Ez 31:18 - Chuj San Sebastian Bible

¹⁸ May xon wal junc eb' te 'awb'ente yic Edén tztac' slajb'tzax yet' jun te tic. A jun te tic, caw wach' yilxi, caw niwquil pax ste'il, palta 'ix c'och pax 'a 'aj 'ay yet'l eb' chamnac. Junn̈j 'ix can yet' eb' te te yic Edén 'ayc' ta'. A tzyal 'el'ch jun tic, atn eb' 'anma matz ya'ch sc'ojl 'a Dios, eb' chamnc yuj owal. A yab'xil jun te tzwal tic, tzyal 'el'chi atn win faraón yet' eb' soldado, xchi Dios.

Chuj San Mateo Bible

¹⁸ A ach tic ach sreyal Egipto, ¿mach junoc eb' rey ec'nacxo tza nib'ej tza lajb'ej a b'a yed'oc? A ach tic te vach' ilji, te nivan elc'ochi, palta ol ach c'och b'aj ay eb' nivac yajal chamnacxo chi'. Junn̈ej b'aj ol ach can yed' eb' ayec' chi' ta'. A syalelc'ochi, aton eb' anima chamnac yuj oval, eb' malaj yelc'och Dios d'ay. Ach sreyal Egipto, aton jun tic ol javoc d'a ib'an̈ yed' eb' a soldado, xchi Jehová Yajal, xa chi, xchi d'ayin.

Ez 31:18 ပူးပေါင်းရင်းမြစ်များ

A Ch'an̈ Schab'l Libro Samuel 1:20

Man̈ eyal yab' eb' 'ay 'a chon̈b' Gat, man̈ eyal-l jun 'ab'x chi 'a yoltc scayeal chon̈b' Ascalón, sec wach' ma'oj tzaljoc chan̈ eb' 'ix filistea, sec wach' ma'oj b'atjoc chan̈ eb' 'ix chuc chon̈b'al chi yuj tzaljc'ojlal.

2 Cr 28:22

Wach'xam caw niwn yailal xjaw 'a yib'n̈ rey Acaz cha, palta an̈ja yoch smul 'a Jehová.

Salmos 52:7

'Iltec wal jun 'anma to man̈oc Dios tzya'ch yipc sc'ojol; cojn wal sricoal tzya'ch yipc sc'ojol, cojxn maysch'olnil tzb'o'o, 'oj schic eb'.

Ez 28:10

An Jehová in, an tzwala to yol sc'ab' eb' chuc chon̈b'al 'aj 'oj a chami, 'icha tz'aj scham eb' 'anma tu sb'eyb'al, xchi Dios, xa chi 'a win sreyl Tiro cha, xchi 'ayin.

Ez 31:14

Man̈x 'a junc te te 'oj q'uib' 'icha jun tic, smasnil eb' te tzq'uib' 'a sti eb' a a cha, wach'xam 'aych yalil eb' te', palta man̈x 'a junc te 'oj 'ec' stel 'a eb' te yit tel cha. Smasnil eb' yajl 'a yolyib'n̈q'uinl to lajn snab'en 'icha jun te tic, 'ayx 'och chaml 'a yib'n̈ eb'. 'Oj cham eb' 'icha tz'aj scham eb' comn 'anma', ax s'atcn eb' 'a campusan.

Ez 31:16

A yic xc'an̈ yem lan̈njoc cha, caw 'ix xiw jun tzo'n̈ nacion̈ yab'ni, ax yic 'ix 'emch 'a 'aj 'ay yet'l eb' chamnac, ax eb' chamnc chi 'ayc' ta', 'ix yij eb' sniwnal sc'ojol, atn eb' lajn yet' eb' te 'awb'ente 'ay 'a Edén yet' eb' te yic Líbano.

Ez 31:2

Ach 'anma', al 'ixtc 'a win faraón yet' 'a smasnil eb' soldado winac: ¿Mach wal junc tztac' qui lajb'tzan a b'inab'ilal yet'oc?

Ez 31:8

May junc te c'ute 'a scal yawb'ente Dios tztac' slajb'tzan sb'a yet'oc; may junc te taj lajn tz'aj sc'ab' yet' sc'ab' cha, may pax junc te castaño lajn xil yet'oc, may xon wal junc te te chi lajn swach'l yilx 'icha jun te cha.

Ez 31:9

A Dios xb'on jun te cha, man̈x jantcoc swach'l yilx yet' sc'ab'; ax eb' te 'awb'ente yic Dios 'a lum Edén, caw tzchichn 'och eb' te 'a 'a.

Ez 32:10

A mulojoc, ax wa'n 'ejm xiwc'ojlal 'a scal jun tzo'n̈ xo chon̈ab'; caw 'oj satcn sc'ojl sreyl jun tzo'n̈ chon̈b' cha, yic 'oj 'ec' jupljoc wespada 'a yojltac eb'. A yic 'oj a satl cha, caw 'oj xiw eb', yujto 'ay smay scham pax eb'.

Ez 32:19

Ach yajal, caw wach' cob' elxi, palta 'oj a c'och teln 'a scal eb' man̈ schon̈b'oc Dios, xa chi.

Ez 32:21

Ax yic 'oj c'och eb' yet' eb' rey chamnc xo, ax yaln eb' rey 'ayc' chi ta 'ixtic: ¡'A, sjaw ewin xcham yuj owal! Ewin ma'ix 'a'n 'och sc'ojl 'a Dios, 'oj can teln sniwnal eb' 'a tic quet'ec, 'oj xchic eb'.

Mt 13:19

A jun tzo'n̈ 'in̈t stz'itj can 'at 'a yol b'e, tzyal 'el'chi, 'ay eb' 'anma tz'ab'n spaxti Dios, chajtl tz'aj eb' yoch 'a yol sc'ab', palta matz nachj 'el yuj eb'. Ax win diablo tzc'och 'a eb', tzyi'n 'el win spaxti Dios 'a snab'en eb'.

1 Co 10:14

Yuj cha, ex chamc'ojlb'il wu'uj, caw man̈ eyal e b'a 'a jun tzo'n̈ tzalx 'och diosal.

A Ch'an̈ B'ab'el Libro Samuel 17:26

Yuj cha, sc'anb'n David 'a eb' 'ayc 'a stz'ey chi 'ixtic: —¿Tas tz'ajx 'a junc win tzmiln cham jun filisteo tic, sec tz'och wan sb'uchwj 'ayn̈ an̈ israel on̈c tic? ¿'Aj xcot jun filisteo cha, jun chuc chon̈b'al cha, yuj cha, tzb'uchwj 'a eb' soldado yic jun Dios pitzan? xchi.

A Ch'an̈ B'ab'el Libro Samuel 17:36

Yuj cha, an a checb' in tic, wach'xam león, mto oso, cojnto tojln̈ej scham wu'uj. Ax jun filisteo chuc chon̈b'al tic, lajn 'oj wutc 'icha wutjnac e no cha, yujto tzb'uchwj 'a eb' soldado yic jun Dios pitzan.