Ez 32:27 - Chuj San Sebastian Bible

²⁷ A eb' cha, junn̈j yajcn eb' yet' eb' caw jeln chamnc yuj owl 'a pecti', eb' mucb'il yet' syamc'ab' yic owl cha. A 'a yaln̈ sjolm eb' ata cann̈c can yespada eb', scancn smul eb' chi 'a yib'an̈, yujto caw xib'txnac eb' 'anma 'a yolyib'n̈q'uinl tic yuj eb'.

Chuj San Mateo Bible

²⁷ Man̈ lajanoc ajnac smucji eb' icha ajnac smucji eb' soldado te jelan ec'nac d'a peca'. A eb' chi' mucb'il eb' yed' syamc'ab' yic oval. Aycanoch yespada eb' d'a yalan̈ sjolom. Yuj schucal eb' ayoch yaelal d'a yib'an̈ eb', yujto a juntzan̈ eb' chi' xib'tejnac eb' anima eb' d'a yolyib'an̈q'uinal tic.

Ez 32:27 ပူးပေါင်းရင်းမြစ်များ

Job 20:11

Caw wal te'nto yip eb' yuj quelmal, ax s'atcn eb' 'a yol lum 'a yet'l chamel.

Salmos 109:18

B'ut'j cab' 'och maysch'olnil chi 'a 'a, 'icha cab' spichl tz'ajchi; 'icha xoj cab' a tz'aj yol sc'ojol, 'icha cab' aceite xoj tz'aj yol sb'aquil.

Salmos 49:14

A 'a jun tzo'n̈ 'anma cha, a chamel 'a chi 'aych yilmalc eb'. A jun chi tz'i'n 'at eb' 'a campusan, 'icha tz'aj junc calnelu tz'ijx 'at 'a 'aj tzchami. Ax 'a yic 'oj sacb'c 'eli, a eb' wach' snab'en, a eb' 'oj 'a'nc ganar 'a yib'n̈ eb' cha. Jab'jnal 'oj sat 'ejm sniwnal eb', ax lum campusan cha, a chi 'oj 'och yatutoc eb'.

Salmos 92:7

Wach'xam a eb' 'ajmul 'anma', mto eb' tzb'on maysch'olnil tzq'ue wan tzicnjoc 'icha sq'uib' te c'ultac, yajn̈j cha tz'och yip eb', palta jab' wal tiempo 'ixta tz'aj eb'. Tzlajw cha, tzsatx can 'el eb' 'a jun 'ejmn̈ej.

Salmos 92:9

A eb' 'ajc'ojl yajch 'ayach, 'oj satxoc can 'el eb'. Smasnil eb' tzb'on maysch'olnil, 'oj sactzic can eb'.

Pr 14:32

Toto maysch'olnil qui b'eyb'alec, mun a qui maysch'olnilal chi tz'i'n cot 'a quib'n̈ec; ax toto wach' qui b'eyb'alec yic 'oj qui chamec, 'ay jun tas 'aych yipc qui c'ojol.

Is 14:16

Ax eb' tzach 'iln 'ochi, caw tzsat sc'ojl eb' ach yilni, ax yaln eb' oj 'ixtic: Coyn wal to a jun winc tic tzlaj 'a'n 'ib'xoc lum lum tic, tzlaj ya'n lajwc 'el smasnil nacion̈.

Is 54:17

Palta ach xo tic, may xon junc mach tztac' sb'on junc yamc'ab' tztac' ach satn 'eli. A eb' tzach cob' 'a'n queja, sictac xoj 'oj 'ajcn eb' o'oj. Atn jun tic tzwac' in ti wa'n 'a eb' in checab', an Jehová in, an 'oj in col-l eb', xchi Dios.

Ez 18:20

A mach tz'och smul, a tzchami. A win 'unnab'il, matz tac' scham win yuj smul smam. 'Ixta pax win mamb'il cha, matz tac' scham win yuj smul yunnal. A mach tojl tas tzb'o'o, wach' spac 'oj scha'; ax mach maysch'olnil tas tzb'o'o, maysch'olnil tas 'oj scha sb'a yet'oc.

Ez 26:17

'Oj sb'o eb' jun sb'it yic chamel, ax yaln eb' 'ixtic: Ach Tiro tas ach 'aj a lajw 'ejmi, ach sat 'ejm 'a et'l 'a sti a mar, caw wal b'inab'il ach, caw jeln eb' 'anma chi smasnil, caw tzxiw jun tzo'n̈ xo eb' chon̈b' cajn 'a sti a mar cha.

Ez 32:21

Ax yic 'oj c'och eb' yet' eb' rey chamnc xo, ax yaln eb' rey 'ayc' chi ta 'ixtic: ¡'A, sjaw ewin xcham yuj owal! Ewin ma'ix 'a'n 'och sc'ojl 'a Dios, 'oj can teln sniwnal eb' 'a tic quet'ec, 'oj xchic eb'.

Ez 32:28

Palta ach xo ach sreyl Egipto, a 'a scal eb' man̈ wico'oc, ata 'oj a c'och telan, atn eb' chamnc yuj owal.

Jn 8:24

Yuj cha, xwaln 'ayex to a 'a scal e mul 'oj e chami. Toto matz eya'ch 'a e c'ojol, to an ton 'icha xwala, toto 'ixta', a 'a scal e mul chi 'oj e chami, xchi.

2 Co 10:4

Man̈oc jun tzo'n̈ tas yic yolyib'n̈q'uinl tic tzqui yamc'ab'j on̈, yic tzca'n quip on̈. Palta an̈j jun tzo'n̈ 'aj 'aych spoder Dios tzqui yamc'ab'j on̈, sec wach' a jun tzo'n̈ 'ay cob' yip, tzcan 'a yaln̈ cuj on̈.