Ez 33:29 - Chuj San Sebastian Bible

²⁹ A yic 'oj can lum lum chi 'a sictacl yuj smul eb' 'anma caw yajb'entac cha, 'ixta to b'i'an, ax in yojcan 'el eb', to an Jehová in, to cojn in ton Dios in, xchi Dios.

Chuj San Mateo Bible

²⁹ Ayic ol vac'ancan tz'inan jun lum chi' yuj smul eb' yajb'entac sc'ulej, ichato chi' ol yojtacanel eb' to a in Jehová in svutej icha chi', xchi Jehová, xa chi d'a eb'.

Ez 33:29 ပူးပေါင်းရင်းမြစ်များ

Salmos 9:16

Mamin Jehová, ach 'ojcax 'el yuj tas wach' tza b'o'o. Mun tzyalej sb'a eb' tzb'on maysch'olnil.

Ex 14:18

At wal yic 'oj lajwc 'ejm eb' wuj smasnil, 'ixta to b'i'an, ax yojcan 'el eb', to an Jehová in cojn in ton Dios in, xchi Dios.

Jeremías 18:16

Yuj wal cha, ax yochcn jun e nacion̈ tic 'a cusltac lumal. 'Oj b'uchxoc 'a smasnil tiempo. Smasnil mach 'oj 'ec' 'a 'a, toxn̈ej 'oj syuc eb' sat yuj satjub'tacl yilx 'oj 'ajoc.

Ez 15:7

An wal 'oj woch 'ajc'ojlal 'a eb'. Wach'xam 'oj yac' ganar eb' scoln sb'a 'a jun yailal cha, palta chucx junx yailal chi 'oj satn 'el eb'. A yic 'oj woch 'ajc'ojlal chi 'a eb', ax in eyojcan 'eli, to an ton Jehová in, to cojn in ton Dios in.

Ez 15:8

An tzwala to 'oj wa'ch can jun nacion̈ chi 'a cusltaquil, man̈x 'a 'anma 'oj can 'a 'a, yujto tenmtac xyutj sb'a eb' 'ayin, xchi Dios.

Ez 23:49

A chawn̈ eb' 'ix 'ix cha, 'oj wac' stup lajwc eb' smul yuj yajmulal, yujto xyac' pax 'ejm sb'a eb' 'a jun tzo'n̈ yechl comn dios. Ax snachj 'el eyuj ax chab' chon̈b'al ex cha, to an Jehová Yajl in, an 'ixta tzex wutej, xchi Dios 'ayin.

Ez 25:11

An̈jtona', 'oj wa'ch yailal 'a yib'n̈ eb' 'aj Moab, sec 'oj yojcoc 'el eb', to an Jehová in, an 'ixta tzwutj eb'.

Ez 33:28

'Oj can lum lum chi 'a sictaq'uil, cusltac xoj 'oj 'ajcni, ax wa'n lajwc sb'an̈quintacl eb' cha. Cusltac xoj 'oj 'ajcn eb' lum jolmctac witz yic chon̈b' Israel, man̈x 'a 'anma 'oj 'ec' ta'.

Ez 33:30

Xyaln pax 'ayn 'ixtic: Ach 'anma', a eb' et chon̈b' tic, a yic tzchan sb'a eb' 'a 'aj 'ay smuroal chon̈ab' yet' 'a stitc n̈a, tzlaj stz'ac eb' yal 'a junjn 'ixtic: Coyec, 'at cab'c spaxti Jehová, xchi cob' eb'.

Ez 33:33

At yic 'oj 'el'choc tas tzalcn cha, ax yojcan 'el eb', to in checb' aj 'a scal eb', xchi Dios.

Ez 5:9

'Oj wa' cot jun yailal 'a eyib'an̈, jun yailal to mant 'a 'aj tzeyila, man̈x 'a pax b'a'n̈ 'oj eyil jun 'ejmoc xo, yujto caw wal yajb'entac tas tze b'o'o.

Ez 6:11

'Ix yaln pax Jehová Cajlil 'ixtic: Poc' a c'ab', tza te'n 'ejm oc, 'el cab' aw yuj tas tzjaw 'a yib'n̈ eb' et chon̈b' tic. Man̈x jantcoc maysch'olnil x'el sb'on eb', yuj cha, 'oj cham eb' yuj owal, yuj wejel yet' pax yuj yab'il.

Ez 6:7

At yic 'oj eyilnoc to niwn 'anma 'oj cham 'a e cal, ax to e nan coti to an Jehová in tic, cojn in ton Dios in.

Ez 7:27

A win rey yet' eb' 'aych yajlil yet'oc, 'oj 'och eb' 'a cusc'ojlal, ax eb' 'anma smasnil, 'oj laj 'ib'xoc eb' yuj xiwlal. 'Oj wa'ch syailal eb' yuj smul cha. 'Icha wal xyutj eb' yixtn eb' yit 'anma'il, 'ixta pax 'oj wutc eb'. 'Ixta to b'i'an, ax in yojcan 'el eb', to an ton Jehová in, to cojn in ton Dios in, xchi Dios 'ayin.

Ez 7:4

Man̈x 'a in niwnc'ojlal 'a eyib'an̈. 'Oj wa'ch eyailal yuj e b'eyb'al maysch'olnil, yujto yajb'entac tas tzlaj e b'o'. 'Ixta to b'i'an, ax in eyojcan 'eli to an Jehová in tic to cojn in ton Dios in.