Ez 35:13 - Chuj San Sebastian Bible

¹³ Xcob' e' chan̈ a b'a, 'ix aln jun tzo'n̈ a paxti caw ya yalx 'ayin, til wal tas 'ix ala, palta c'uxn 'ix wab'i.

Chuj San Mateo Bible

¹³ Ix eyic' val chaan̈ e b'a d'ayin, ix in e b'uchani, palta ix vab'n̈ej tas ix eyal chi'.

Ez 35:13 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 19:28

Yujto a 'ayn ach owx 'ochi, caw ch'an 'ix otj a b'a, yuj cha, 'icha to 'oj wa'ch jun argolla 'a a n̈i', yet' jun freno 'a a ti', ax ach wa'n meltzjc 'a a b'e 'aj ach coti, xchi Dios, xchi Isaías.

2 Cr 32:15

A ticnec, man̈ e cha 'ixtxoc paxti e b'a yuj Ezequías. Man̈ e b'o tas tzyala. Man̈ eya'ch pax yipc e c'ojl tas chi tzyal cha, yujto may junc sdiosal jun tzo'n̈ nacion̈ chi stac' scoln 'el schon̈b' 'a yol in c'ab'. An̈jtona may junc eb' 'ix stac' scoln 'el schon̈b' 'a yol sc'ab' eb' in mam wicham. ¡Ocxo jun e Diosal cha! ¿Tom at wal 'oj stac' ex scoln 'el 'a yol in c'ab'? xchi cot win rey, xchi eb'.

2 Cr 32:19

Tzlajb'tzej wal eb' sDiosal Jerusalén yet' sdiosal jun tzo'n̈ xo nacion̈, atn jun tzo'n̈ comn dios to 'anma b'ojnac yet' sc'ab'.

Job 34:37

A Job tic, man̈ cojnoc to 'ay smul, palta to caw tenmtac xyutj sb'a; q'ueln on̈c wal 'och 'a 'a, 'ix b'uchwj 'a Dios, 'ix sten sb'a yet'oc, 'oj schic eb', xchi Eliú 'a Job.

Job 35:16

Palta ach tic mamin Job, a jun tzo'n̈ a paxti cha, toxn may jac tzyal 'el'chi, til wal tas tzcob' ala', palta toxn may jac a nab'en yic tzach paxtin cha, xchi Eliú 'a Job.

Salmos 74:18

Mamin Jehová, na coti chajtlto a eb' 'ajc'ojl yajch 'ayach, caw tzach stzuntzj eb', tzlaj yal eb' tu paxti 'ayach, tzach sb'uchn pax eb'.

Salmos 94:9

¿Am wal e nani, to a mach b'ojnac qui chicnec matz yab' tas tzcalec? ¿am e nani, to a mach b'ojnac yol qui satec, matz yil tas tzqui b'o'ec?

Ex 16:12

—'Ix wab'i tas xyutj paxtinc sb'a eb' 'anma tic 'ayin, yuj cha, al 'a eb': To a 'a yemc'ul tic, 'oj wac' schi eb' chib'ej, ax 'a sq'uin̈b'il q'uic'an, ata 'oj wac' wa eb', masnto 'oj b'ut'joc sc'ojl eb'. 'Ixta 'oj yutc eb' yojcan 'eli, to an tic Jehová in, e Diosal in e masnil, xchi Dios.

Ec 10:14

A eb' 'ixta tzyutj sb'a cha, matz tzactzj eb' spaxtini. An̈ec xo tic man̈ cojcoquec tas wan sjaw 'a cojltac. Toc 'ay mach tzaln cab'i tas 'oj ujc to b'aq'uin̈.

Is 36:20

¿Mach junc 'a scal jun tzo'n̈ sdiosal jun tzo'n̈ chon̈b' chi to tztac' scoln can 'el slum 'a yol sc'ab' sreyl chon̈b' Asiria? ¿Tas yuj tze na'a to a Jehová 'oj stac' scoln 'el Jerusalén? xchi winac.

Is 37:10

A 'a Diosal tzalni, to ma'oj 'ajxc 'och Jerusalén 'a yol in c'ab'; palta man̈ a'ch yipc 'a c'ojl tas tzyal a Diosal cha, man̈ a cha 'ixtxoc paxti a b'a yu'uj.

Is 37:23

¿Mach jun 'aj tu 'ix ala, 'ix a xib'tn paxi? ¿Mach jun 'aj niwquil 'ix otj yol a jaj, xa jun a sat 'a 'a? Atn 'ayn an Dios in to Cojxn in.

Is 37:27

Man̈x 'a yip eb' 'anma cajn 'a jun tzon̈ chon̈b' cha, caw wal tzxiw eb', tzq'uixw eb'. Lajn xoj eb' 'icha te c'ultac, mto 'icha te 'itj caw wal yax latz'nac, mto 'icha c'ultc tzpa' chan̈ 'a yib'n̈ n̈a, tzma'x tacjoc can yuj 'ic', 'ixtnta yaj eb' 'anma cha.

Is 37:29

Yujto a 'ayn ach owx 'ochi, caw ch'an 'ix otj a b'a, yuj cha, 'icha to 'oj wa'ch jun argoya 'a a n̈i', yet' jun freno 'a a ti', ax ach wa'n meltzjc 'a a b'e 'aj ach coti, xchi Dios, xchi Isaías.

Jeremías 29:23

'Ixta wal 'oj 'aj sjaw 'a yib'n̈ eb', yujto yel xo tu tas tzb'o eb' 'a yol e chon̈ab'. Tzb'o eb' 'ajmulal yet' yistzil eb' yit wincal. Tzya'n eb' 'es, tzyaln 'el eb' jun tzo'n̈ paxti chi 'a in b'i, palta man̈oc in tzwac' yal-l eb'. An Jehová in, an tzwala, wojc tas yaji, xchi Dios, xin chi 'a jun carta cha.

Jeremías 48:26

Tzyaln pax Jehová 'ixtic: Somchjnacx snab'en eb' 'aj Moab, yujto tenmtac xyutj sb'a eb' 'ayin. Tzetzx cab' eb' yuj eb' 'anma', 'icha tz'aj stzetzx junc 'u'm 'an̈ tzb'al sb'a 'a scal xej.

Jeremías 48:42

A Moab, man̈x nacion̈oc 'oj 'ajcni, yujto xyij chan̈ sb'a 'a 'ayn an Jehová in.

Jeremías 7:11

Am tze na'a, to a jun watut tic, lajn 'icha junc n̈aq'uen 'aj tzc'ub'j 'el sb'a eb' 'elc'um. An Jehová in, an tzwala, to an tic tzwil smasnil tas tze b'o'o.

Ez 35:12

An Jehová in tic, 'ix wab' a b'uchwj 'a eb' lum chon̈b' 'ay 'a jolmctac witz yic chon̈b' Israel, 'ix aln cob' 'ixtic: A jun tzo'n̈ lugar tic, xcan eb' 'a sictaquil, yuj cha, ax ticnec 'oj in macc' wico'oc, xa chi.

Ez 36:3

A yic 'ix smacn 'ec' eb' nacion̈ chi yico'oc lum jolmctac witz 'a yol e macb'en, 'ix laj satnc 'el eb' tas 'ay 'a jun tzo'n̈ lugar cha, 'ix laj b'uchwj eb' 'ayx ax cajn ex chi ta'.

Dn 11:36

A jun rey 'ay 'a norte cha, 'oj sb'o 'icha wal tas tznib'j sc'ojol. Caw 'oj sb'an̈ sb'a, ax yalni chajtlto caw niwn yel'ch 'a yib'n̈ jun tzo'n̈ tzalx 'och diosal. 'Intax 'oj b'uchwjoc 'a jun Dios to caw yel. 'Oj sb'o smasnil tas tznib'j sc'ojol, masnto 'oj ya' cot Dios yowl sc'ojl 'a yib'an̈, yujto a smasnil tas nab'il yuj Dios, yowlal 'oj 'el'choc.

Malaquías 3:13

Tzyaln pax Jehová 'ixtic: Ax tic, caw wal tu tzeyal 'ayin, palta tze c'anb'n to pax wal 'ayn 'ixtic: ¿Tas tu 'ix cal 'aych on̈? xe chi.

Nm 12:2

An̈jtona', 'ix yaln pax eb' 'ixtic: A Jehová man̈ cojnoc Moisés tzc'anlb'ej yic tzpaxtin 'a eb' chon̈ab', palta 'in tzon̈ sc'anlb'ej paxi, xchi eb'. Ax Jehová xyab' tas xyal eb'.

Nm 14:27

—¿Jantcto wal tiempo 'oj techjoc sti jun tzo'n̈ 'anma maysch'olnil tic wu'uj? 'Ix wab'i to caw tu yaln eb' 'ayin.

A Schab'il Carta San Pedro 2:18

Ton̈j tzyij chan̈ sb'a eb' yaln jun tzo'n̈ tas may yel'chi. Yujto tzyal eb' 'ixtic: Tztac' qui b'onn̈ej maysch'olnil, tztac' qui b'onec tas tzqui nib'j 'och yet' qui niwnal tic, xchi cob' eb'. 'Ixta tzyutj eb' ya'n sc'ojloc jun tzo'n̈ eb' wan scolchj 'el 'a scal maysch'olnil.

San Judas 1:15

Atta 'oj sb'eyc'ojloc smasnil 'anma'. Jantcn̈ej eb' maysch'olnil, 'oj ya'ch yailal 'a yib'n̈ eb' yuj smul, yujto maysch'olnil eb'. A eb' tu tzaln 'a spatc Cajlilc cha, eb' caw maysch'olnil snab'en, 'oj ya'ch pax yailal 'a yib'n̈ eb', xchi win Enoc cha.

A Ch'an̈ B'ab'el Libro Samuel 2:3

Yuj cha tztac' tzwal 'ixtc 'a eb' tzyij chan̈ sb'a: Man̈ e b'an̈ e b'a, yujto a Jehová yojc smasnil, a Dios tzon̈ b'eyc'ojlanec yuj tas tzqui b'o'ec, 'oj in chic 'a eb'.