Ez 32:30 - Chuj San Sebastian Bible

³⁰ A pax ta 'ayc' eb' xlaj yac' yajlil 'a stojlal norte yet' pax eb' yic Sidón. Caw jeln xlaj cob' yutc sb'a eb', xlaj xib'tn eb' 'anma', palta ax ticnec, junn̈j yaj eb' yet' eb' chamnc yuj owl cha, yujto man̈ wico'oc eb'. Caw wal tzyac' eb' sq'uixwloc 'a scal eb' chamnc cha, man̈x 'a yel'ch yaj eb' 'a scal eb'.

Chuj San Mateo Bible

³⁰ Ata' ayec' masanil eb' ac'jinac yajalil d'a norte yed' pax eb' aj Sidón. Vach'chom te nivan ajnac yelc'och eb', yac'nac val och xivc'olal eb' d'a scal eb' yetanimail, palta q'uixvelal ajnac scham eb'. Emnacxoc'och eb' d'a scal eb' chamnac, aton eb' chamnac d'a oval, eb' man̈ schon̈ab'oc Dios emnacxo b'aj sc'ochcan eb' chamnac, xa chi.

Ez 32:30 ပူးပေါင်းရင်းမြစ်များ

Jeremías 1:15

An Jehová in, an tzwal 'ayach, 'oj wawtc cot smasnil eb' nacion̈ 'ay 'a stojlal norte, ax sjaw jun tzo'n̈ sreyl eb' 'a tic, ax sb'on chan̈ junjn eb' sdespacho 'a sti spuertail chon̈b' Jerusalén tic, 'oj 'och oyn eb' 'a spatquil 'el smuroal jun chon̈b' tic, yet' pax 'a smasnil chon̈b' 'ay 'a yol yic Judá.

Jeremías 25:22

smasnil eb' rey 'a Tiro, 'a Sidón, yet' smasnil eb' rey 'ay 'a jun tzo'n̈ nacion̈ 'ay 'a sti 'a mar Mediterráneo.

Jeremías 25:26

yet' smasnil eb' rey 'ay 'a stojlal norte, eb' la'n 'ay, yet' eb' najt 'ay. Stzol-l xyutj eb' yu'ni, tzyal 'el'chi, smasnil eb' rey 'ay 'a yolyib'n̈q'uinl tic, c'uxn xyu'j eb' smasnil. Ax 'a slajub' xwa'n yuc' win sreyl Babilonia.

Ez 26:20

'Oj in julcn 'ejm 'aj 'ayc' eb' 'anma chamnc 'a pecti'. 'Oj in julcn 'ejm 'a xab'l yich lum lu'um, 'icha 'ajnc jun tzo'n̈ xo chon̈b' satnc 'el 'a jun 'ejmn̈ej. Man̈x 'a b'a'n̈ 'oj 'ochx chon̈b'al, man̈x 'a xon eb' 'anma 'oj cajnoc.

Ez 28:10

An Jehová in, an tzwala to yol sc'ab' eb' chuc chon̈b'al 'aj 'oj a chami, 'icha tz'aj scham eb' 'anma tu sb'eyb'al, xchi Dios, xa chi 'a win sreyl Tiro cha, xchi 'ayin.

Ez 28:21

Ach 'anma', 'ixc q'ueln 'a yib'n̈ chon̈b' Sidón, tzaln 'el can jun tzo'n̈ paxti tic 'a yib'an̈.

Ez 28:23

'Oj wa' cot yab'il 'a yib'n̈ eb' 'anma', ax sb'ey chic' 'a yol caye. Til wal 'aj 'oj cot eb' 'a'm owl cha, ax scham eb' 'anma chi smasnil. 'Ixta to b'i'an, ax yojcan 'el eb' to an ton Jehová in.

Ez 38:15

'Oj a cot 'a a lugar caw najat, atn 'a stojlal norte, caw niwn a soldado, til wal eb' 'ay q'ue 'a yib'n̈ chej, man̈x yalnb'ilc 'anma ajun et'oc.

Ez 38:6

A pax ta ajun eb' soldado yic Gomer, eb' yic Bet-togarma, atn eb' yic jun tzo'n̈ chon̈b' 'ay 'a stojlal norte, man̈x b'ischjb'enoc eb' soldado eb' chon̈b' chi 'aych et'oc.

Ez 39:2

'Oj ach wi' cot 'a stojlal norte, c'ojnc'ojnil 'oj aj a coti, ax a jaw wuj 'a eb' lum jolmctac witz 'a yol yic Israel.