Ez 31:3 - Chuj San Sebastian Bible

³ 'Oj ach in lajb'tzoc yet' junc te c'ute 'a Líbano. A te te cha, caw wach' yilx sc'ab' te', tzlaj yac' te yen̈l 'a eb' te yit tel 'a stz'ey cha, caw niwquil 'ajnc ste'il, 'ec'b'al stel 'a yib'n̈ jun tzo'n̈ xo te te cha.

Chuj San Mateo Bible

³ Ol ach in lajb'ej yed' vin̈ sreyal Asiria: A vin̈ chi' lajan ix aj vin̈ yed' junoc te' tzicap, ma icha junoc te' c'ute' ay d'a Líbano, a sc'ab'tac te', te vach' yen̈ul d'a caltac te', chaan̈ steel te', tzato ec'b'at te' d'a yib'an̈ juntzan̈xo te te' te chaan̈ steel.

Ez 31:3 ပူးပေါင်းရင်းမြစ်များ

Salmos 92:12

Palta ax eb' wach' snab'en, 'icha to 'oj nichnoc eb' 'icha te palma, ax sq'uib' eb' 'icha te c'ute 'a Líbano.

Is 37:24

'Ix a'n yal eb' a checb' tu paxti'al 'ayn an Jehová in, 'ix cob' aln 'ixtic: Til wal sb'isl in caruaje yic owl wet'i, yic in q'ue'ch 'a sjolm eb' lum witz caw niwc stel 'a yol yic Líbano. Xin ch'acn te c'ute niwc ste'il yet' te taj wach' yilxi. 'Ixta to b'i'an, in q'ue'ch 'a lum jolmctac witz 'ayb't 'a cha'an̈, xlaj wiln jun tzo'n̈ lum lum caw wach' yilx yet' sb'a'al.

Jeremías 17:8

Lajn wal eb' 'icha te te 'awb'il 'a sti a', tz'at sch'an̈l yib' te 'a 'aj tzb'ey a a cha. Wach'xam 'ay c'ac', palta may tz'i'n te', caw pimn̈j xil te'. A 'a yic may n̈ab', matz tac sc'ojl te', may xon tz'aj yoch wan te ya'n sat.

Jeremías 50:18

Yuj cha, an Jehová in, tztac' wuj smasnil, sDiosal in Israel, an tzwala: 'Oj wa'ch syailal win sreyl Babilonia yet' smasnil eb' schon̈ab', 'icha wal wutjnac sreyl Asiria.

Ez 17:22

An Jehová Yajl in, an tzwal 'ixtic: An 'oj in b'ijl sjolm te c'ute cha, ax junc te swol chi 'oj in c'uy 'elta, ax wawn te 'a sjolm junc lum witz caw 'ayb't 'a cha'an̈.

Ez 19:11

Caw wal ch'ijmtac x'aj eb' te sc'ab', ax te x'och sc'occhoc eb' rey, yel xo wal xq'uib' te si'mb'il. 'Ix 'ec' stel 'a yib'n̈ jun tzo'n̈ te niwc te', caw wal 'ay xo smay yilx yuj ste'il yet' pax yuj te sc'ab' 'ix q'uib'l cha.

Ez 31:10

Yuj cha, a Jehová Cajlil a tzaln 'ixtic: Caw cob' niwquil x'aj sq'uib' stel jun te cha, 'ix 'ec' stel 'a jun tzo'n̈ xo yit te'al. Yujto niwquil x'aj ste'il, yuj cha, caw b'an̈quintac xyutj sb'a.

Ez 31:16

A yic xc'an̈ yem lan̈njoc cha, caw 'ix xiw jun tzo'n̈ nacion̈ yab'ni, ax yic 'ix 'emch 'a 'aj 'ay yet'l eb' chamnac, ax eb' chamnc chi 'ayc' ta', 'ix yij eb' sniwnal sc'ojol, atn eb' lajn yet' eb' te 'awb'ente 'ay 'a Edén yet' eb' te yic Líbano.

Ez 31:17

An̈jtona', a eb' cob' cajn 'ec' 'a yaln̈ yen̈l jun te cha, eb' cob' xcolwj yet'oc, 'ix c'och pax eb' 'aj 'ay eb' chamnc cha, junxn̈ej 'ix 'aj eb' yet' eb' chamnc yuj owal.

Ez 31:5

Yujto caw 'ay a a chi 'a stz'ey te', yuj cha, caw niwquil x'aj stel te', 'ec'b'al x'aj stel te 'a yib'n̈ jun tzo'n̈ xo yit te'al; 'ix q'uib' eb' te sc'ab' cha, 'ix 'el wal jen̈n te'.

Ez 31:6

A smasnil no ch'ic, tzlaj c'och junjn c'aj no sb'o so 'a scal sc'ab' te', ax e no calte'al noc', tzlaj 'alj yune e no 'a yich te', til wal nacion̈ tztac' scan cajn 'a yen̈l te cha.

Ez 31:8

May junc te c'ute 'a scal yawb'ente Dios tztac' slajb'tzan sb'a yet'oc; may junc te taj lajn tz'aj sc'ab' yet' sc'ab' cha, may pax junc te castaño lajn xil yet'oc, may xon wal junc te te chi lajn swach'l yilx 'icha jun te cha.

Ez 32:22

Ata 'ayc' win sreyl Asiria yet' smasnil eb' soldado, oyn 'och eb' 'a stz'ey winac, atn eb' chamnc yuj owal.

Dn 4:10

Yaj ton jun tzo'n̈ in waych tic 'ix wila, yic c'otn in 'ec' in wayi: A 'a snan̈l lum lum tic, ata c'uyn chan̈ jun te te', caw wal niwquil ste'il.

Dn 4:12

Caw wach' yilx xil te', man̈x jantcoc sat te', tztechj swatzan te smasnil 'anma yet' sat cha. A 'a yen̈l yich te', ata tzmol sb'a e no calte'al noc'. Ax 'a scal sc'ab' te', ata tzb'o e no ch'ic so', smasnil tas pitzn 'a yolyib'n̈q'uinl tic, tztechj te swatzani.

Dn 4:7

Ax yic xjaw eb' 'ay tas tztac' yuj cha, eb' tzchumn yet' c'anal, eb' tztac' snan 'el junc paxti', yet' eb' tzyal jelnal sb'a. 'Ix waln jun in waych chi 'a eb', palta ma'ix stac' yaln eb' 'ayin tas tzyal 'el'chi.

Sofonías 2:13

Ax ya'n 'at yailal 'a yib'n̈ eb' 'ay 'a stojlal norte yuj satn 'el eb' cajn 'a Asiria. A chon̈b' Nínive, caw cusltac xoj 'oj 'ajcn yu'uj, 'oj 'ochcn cusltac lumal.

Zacarías 11:1

Jacw cab' b'e 'a Líbano, ax smasnil te c'ute 'ay ta', tz'a cab' te yuj c'ac'.

Zacarías 11:2

Yuj cha, 'icha to 'oj 'oc' te taj, yujto tox 'ix 'ejm te c'ute cha. A jun tzo'n̈ te te man̈x jantcoc swach'l yilx cha, tox 'ix lajw 'ejm te'. 'Icha pax to 'oj 'oc' te mach' 'a yol yic Basán, yujto a te niwc te pim yaj cha'an̈, tox 'ix lajw 'ejm te'.

Jueces 9:15

Xta'w te snun q'uix chi 'ixtic: Toto yel tzeyala to tze nib'j tzin 'och e reyloc, cotn̈ec, c'ub'jec 'el e b'a 'a yaln̈ wen̈ul. Toto matz e nib'j an tzin 'och e reyloc jun, 'elt cab' n̈iln̈joc c'ac' 'ayin, ax stz'acn eb' te c'ute 'a Líbano wu'uj, xchi te'.