Ez 36:20 - Chuj San Sebastian Bible

²⁰ Ax yic xlaj c'och eb' 'a jun tzo'n̈ nacion̈ cha, caw tu xlaj yal eb' 'anma chi 'ayn yuj eb', xlaj yal eb' 'ixtic: 'In to cob' schon̈b' Jehová jun tzo'n̈ 'anma tic, palta ax ticnec, 'ix 'ijx 'el eb' 'a schon̈b' cha, xchi eb'.

Chuj San Mateo Bible

²⁰ Axo yic sc'och eb' d'a juntzan̈xo nación chi', te chuc yal eb' anima chi' d'ayin yuj eb', yalan eb' anima chi' icha tic: Tato yel schon̈ab' Jehová yaj juntzan̈ anima tic, ¿tas yuj tz'ic'jiel eb' d'a schon̈ab' chi'? xchi eb'.

Ez 36:20 ပူးပေါင်းရင်းမြစ်များ

A Ch'an̈ Schab'l Libro Samuel 12:14

Palta yuj jun xa b'o tic, yuj cha, tu tas tzyal eb' 'anma 'ajc'ojl yajch 'a Jehová, atn yuj jun cha, ax scham win onnal tot x'alj cha, xchi Natán.

A Ch'an̈ Schab'il Libro Yic Yab'ixal Eb' Rey 18:30

Tznib'j Ezequías to a Jehová tzeya'ch yipc e c'ojol, tzyaln cob' 'ixtic: Wal yel 'oj on̈ scolc Jehová qui Diosalec. Ax jun qui chon̈b' tic ma'oj ya'ch 'a yol sc'ab' sreyl chon̈b' Asiria, xchi cob'i'.

A Ch'an̈ Schab'il Libro Yic Yab'ixal Eb' Rey 18:35

¿Mach junc 'a scal jun tzo'n̈ sdiosal jun tzo'n̈ chon̈b' cha, tztac' scoln can 'el slum eb' 'a yol sc'ab' sreyl chon̈b' Asiria? ¿Tas yuj tze na'a to a Jehová 'oj stac' scoln 'el Jerusalén? xchi winac.

Is 52:5

Ax ticnec ¿tas 'oj wutc in b'a an Jehová in tic? 'In ton̈j xcomn 'ijx 'at eb' in chon̈b' tic 'a Babilonia 'a nab'an̈ej. Ax eb' tzyac' yajlil 'a yib'n̈ eb', caw wal tzb'an̈ sb'a eb', toxn matz 'och wan eb' in sb'uchni.

Jeremías 33:24

¿Tom matz nachj 'el o'oj, tas tzyal eb' 'anma'? Tzyal eb' chajtlto xin patquilj can 'el chab' 'in̈tal eb' 'anma tic sic'b'il 'el wu'uj, atn eb' 'aj Israel yet' eb' 'aj Judá. Yuj cha, man̈x 'a yel'ch eb' in chon̈b' 'a sat eb', man̈x nacion̈oc eb' 'a eb'.

Ez 12:16

Palta an 'oj wac' colchjoc can jaywn̈oc eb' 'a scal owal, 'a scal wejel yet' yuj yab'il, sec 'oj yal-l eb' 'a scal eb' 'anma 'a jun tzo'n̈ nacion̈ 'aj 'oj c'och cha, to til wal tas yajb'entac xlaj sb'o eb', ax in yojcan 'el eb', to an ton Jehová in, to cojn in ton Dios in, xchi Dios chi 'ayin.

Ez 14:22

Palta 'ayt jaywn̈ocx eb' 'oj colchjoc 'el yet' yunnal mto yisil. A eb' cha, 'oj 'ijxoc cot eb'. Ax yic 'oj jawc eb' 'ayex, ax eyiln 'och tas tzb'o eb' mto sb'eyb'al eb', 'ixta to b'i'an, ax eyoch wan e nan yuj yailal tzwac' jawc 'a yib'n̈ Jerusalén.

Ez 39:7

'Ixta 'oj wutc in ch'oxn in poder 'a eb' in chon̈ab', sec man̈x b'a'n̈ 'oj b'uchxoc eb'. Ax jun tzo'n̈ xo nacion̈, 'oj yojcoc 'el eb', to an Jehová in, to cojn in ton Dios in, sDiosal in Israel.

Dn 3:15

A ticnec jun, toto 'oj scha e c'ojol, to a yic 'oj 'oc' jun tzo'n̈ yamc'ab' tzc'anlb'ax sonal, a yic cha, tzex 'em cuman, tzeya'n 'ejm e b'a 'a jun yechl nab'a oro 'ix wac' 'ajxoc b'o cha, to 'ixta', may tas 'oj eyi'ni. Toto ma'oj eyiclc eya'n 'ejm e b'a 'a 'a, wal 'a yajn̈ej 'oj e julx 'emt 'a yojl jun jorna caw ow sn̈ilchj sc'aq'uil. ¡'Oj wila', toto 'ay junc xo dios 'oj e coln 'el 'a yol in c'ab'! xchi winac.

Lv 18:21

An Jehová in, an tzwala. May cab' mach tzyac' yunnal xajmb'al-l 'a jun comn dios tzcuch Moloc. Toto tzyac' yunnal chi xamb'alil, tz'och smul 'ayin.

Ro 2:24

A 'a Ch'an̈ U'un̈, ata tzyal 'ixtic: Yuj e b'eyb'al, yuj cha, ton̈j tzb'uchwj eb' man̈ israeloc 'a Dios, xchi.

Josué 7:9

A eb' cananeo yet' smasnil eb' cajn 'a jun tzo'n̈ lugar tic, 'oj yab' eb' speclal tas on̈ 'aji, 'oj syam sb'a eb' ax on̈ satn can 'el eb' on̈, man̈x 'a 'aj 'oj qui b'inax 'a sat lum lum tic on̈. Ach xo tic, tu 'oj yal eb' 'anma chi 'a a patic, xchi Josué.