Ez 36:37 - Chuj San Sebastian Bible

³⁷ An Jehová Yajl in, an tzwal 'ixtic: A tas 'oj e c'an 'ayin, 'oj wa'x 'ayex, ax wa'n niwtjoc e b'isl 'icha no calnelu.

Chuj San Mateo Bible

³⁷ A in Jehová Yajal in sval icha tic: Ex yin̈tilal Israel, a tastac ol e c'an d'ayin, ol vac' d'ayex. Ol vac'an q'uib' e b'isul icha tz'aj sq'uib' sb'isul noc' calnel.

Ez 36:37 ပူးပေါင်းရင်းမြစ်များ

Salmos 10:17

Ach wal tzab' slesl eb' 'emmquilal yeq'ui, tza'n ste'nal eb', tzab'n pax tas tzyal eb'.

Salmos 102:17

'Oj a cha ab' slesl eb' may mach tzcolwj yet'oc, may mach 'oj stac' stenn 'och wan slesl eb' cha.

Jeremías 30:19

Ata 'oj q'ue eyaw e b'itni, 'oj e tzewj 'a tzaljc'ojlal. Man̈x 'oj 'emtoc e b'isul, an 'oj wac' niwtjoc e b'isl cha. Man̈x 'oj e patquilx 'eli, palta to caw niwn 'oj eyaj 'el'ch wu'uj.

Ez 14:3

Ach 'anma', a wal jun tzo'n̈ winc xjaw 'aych tic, caw wal 'aych snab'en eb' 'a jun tzo'n̈ yechl comn dios, a maysch'olnil 'aj 'ix ya'ch eb' snab'en, a eb' cha, nab'a xoj tzwul sc'anb'c sb'a eb' 'ayin.

Ez 20:3

Ach 'anma', al yab' eb' yichm wincal chon̈b' Israel tic, to an Jehová Yajl in, an tzwal 'ixtc 'a eb': ¿Tom cob' tzex jaw wul e c'anb'c e b'a 'ayin? Palta wal yel an Jehová in, an tzwala, ma'oj in ta'w xon 'ayex, xchi Dios, xa chi 'a eb'.

Ez 20:31

A yic tzeya'n e xajmb'al, 'ipn eyixtn 'el e b'a, yujto a eb' eyunnal tzeyac' tz'a xajmb'al-l 'a jun tzo'n̈ yechl comn dios. Ax tz'aji, tzex cob' jawc wul e c'anb'c e b'a 'ayin. Wal yel ma'oj in ta'w xon 'ayex.

Ez 36:36

A jun tzo'n̈ nacion̈ cannc can 'a stz'ey eyic cha, 'oj yojcoc 'el eb', to an tzin b'ox chan̈ tas satnc can 'eli, 'icha to tzwawj pax tas toc'b'il cha'an̈. An Jehová in, yowlal 'oj wac' 'el'choc jun tzo'n̈ tzwalcn tic.

Ez 36:38

A jun tzo'n̈ chon̈b' lajwnac can 'ejm cha, 'oj b'ut'joc pax 'ejm 'anma 'a 'a, lajn wal yilx 'oj 'aj 'ejm eb' 'anma chi 'a 'icha tz'aj sb'ut'j c'och no calnelu 'a Jerusalén yic tz'ajx no xajmb'al-l 'a q'uin̈. Atta 'oj in eyojcoc 'eli, to an Jehová in, xchi Dios.

Dn 2:18

'Ix yaln 'a eb' to tzc'an eb' scolwal Dios 'aj satcha'an̈, yuj jun paxti to caw c'ultac yaj cha, sec matz milx cham eb' yet' eb' tzcob' yal jelnal sb'a 'a yol yic Babilonia cha.

Miqueas 2:12

'Icha tzyutj junc 'ilm calnelu smolb'tzan no calnelu 'a yol scolal, 'ixta 'oj ex wutc ex in molb'tzan cot e masnil ex yin̈tl Jacob, atn ex israel to 'oj to e cani. 'Icha junc lum 'a'lic b'ut'jnac 'el yuj no calnelu, 'ixta wal 'oj 'aj sb'ut'j pax 'el e lum eyu'uj.

Zacarías 10:6

An 'oj wac' ste'nal eb' yin̈tl Judá, ax wa'n colchjoc 'el eb' yin̈tl José. 'Oj wi'x meltzjc eb' 'a schon̈b' jun 'ejm xo, yujto caw tz'o'ch in c'ojl 'a eb', ax scanxcan eb' 'icha xon yaji, 'icha to may 'aj xwijl eb' 'a in c'ojol. An ton Jehová sDiosal in eb', tzwab'n̈j slesl eb'.

Zacarías 10:9

Wa'jnac sactzic can 'at eb' 'a scal jun tzo'n̈ nacion̈. Wach'xam najt 'ay eb', palta 'oj in sna cot eb'. 'Ay wal jun c'ual 'oj meltzjc paxt eb' yet' yunnal.

Zacarías 13:9

A eb' 'oj can cha, 'oj wac' yab' eb' syail yic tz'elcn smaysch'olnilal eb', 'icha tz'aj yel slumal q'uen plata 'a scal c'ac', 'icha pax tz'aj sb'o q'uen oro. 'Oj lajwc cha, ax yaln sb'a eb' 'ayin, ax in ta'w 'a eb'. 'Oj walch eb' in chon̈b'oc, ax yaln eb' 'ixtic: A Jehová, atn qui Diosalec, 'oj xchic eb', xchi Dios.

Dt 30:5

A 'oj eyi'n paxt jun 'ejm xo 'a sat lum lum 'aj 'e'nc cajn eb' qui mam quichmec, ax e cajn pax lum jun 'ejm xo. Caw 'oj eyoch ricoal, 'ec'b'al xo 'oj 'aj e b'isl 'a yib'n̈ eb' qui mam quichmec cha.

A Scarta San Pablo D'a Eb' Aj Filipos 4:6

Man̈ on̈ 'ochc 'il yuj junc tas. Jantcn̈ej tas tzqui na'ec, calc 'a Dios, tzon̈ leslwiec. A yic tzqui c'annec tas 'a 'a, yowlal tzca'c pax yuj diosal 'a 'a.

A Ch'an̈ Carta D'a Eb' Hebreo 4:16

Yuj cha, caw man̈ on̈ xiwc qui c'ochc 'a sdespacho Dios, 'a 'aj tzcheclj 'el swach'c'ojlal. Ata tz'o'ch sc'ojl 'ayn̈ec, tzch'oxn swach'c'ojlal, 'a yic 'ay tas 'ay tz'och cujec.

1 Jn 5:14

Yuj cha, matz on̈ xiwc qui leslwi 'a Dios, yujto cojquec, tzann̈j tas tzqui c'anc 'a 'a, 'oj yab'i', toto tzqui c'anc tas 'a 'icha tznib'ej.