Ez 33:4 - Chuj San Sebastian Bible

⁴ Toto 'ay mach matz chaj yab'i' yic tz'oc' q'uen trompeta cha, ax tz'aji tzcham yuj eb' 'ajc'ojl cha, mun tzyij cot chaml 'a yib'an̈.

Chuj San Mateo Bible

⁴ Tato ay mach max scol sb'a ayic tz'oc' q'uen trompeta chi', axo tz'aji smiljicham yuj eb' ajc'ool chi', munil a' tz'ic'ancot chamel chi' d'a yib'an̈.

Ez 33:4 ပူးပေါင်းရင်းမြစ်များ

A Ch'an̈ Schab'l Libro Samuel 1:16

A yic wan smilx scham win cha, ya' sb'a cha, xyaln David 'a win 'ixtic: —Mun ach 'ix ej cot chaml 'a eb'an̈, yic 'ix alni chajtlto ach 'ix a mil cham jun win rey sic'b'il 'och yuj Jehová, xchi.

A Ch'an̈ B'ab'el Libro Yic Yab'ixal Eb' Rey 2:37

Toto tzach 'el 'a tic, tza'n pural ec' 'a yojl a Cedrón, toto 'ixta', yowlal tzach chami, mun wal ach tzej cot chaml 'a eb'an̈, xchi Salomón 'a 'a.

2 Cr 25:16

Palta a yic xyaln jun schecb' Dios jun tzo'n̈ cha, 'ix ta'w win rey, xyaln win 'a 'ixtic: —¿Tom xwal 'ayach, to ach tzac' in nab'enoc an rey in tic? 'Actj aln jun tzo'n̈ cha. ¿Mto tza nib'j tzach milx chamoc? xchi win 'a 'a. Ax jun schecb' Dios cha, man̈xtoc 'ix tew 'och 'a 'a, palta 'ix yaln can 'a win 'ixtic: —Wojc an tic, nab'ilx yuj Dios to 'oj ach yac' lajwoc, yujto xa b'o jun tic, ma'ix a yiclj tas 'ix wala, xchi 'a 'a.

Pr 29:1

A mach pit tzyutj sb'a, wach'xam niwn 'ejm tz'ajx cuenta, a jun cha, caw ji'lti 'oj 'aj slajw 'eli, man̈x 'oj stac' scoln sb'a.

Jeremías 25:3

Atxo 'a yic yoxlajn̈il ab'il yoch Josías yunnal Amón reyl 'a Judá tic, masnto ticnec, tzyal 'el'chi, 'ayx yoxlschawinc ab'il ticnec spaxtin Jehová 'ayin, yuj cha, caw niwn xo 'ejm 'ix wal 'ayex, palta ax xo tic, caw man̈ jac tze chaj eyab' 'ayin.

Jeremías 6:17

'Ix wa'n 'och jun tzo'n̈ eyilmal, 'ix waln 'ayx 'ixtic: Macljec eyab' 'aj 'oj 'utz'xoc q'uen trompeta yuj jun tzo'n̈ eyilmal cha, xin chi. Palta 'ix eyaln 'ixtc 'ayin: Ma'ay, matz yal qui c'ojl tzcab'i, xe chi.

Ez 18:13

Tzyac' tumn majnil, tzc'ann yune q'uen tumn cha. A junc winc 'ixta sb'eyb'al cha, man̈ najtloc 'oj yila', yujto yajb'entac tas tzb'o'o, yuj cha, mun tzyij cot chaml 'a yib'an̈.

Ez 33:5

Yujto tzyab' yoc' q'uen trompeta cha, palta matz yiclj scoln sb'a. Q'uinloc tzcol sb'a, toto 'ixta', matz comn chami.

Ez 33:9

Palta toto 'oj al yab'i', ax tz'aji ma'oj yactj can stu b'eyb'al cha, 'oj ton cham yuj smul chi bi'an, ach xo tic, libre ach 'a jun 'anma cha, xchi Dios.

Lv 20:9

Tzann̈j mach tzb'aj smam snun, a jun cha, yowlal tzchami, mun wal a tzyij cot chaml 'a yib'an̈.

A Tas Sc'ulejnac Eb' Schecab' Jesús Hechos 18:6

Palta ton̈j xcot yowl eb' 'a 'a. Caw xlaj b'uchwj eb' 'a 'a. Yuj cha, 'ix stzicb'tan̈n spichl yil eb', yic tzch'oxn senyail 'a eb', chajtlto ye'xn̈ej tzyij 'el sb'a 'a scal eb'. 'Ix yaln can 'a eb' 'ixtic: —Ax tic, mun tzeyij cot eyailal 'a eyib'n̈ 'a jun 'ejmn̈ej. An xo tic, man̈x 'a waln wic 'ayex. A ticnec, 'oj in 'at wal-l 'a eb' man̈ israeloc, xchi can 'a eb'.

A Tas Sc'ulejnac Eb' Schecab' Jesús Hechos 20:26

Yuj cha, a 'a jun c'u tic tzwalcni, man̈x 'a in cuenta 'ayex.

Santiago 1:22

Qui yiclquec tas tzyal spaxti Dios. Man̈toc ton̈j tzqui macljec cab'i'. Toto ton̈j tzqui macljec, mun wan quixtnec paxti qui b'a qui nan 'es.