Ez 32:15 - Chuj San Sebastian Bible

¹⁵ A yic 'oj wactn can Egipto 'a sictaquil, 'oj cham eb' 'anma', yet' no noc', caw cusltac 'oj 'ajcn jun nacion̈ cha. Atta 'oj in yojcoc 'el eb' to an Jehová in, to cojn in ton Dios in.

Chuj San Mateo Bible

¹⁵ Ayic ol vac'ancan tz'inan Egipto chi', ol cham eb' anima yed' noc' noc', cuseltacxon̈ej ol ajcanoc. Icha chi' ol aj yojtacanel eb' to a in ton Jehová in svutej icha chi'.

Ez 32:15 ပူးပေါင်းရင်းမြစ်များ

Salmos 24:1

A Jehová a 'ay yic yolyib'n̈q'uinl tic yet' smasnil tas 'ay 'a sat, yet' smasnil eb' cajn 'a 'a.

Salmos 9:16

Mamin Jehová, ach 'ojcax 'el yuj tas wach' tza b'o'o. Mun tzyalej sb'a eb' tzb'on maysch'olnil.

Ex 14:18

At wal yic 'oj lajwc 'ejm eb' wuj smasnil, 'ixta to b'i'an, ax yojcan 'el eb', to an Jehová in cojn in ton Dios in, xchi Dios.

Ex 14:4

An xo 'oj wa'x pitb'oc 'el snab'en win chi jun 'ejm xo, sec 'oj 'ochx tza'n win eyu'uj; 'ixta wal 'oj wutc in ch'oxn in poder yuj tas 'oj in b'o 'a 'a, yet' 'a eb' soldado. Ax eb' 'anma 'aj Egipto cha, 'oj yojcoc 'el eb', to an Jehová in cojn in ton Dios in, xchi Dios. Yuj cha, 'ix meltzj eb' israel jab'x 'a spatic.

Ex 7:5

A yic tox xin ch'ox in poder yet' 'a yic tox ex wij 'elt 'a jun nacion̈ tic, 'ixta to b'i'an, ax snachj 'el yuj eb' 'aj Egipto tic, to an ton Jehová in, xchi Dios 'a Moisés.

Ez 29:12

A Egipto cha, 'oj wa'cn 'och 'a cusltac lumal 'icha 'ajnc jun tzo'n̈ xo nacion̈ slajw 'eli. Chawinc ab'il 'oj satcn 'ejm jun tzo'n̈ a chon̈b' cha, 'icha jun tzo'n̈ xo chon̈b' lan̈chjnac can 'ejmi. A eb' 'aj Egipto cha, 'oj wac' sactzic can 'at eb' 'a scal jun tzo'n̈ xo nacion̈ 'a sat lum lum tic.

Ez 30:19

'Oj wa'ch wal yailal 'a yib'n̈ eb' 'aj Egipto, 'ixta to b'i'an ax yojcan 'el eb', to an Jehová in, to cojn in ton Dios in, xchi Dios.

Ez 30:26

'Oj in pechcn 'at eb' 'aj Egipto 'a jun tzo'n̈ xo nacion̈, 'oj sactzic can 'at eb' 'a jun tzo'n̈ xo chon̈b' 'a sat lum lum tic, ax in yojcan 'el eb' to an Jehová in, to cojn in ton Dios in, xchi Dios.

Ez 32:14

'Ixta to b'i'an, ax syaxb' pax eb' a a cha, caw wach' 'oj b'ey lab'b'oc eb' a 'icha aceite.

Ez 6:7

At yic 'oj eyilnoc to niwn 'anma 'oj cham 'a e cal, ax to e nan coti to an Jehová in tic, cojn in ton Dios in.