oj c'och 'a lum Ribla 'ay 'a stojlal norte. 'Ixta to b'i'an, ax yojcan 'el eb' to an Jehová in tic, to cojn in ton Dios in, xchi Dios.

Ez 6:3

Tzalni to an Jehová Yajl in, an tzwal 'ixtic: Ex 'anma cajn 'a lum jolmctac witz, 'a lum tzalctac, 'a lum ch'olan yet' 'a eb' lum niwc pan̈an: 'Oj wa' cot owl 'a e cal, ax in satn 'el jun tzo'n̈ lugar chan̈ yaj sb'o 'aj tzeyal e b'a.

Dt 11:11

Palta ax lum 'aj 'oj e c'och cha, 'ay lum jolmctac witz 'a lu'um, 'ay pax span̈nil, ax n̈ab' tzcot 'a satcha'an̈, a tziclan lu'um.