Ez 36:26 - Chuj San Sebastian Bible

²⁶ A jun nab'en caw wach', a 'oj wac' sjelc e tu nab'enal, ax yiclumal a chi 'oj wac' sjelc e pital.

Chuj San Mateo Bible

²⁶ Ol vac'och jun ac' pensar d'ayex sq'uexuloc jun e chuc pensaril chi'. Ol vic'anel jun pensar pit ayoch d'ayex, axo c'anab'ajumal ol vac'och d'ayex.

Ez 36:26 ပူးပေါင်းရင်းမြစ်များ

Salmos 51:10

Ach in Diosal, a wal junc nab'en caw wach' a tzac' 'ayin. Tza'n 'a'tb'oc wespíritu sec yiclum in 'ayach.

Jeremías 24:7

'Oj wac' wal snab'en eb', yic tzin yojcan 'el eb', chajtlto an ton Jehová in, ax eb', in chon̈b' yaj eb'; 'oj woch sDiosalc eb', yujto yet' wal smasnil sc'ojl eb', ax smeltzj paxt eb' 'ayin.

Jeremías 32:39

Junxn̈ej 'oj 'aj snab'en eb' wu'uj, jun lajnxoj 'oj yutc eb' in ya'n servil 'a smasnil tiempo, yic tz'och swach'loc eb', yet' swach'loc yin̈tl eb'.

Ez 18:31

'Actjec can smasnil maysch'olnil xe b'o cha, ax jun 'ac' nab'en yet' jun 'ac' espíritu tze chaj 'och 'ayex. Ex israel, ¿tas yuj tzeyij cot chaml 'a eyib'an̈?

Ez 39:29

Man̈x 'oj wi'l in sat 'a eb', yujto 'oj wa'x in poder 'a yib'n̈ eb' israel jun 'ejm xo. An Jehová in, an tzwala, xchi Dios.

Zacarías 7:12

Caw pit xyutj eb' snab'en, 'icha stzatzl q'uen yax q'ue'en, sec wach' matz chaj eb' yab' cuynb'il yet' checnb'il 'ix wal 'a eb', atn jun tzo'n̈ yaljnac 'el eb' in checb' yuj Wespíritu 'a yic pecti'. Yuj cha, caw niwn xcot yowl in c'ojol.

Mt 13:5

'Ay jun tzo'n̈ xo xc'ochcn 'a yib'n̈ samq'ue'en, 'a 'aj jab' wal slumal. Yajn̈ej xpaq'ui, yujto jab' wal slumal cha.

Lc 5:38

Yuj cha, an̈j 'a yojl jun tzo'n̈ 'ac' tz'u'um, an̈jta tz'ejm 'ac' yal uva cha, sec wach' may tas tz'ixtx 'a schab'il.

2 Co 3:18

Yuj cha, man̈x 'ayc 'och jun 'icha nip chi 'a qui satc qui masnil. A ticnec, lajn on̈c 'icha junc nen 'aj tzquil qui sat, yujto cujec, tzcheclj 'el swach'l Cajlil. Yuj cha, wan slajnb'i qui nab'enec 'icha Cristo, yujto wan xo stz'acw qui wach'lec 'icha swach'il. 'Ixta wan on̈ yutnec Cajlil, atn Yespíritu Dios.

2 Co 3:3

'Icha junc carta tz'ib'b'il can yuj Cristo, an̈ xo quijnac 'at on̈, 'ixta ex. A jun 'icha carta tic, man̈oc yet' tinta tz'ib'b'il cani, palta a Yespíritu Dios pitzan, a tz'ib'jnac. Man̈oc 'a junc q'uen 'icha un̈ 'aj tz'ib'b'il cani, palta a 'a e pixan, ata tz'ib'b'il cani.

2 Co 5:17

A mach junxn̈ej tz'aj yet' Cristo, caw tzjelmj snab'en, 'icha to tzcaw 'a'tb'i. A jun tzo'n̈ yichm b'eyb'al, tzlajw can 'eq'ui. C'uxn tzlaj wach' b'ocn smasnil.

Gl 6:15

Toto junxn̈ej tzon̈ 'ajc yet' Cristo Jesús, man̈x 'a yel'chi, wach'xam 'ac'b'iln̈ec circuncidar, mto ma'ay. Cojxn jun tic 'ay yel'chi, toto jelmjnac qui nab'enec.

Ef 2:10

A Dios on̈ b'onec 'a scha'ejmal yuj Cristo Jesús, sec caw wach' tzcutjec qui b'eyb'al 'a 'a. Yictax pecti', snajnac cani, chajtl 'oj cutquec qui b'eyb'al.

Dt 30:6

'Oj ya'ch Jehová qui Diosalec yechl strato 'a e nab'en yet' 'a snab'en eb' eyin̈til, sec 'oj e chamc'ojloc Jehová yet' smasnil e c'ojol yet' smasnil e nab'en. Toto 'ixta', 'oj najtxb'oc e q'uinal.

Apoc 21:5

Ax jun wocn 'ejm 'a sdespacho cha, a 'ix aln 'ayn 'ixtic: —'Ilto, tzin b'o smasnil tas, caw 'a't tz'aji, xchi. 'Ix yaln pax 'ixtc 'ayin: —Tz'ib'j jun tzo'n̈ wan ab'n tic, yujto a jun tzo'n̈ paxti tic, caw yel. Tztac' a'n 'och yipc a c'ojol, xchi.

A Ch'an̈ B'ab'el Libro Samuel 10:9

Cojn xlajw yaln can sb'a Saúl 'a Samuel, 'ix paxi, ax Dios 'ix jeln snab'en cha. A wal yic jun c'u cha, 'ix 'el'ch smasnil tas 'ix yal Samuel 'a 'a.